Komuniteti shqiptar në SHBA shembull i dashurisë së vërtetë për kombin

[MALESIA.ORG]

Komuniteti shqiptar në SHBA shembull i dashurisë së vërtetë për kombin


http://www.malesia.org/thumbnail.php?file=images/vend-qytete/komuniteti shqiptar SHBA.jpg&size=article_medium


Nuk di si më kishte arritur në adresën time elektronike shkrimi i Ruben Avxhiut “Tre kongresistë amerikanë në fushatë diplomatike për Kosovën”. E lexova me kujdes sepse kishte të bënte me përpjekjet për ta ndihmuar procesin e njohjeve të reja për shtetin më të ri të botës. E kuptova se kjo letër u është dërguar 25 vendeve me kërkesën që ato ta njohin Kosovën. Ajo që më shtyri ta punoj këtë shkrim është pjesa se: Ky kontribut i kongresistëve amerikanë (Engel, Wexler dhe Hastings) është nxitur nga komuniteti shqiptar në SHBA.

E lexova disa herë dhe nga shpirti e zemra më doli urimi për Komunitetin shqiptar në SHBA. Në memorien time pastaj u shpalosen me radhë angazhimet atdhetare të këtij Komuniteti në vite e dekada. Kujtova gjithë ato demonstrata në të kaluarën për t’u bërë zë i kërkesave të shqiptarëve të Kosovës për liri e shtet të pavarur. Mu kujtuan gjithë ato para që ata kishin mbledhur për ta ndihmuar lirinë e Kosovës dhe për ta shuar urinë në këtë vend, dikur të prangosur, zhuritur e të vrarë. Mu kujtuan rrëfimet dhe pamjet nga nisja e djelmoshave shqiptarë nga SHBA për t’u bërë zë i pushkës për lirinë e Kosovës. Mu kujtuan gjithë ato angazhime diplomatike për t’i bërë sa më shumë miq Kosovës.

Këto angazhime sublime treguan miliona herë se Komuniteti shqiptar në SHBA është simbol i dashurisë së vërtetë për kombin. Tek bëja këto analiza dhe mburresha me vëllezërit tonë në SHBA dhe ëndërroja se si mund të bëj e të gjendem bile pak ditë mes tyre për t’ua shtrirë dorën në emër të Shoqatës së Vëllazërisë Kosovë-Malësi e Madhe “Martin Dreshaj”, në emër të Dukagjinit e gjithë Kosovës, fillova të ndjehem keq dhe mu zbeh kjo dëshirë. “ Çfarë bëri Kosova shtet për këtë Komunitet “ ?, Më goditi në kokë e zemër kjo pyetje. Përgjigje nuk gjeja dhe në fund u pajtova me vlerësimin se Kosova dhe institucionet e saj kanë bërë fare pak ose hiç për t’ia shprehur respektin e merituar këtij komuniteti. Kosova me institucionet e saj është dashur në ditët e para të lirisë gjithë Shoqatave atdhetare dhe individëve të devotshëm shqiptarë në SHBA t’ua përgatisin një pritje dhe t’u ndajnë mirënjohje për punën e tyre të madhe atdhetare. Në shenjë respekti për ta Kosova me institucionet e saj, bashkë me Shqipërinë, po , po edhe me Shqipërinë, është dashur të bëhen zë i mbrojtjes së të drejtave të nëpërkëmbura të malësorëve. Është dashur, në shenjë respekti për punën e madhe të këtij komuniteti, t’i tregojnë Malësisë se nuk është e vetme. Është dashur.....

Engel, Wexler dhe Hastings Nga gjithë detyrat që është dashur t’i bëjnë Shqipëria, si shtet mëmë i shqiptarëve, dhe Kosova si shtet i gjithkujt e i askujt, ato nuk bënë asgjë. Malësia nuk ndjeu as edhe në momentet më të vështira një zë të mbrojtjes nga këto dy shtete. Shqipëria dhe Kosova me liderët e tyre, mbase të dehur pas kolltukëve e bajraktarizmave, e kanë harruar misionin atdhetar. Kanë harruar se Komuniteti shqiptar në SHBA ka bërë, e po bën shumë, për çështjen kombëtare.

Ky komunitet, ky sinonim i dashurisë së vërtetë për kombin, do të vazhdojë me angazhimet atdhetare. Këtë e di dhe kjo më bën krenar. Ky shpirt i madh atdhetar e kombëtar jep forcë për punë e angazhime te shumë njerëz në Kosovë e Shqipëri. Deshi dikush a nuk deshi me dëshira sublime e atdhetarëve nëpër shekuj do të bëhet realitet dhe shqiptarët do ta kenë kombin dhe shtetin NJË. Atyre, që kombin dhe dheun e përdorin për t’u bërë bajraktarë e për t’u ulur në kolltukë, do t’u perëndojnë kohët. Atdhetarët e vërtetë në Komunitetin shqiptar në SHBA dhe kudo tjetër do të vazhdojnë së punuari dhe do ta kemi BASHKIMIN KOMBËTAR, deshën apo nuk deshën bajraktarët e njerëzit e kolltukëve.

Rrahman Jasharaj

[Gela]

I nderueri Rrahman Jasharaj.
Me nderime dhe me nji respekt te madh te pershendes per punen dhe veprat tua ci po i tregon per vllaznit tu dhe tonin si ne mergim ne vendlindje atje ne Malsin te sakatuema aqe forte nga armiku jon shekudhor serbo-malazes por tash edhe po bahet edhe me sakatueme edhe nga shqipfolsit ton te lidhun edhe me pushtetin MZ.Ju si njeri me vlera te larta me koleget tu edhe ne shetitje haset me trathtar shqipfolsa ku nuk ju kishte shkue ndermend se ne Shqipri ka asi njerzish te poshter ne detyren shtetrore por mos te duket ase gja e cuditeshme se Malesia po ka shume deri edhe Ministra,Deputet parti politike ci jan ka e tathtojne ate fryme te Malesorit .
Po mbushen tri vjet ci malsia dhe Malesoret u burgosen u torturuen ne menyren ma cnjerzore u sakatue e drejta e Malsorit u sha Nana Shqiptare u shkel Flamure Komtar u perdhosen Fotografia e Gjergj Kastriotit ,Adem Jasharit dhe e Nanes Tereze prejgjak pirsave mz e po mas te gjitha te pa drejtave ci ju bane Malesorve dhe Malesis po te njejtit njerz shqipfolsa ne pushtet por edhe nji shkadh ma nalt ne fotelen e dyre thon se Malsia dhe malesoret kurr ma mire nuk jan ken por cka ashte edhe me keqe munohen edhe ata cka i ka met asaj malesie me ja marr e mos me i lan kurre gja se pushteti mz ne ata halameta shqipfolsash nuk jan gi both ase i madhi zot mos i gift.Te fala nga i pari i Grudes me emrin Gela ku djali i tij Vuksani pot lyp me u remue aty ku nuk shkel kama e armikut dhe kje vorrue ne maje te sukes ne majen ma te nalte mbi detare ne Malesi.

[Frashër Rracaj]

I nderuari Gela falimenderit per fjalet e bukura dhe respektin çe po tregon per z.Rrahman Jasharin dhe per shoqatën tonë,Atëdheu i ynë është një dhe i pa ndar edhe pse të ndar më pengesa administrative nga shtetet fqinjë,obligim i çdo shqiptari është që ta çojmë në vendë amaneti i të pareve tanë.Më të vertetë kontributi i z. Jasharaj është i madh si në Kosovë dhe në çeshtjen kombetare në përgjithësi prandaj Malësia sotë meriton ta ketë vemendejen mbarkombëtare sepse ja ka deshmu kombit tonë sublimin dhe sovranin,ja ka falë sublimin më të shtrejtë jeten e shumë dëshmoreve dhe gjakunë e paster të trasheguar qe nga Teuta,Agroni,Pirroja,Kastrioti, legjenda e flakes se maleve Ded Gjon Luli me shokë malësore, penen e arte at Gjergj Fishtes,Malësia kombit tonë ja ka deshmu sovranin dhe e ka ngrit ne peidestal rrugetimin e flamurit dhe legjitimimin e shtetit shqiptar edhe pse i ndar padrejtesisht,sotë bijtë e malësisë gjinden aty ku ka nevoj atdheu dhe japin kontributin e tyre,Integrimi i Kombit Shqiptar është i pa kthyeshem dhe diku ne kete rrugetim do te behet edhe Bashkimi i Kombit,prandaj të gjithë ta vëmë nga një gurë në kalan shqiptare,Flamuri i ynë i ka bere balle shumë furtunave dhe zjarreve,dhe ka dal fitues,prandaj kamë shpres qe do te triumfoj edhe kesaj here në Malësi,I përshëndes të gjithë atdhetaret më thënjën e kolosit të politikes Shqiptare të Madhit Ukshin Hotit ,,E thashë një fjalë shqip-Atdhe,Shqiptova një ideal-Komb,
Kujtova një emër-Shekspir,Lypa penën e tij,
Për të përshkruar jetëshkrimin tragjik të popullit tim,të lashtë sa vet Ballkani.
Të ndodhur aty para Botës Greke,pushtimeve Romake,dyndjeve Sllave,
Që mbijetonin robërinë dhe ende frymon për të gjalluar.

Atëhere vetes i thirra veç një emër: SHQIPTAR