Zhelko Vasiljevic,përfaqësues politik i gardës së Car Lazarit

[SoS]

"Garda e Car Llazarit" pergatitet per luftë në Kosovë 05.05.2007



“Me 5 maj, në kishën Llazarica në Krushevc do të paraqitet në uniformë "Garda e car Lazarit", e cila mbledh vullnetar serb nga mbarë bota për të luftuar në rast të pavarësimit të Kosovës. Garda përbëhet nga veteranë të luftës prej 30 qyteteve të Serbisë, por do të jenë prezent vetëm 100 prej tyre. Ndërkohë që në Serbi janë rreth 5000 vullnetarë” - citoi para pak ditësh e përditshmja beogradase “Danas”, kryetarin e Lëvizjes së Veteranëve të Serbisë, Zheljko Vasiljeviq.

"Garda e Car Llazarit" e cila paralajmëron shfaqjen zyrtare me 5 maj, në rast të shpalljes e pavarësisë së Kosovës, do të duhej të marshonte drejt Kosovës me 5000 vullnetarë serb. Disa prej tyre do të kenë uniforma të luftërave të mëparshme përderisa të tjerët, me uniforma të blera në vënde të ndryshme.
Pajisja me armatim do duhej të bëhej nga Serbia. Ata thonë se edhepse Kosova është e mbrojtur nga forcat ndërkombtare, ajo nuk është e mbyllur hermetikisht dheveteranët me përvojë do të dinë të gjejnë shtigjet drejt saj. „Veteranët me përvojë do të dinë të sillen edhe me forcat paqeruajtëse, në rast se vendosin t’iu kundërvihen, gjë që besojmë se nuk do ta bëjnë“, thotë për gazetën beogradase „Danas“ presidenti i "Lëvizjes se Veteranëve të
Serbisë", Zeljko Vasiljeviq, sipas të cilit në mesin e vullnetarëve të „Gardes së Car Llazarit“ ka edhe shqiptarë të dëbuar me 1999 nga Kosova, për shkak të besnikërisë së tyre ndaj Serbisë.

Organizatore e tubimit të 5 majit në Kurshevc të Serbisë, për të cilin nga ana e kishës Llazarica u refuzua kërkesa që t'iu kendonte kori kishtar dhe t'iu shërbehej liturgjia e mëngjesit, është Lëvizja e veteranëve të Serbisë si dhe Lëvizja e Serbve të Bashkuar.

Haxhi Andrejeviq Miliq nga Lëvizja e Serbve të Bashkuar, për Dojce Velen thotë: "Qëllimi i kësaj lëvizjeje është që të bashkojë serbët
nga e gjithë bota. Ajo është shumë më e gjërë se po të ishte vetëm lëvizje e Serbisë. Kjo lëvizje është nën mbrojtjen e Gardës së Kosovës dhe Metohisë. Kjo është Garda e car Llazarit të shenjtë, e
cila ndërkohë numëron 2500 nxënës të specializuar”.

Haxhi Andrejeviq Miliq, nga Guça e Çaçakut, i cili ishte në një feste fetare në Manastirin e Deçanit, pohon se "ndonëse kushtetuta e Millosheviqit ka qënë relativisht e mirë", ata veprojnë sipas motos:
”Nuk e japim Kosovën pa luftë. Ajo që është grabitur me luftë, me dhunë, me dhunë duhet të kthehet - herëdokur”! Ai citon edhe Rezolutën 1244, duke shtuar se "kemi të drejtë që në Kosovë e Metohi t'i rikthejmë 999 ushtarë”.
Lajmi për formimin e "Gardës së Car Llazarit", komentohet në mënyra të ndryshme. Gjorgje Mamula nga Partia Demokratike e Serbisë thotë se “Kushtetuta dhe ligji vlejnë për të gjithë dhe nuk lejojnë të formohen njësi paramilitare”.
Oliver Ivanoviq, bartës i Listës serbe për Kosovë e Metohi, shpreh brengosje për shkak të këtyre iniciativave, ndonëse, siç thotë ai, “kush do të bëjë diçka të tillë, nuk deklarohet nëpër media“.
Në një letër dërguar redaksisë së gazetës politike „Glas Javnosti“,
Andrejeviq Miliq shkruan: “Lëvizja e Popullit të bashkuar serb ka ardhë në përfundim se Jerusalemin serb, Kosovën dhe Metohinë,
duhet mbrojtur populli serb. Kanuni dhe ligji është populli!”
„Këtu, po planifikohet formimi i një Amerike të Tretë, sigurisht. Por, ne kemi një shpresë të madhe se Bashkimi Evropian, Rusia dhe Kina nuk do të pranojnë pavarësinë e Kosovës dhe Metohisë. Kjo është një fuçi e madhe baroti e cila, në më kuptoni drejt, tashmë është ndezur. Ndoshta, për shkak të Kosovës dhe Metohisë, do të ndizet i gjithë planeti. Jo se ne jemi kaq të fuqishëm dhe do të hyjmë në luftë. Këtë do ta bëjnë kinezët dhe rusët, sepse ata e kanë kuptuar se përmes territorit tonë do të mbrojnë territoret e veta“, thotë Andrejeviq Miliq, i cili është i bindur se, këto shtete nuk
do të lejojnë shkëputjen e Kosovës nga Serbia.
“Jo. Kjo s’do të ndodh kurrë! Është e mundur që dikush të shpall pavaresinë në letër. Por, kjo do të zgjas një kohë të shkurtër! Asnjeri s’ua ndalon „shiptarima”, siç i quajmë ne, që të jetojnë në Kosovë e Metohi. Por, t’na grabisin territorin është e pamundur, sepse do të çohen Sava i shenjtë dhe i shenjti car Llazar, të cilët kanë themeluar këtë shtet serb. Dhe, nëse duhet të hymë në betejë, pak ka rëndësi numri i ushtarëve. Ndoshta ai numër mund të jetë
qesharak dhe kjo që po flas tingëllon joreale. Por, ne serbët asnjëherë në histori nuk kemi parë realitetin. Tek serbët nuk ka realizëm", thotë ai. d.welle

[Vuksan Gela]

hajde se serbet duket dashkan edhe i her me humb luften se cdo luft ne histor deri tash cikan ba ekn humb se sava e car Llazari kan mej shpetua

[Rapshjani27]

Lus zotin chi tan serbet do ti shkojn car llazarit ne gjij,se e ka marr madhi per ta,ather nimos kjoshin serbet mjaft me e gezua carin detu bashkangjiten edhe malazezet!!!!
Vllazen Kosovar"UCK"shtrengoni veglat edhe njiher me i prit dhe perciell ata klysh shkinash per ne toke te zeze pergjithmon!!!!

Ju pershendes,gjithmon se bashku me ju....

[Shqiperia_e_bashkuar]

Pershendetje
Mos u bani marak per keto lajme se demek jane formuar struktura te reja ushtarake e paramilitare te shkijeve,sepse ne e dime se ato kane egzistua gjithmon,por nja asht e sigurte se ata ashtu ne ate forme s'kane me mujt me hi kurr ne Kosove.Asht e vertet se ne Kosove,ne vende ci jane me shumice me shkije,gjenden persona ci kane ba krime te randa mbi popullaten shqiptare,por me besoni se si sot si neser ata skan cka me ba ne Kosove,e kan me u largua prej aty ose kan me u zan e dergua ne burgje te merituame.Sa per "Garden e car Lazarit" s'po bahem marak as pak se ne Kosove jane gjalle t'bijte e UCK-se e kush deshti me ardh si mik ne Kosove e ka deren hapun,por per anmikun e sulmet e mundshme ne token tone,do t'ju pergjigjen keta djema,ne ata mund te logaritni lirisht.
Ashtu asht edhe ne Malesi.Ne Malesi cka nuk egziston?Gjithfare struktura te ndryshme,nga ato te sherbimeve sekrete deri te ato te sherbimeve publike te shtetit te Malit te Zi.Me besoni se seshpejti ka me ardhe koha ci edhe ne Malesi te egzistojne djemat ci do te punojne edhe ne menyre sekrete e ,po kje nevoja edhe publike,te punojne ne te miren e Malesise,e ajo asht vetem fryma e vertet Shqiptare.E mira e Malesise asht bashkepunimi i ngushte me shtetin ton Shqipnine edhe Kosoven,e asnji tjeter alternative nuk vjen ne pyetje.Malesoret diten me marr pushken e te dalin ne mbrojtje te tokave tona te bekuame prej zotit,e ata u deshmuan edhe ne luften e fundit midis shkijeve e shqiptareve ne Kosove.l madhi e i pavdekshmi Gjergj Fishta ka pas thane se e pat shkrua vet Perendia se shqiptari e shkjau kurr nen nji hije nuk mund te rrine,por gjithmon te vrahen e prehen.Ashtu do te jete gjithmon deri sa toka jone te bashkohet prap sic ishte para jo shum viteve.
Me rrespekt: Shqiperia e bashkuar

[KUSi]

le te pergatiten sa te duan pooooor mos e harojne ate se kur vjen puna per luft shqiptaret mblidhen nga cdo cep i botes se mbrojtjen e tokave shqiptare e kemi bo e bojm dhe do vazhdojm ta bojm deri sa armikut tia doj qejfi!!!!


RROFT SHQIPERIA ETNIKE

[Berisha-boy]

Zhelko Vasiljevic,përfaqësues politik i gardës së Car Lazarit flet për Gazeten Express

http://img406.imageshack.us/img406/2971/carllazaritr0.jpg

Nuk përton ta heqë kollaren dhe këmishën e bardhë për t’i ndërruar me rrobat e ushtrisë.Thotë se është njeri i paqes. Rreth vetes i ka mbledhur luftëtarët e dikurshëm që kanë dashur të shkojnë në Kosovë për të luftuar.Ky është Zhelko Vasiljevic,përfaqësues politik i gardës së Car Lazarit, e krijuar në fillim të majit për të mbrojtur Kosovën,dhe deputet në Kuvendin e Serbisë si pjesë e koalicionit me SPS-në,Partinë Socialiste të Serbisë.Është rreth 45 vjeç dhe ka pak simpatizues në vendin e tij.“Unë po e ndali luftën”,thotë Vasijlevic. Ai tregon se me garden e tij për dy orë mund ta marrë Kosovën, ndonëse nuk e beson që do të ndodhin konflikte të reja.Ndonjëherë nuk duket që e ka me tërë mend atë që thotë.Ka dy fëmijë dhe vajza 17 vjeçare e përkrah në idetë e tij radikale,kurse djali është indiferent.Dikur ka qenë menaxher i elektro-teknikës,ka pasur vetura dhe shtëpi,por të gjitha i ka lënë për luftën e Vukovarit ku edhe është plagosur.Thotë se ka respekt për “kolegët” e tij në tërë ish-Jugosllavinë që kanë luftuar me nder për popullin e tyre. Garda e tij është nisur për në Kosovë në një marsh paqësor dhe shpreson që më 28 qershor të gjithë do të mblidhen për të kremtuar ditën e humbjes së madhe,Betejën e Kosovës, të vitit 1389 në Gazimestan afër Prishtinës.
Zjelko e do Kosovën më shumë se shumëçka tjetër.Nuk mendon për viza, për pushime,por pyetet pse serbët nuk mund të shkojnë në tokën e tyre.Mendon se pas ca vitesh serbët mund të zhvendosen drejt Kosovës,të jenë shumicë aty dhe të kthejnë gjendjen e dikurshme.Edhe vetë Zjelko është pro autonomies së Kosovës.Mendon se amerikanët do t’I tradhtojnë shqiptarët, pasi që kanë vetëm interesa të shtyhen me Rusinë.Megjithatë ai nuk është pro luftës.Shqiptarët dhe serbët, sipas tij,nuk janë ende armiq të përbetuar,por mund të bëhen. “Pavarësia është një luftë e re”, thotë Zjelko.


Express: Çka i duhet Serbisë garda e Car Lazarit?
Zjelko Vasiljevic: Garda e Car Lazarit nuk është asnjë formacion paraushtarak.Nuk është formacion i organizuar,por kjo është si një njësi që ka armë dhe që dëshiron të ndërmarrë ndonjë aksion.Momentalisht kemi 30 mijë ushtarë,në të 7 mijë civilë,pra rreth 23 mijë.Gatishmëria në Serbi është në gjendje katastrofale.Kjo për mua është më shumë se katastrofale,shumë e vogël.Armata e Serbisë nuk është e gatshme në kuptimin njerëzor për çfarëdo përleshjeje të re. Unë si veteran i luftës që kam përvoja të tilla,e di çfarë janë problemet e tilla,kur në ushtri vijnë njerëz të tillë që nuk janë të gatshëm për luftë.Që kjo të tejkalohet, ne kemi themeluar gardën e Car Lazarit dhe nëpër qytete kemi menduar të tubojmë njerëzit që kanë marrë pjesë nëpër luftëra e që nga viti 1990 deri në 1999 kanë qenë rreth 350 mijë të tillë. Kjo është bërë që në rast nevoje,ata të jenë aty e kjo nënkupton edhe në rast të pavarësisë së Kosovës, ata hyjnë brenda ushtrisë, policisë dhe xhandarmërisë, në mënyrë që të mos shkojnë në luftë fëmijët nga 18 deri në 25 vjet, të cilët janë potencial gjenetik i Serbisë.Por,që vendet e tyre t`i marrim ne që jemi mbi 25,40 e 50 vjeç.Kjo është ideja e gardës dhe kush nuk e kupton këtë, kush e kupton si formacion paraushtarak, atëherë ka problem me të kuptuar.

Express:Pra,mendoni se së shpejti do të shkoni në një luftë të re?
Zjelko Vasiljevic: Nëse dikush do të donte që të mos shkohet deri tek lufta dhe kjo të zgjidhet në mënyrë paqësore, atëherë jemi ne ata.Unë dhe shokët e mi që kemi marrë pjesë në luftëra ku edhe kemi pësuar.Për këto gjëra nuk duhet të flasin ata që e kanë pare luftën në televizion.Ne e dimë çka janë dhimbjet e luftës,por janë disa gjëra që nuk zgjidhen pa luftë.

Express:Mendoni se s’mund ta ktheni Kosovën mbrapa pa luftë?
Zjelko Vasiljevic: Ne mendojmë që mundet. Atë në mënyrë diplomatike.Ne si pjesëtarë të gardës i japim mbështetje të plotë Koshtunicës dhe Tadiçit për zgjidhje diplomatike,por zgjidhja duhet të jetë një lloj autonomie e cila është e pranueshme edhe për serbët edhe për shqiptarët.

Express:Autonomia nuk është e pranueshme për shqiptarët...
Zjelko Vasiljevic: E nëse shqiptarët janë të gatshëm që pavarësia është e vetmja gjë që e duan,ata duhet të pyesin kush është ajo anë që ngacmon,a janë shqiptarët apo serbët.Mos më flisni për ato që kanë ndodhur në vitin ’98 dhe ’99,sepse sigurisht e di më mirë se ju se çfarë ka ndodhur.

Express:Keni qenë në Kosovë në atë kohë?
Zjelko Vasiljevic:Unë nuk kam qenë,por si njeri që përfaqësoj veteranët që për çdo ditë flas me ta,me ata që kanë pësuar atje dhe që kanë luftuar.Natyrisht që kam qenë,por nuk kam luftuar sepse kam qenë i plagosur dhe nuk ka pasur nevojë.I kemi dhënë Serbisë dhe Malit të Zi njësi,por kanë thënë se nuk kanë nevojë.Qëndrimi im politik është se një shtet nuk mund të krijohet brenda një shteti tjetër pa pajtimin e tij.Pra,ashtu siç... shqiptarët që kanë qenë pakicë nuk mund të …

Express: Shqiptarët janë shumicë në Kosovë...
Zjelko Vasiljevic: Po,por ka vende aty që serbët janë shumicë.A jeni të gatshëm t’u jepni serbëve pavarësi,në veri,në enklava si Gracanica?

Express: A jeni të gatshëm ju të pranoni autonomi të tyre,meqë shqiptarëve po ua ofroni?
Zjelko Vasiljevic: Ju me pyetni në rast të pavarësisë.Domethënë ju nuk konsideroni mundësi tjetër, reale.

Express:Nuk po konstatoj,por po pyes.
Zjelko Vasiljevic:Kujdes,në Rezolutën 1244,mos me detyroni të flas për të drejtën ndërkombëtare e gjëra të tilla.Kjo do të ishte marrje e territorit të një shteti që është anëtare e OKB-së.Mos t’ju lodhi sepse të gjithë dine.

Express:Përveç Rusisë askush nuk është me Serbinë?
Zjelko Vasiljevic: Unë nuk do ta kisha konsideruar krejt ashtu.Nuk jam i sigurt nëse keni qëndrim të qartë,në Këshillin e Sigurimit më së paku edhe dy shtete tjera nuk e mbështesin. Pastaj,nuk duhet të flasim në këtë kuptim.Ky është problem që do ta zgjedhin fuqitë e mëdha.Por,derisa të jetë kështu statusi, Kosova nuk do të fitojë pavarësinë. Veteranët,UCK-ja,politikanët mund të bëjnë tensione sa të duan.

Express: Ju i besoni Rusisë?
Zjelko Vasiljevic: Aq sa ju i besoni Amerikës.Nëse kjo është përgjigje.Nëse ju mendoni se Amerika bën gjëra sepse i do shqiptarët sepse kanë punuar mirë, ashtu edhe unë mendoj se do të përdor veton dhe do ta ndihmon Rusinë.

Express: Kush është më i fort sipas jush?
Zjelko Vasiljevic: Nëse vjen deri të votimi do të shihni se Rusia është me e fortë se Amerika sepse në Këshillin e Sigurimit nuk mund të kalohet pa votën e Rusisë,e nëse kjo ndodh bashkimi Evropian nuk do të merr misionin civil. Amerika nuk ka interes tjetër përveç bazës Bondsteel në Kosovë.

Express: Putin po shkon në Amerikë për takim me presidentin Bush?
Zjelko Vasiljevic: Besoj se në atë takim do të zgjidhet cështja e Kosovës dhe jam i bindur se Rusia nuk do të ketë më rast të mbaj ndonjë gjë në Evropë,nësë rusët lëshojnë këtë rast për të mbrojtur Serbinë,ajo ka humbur ndikim e saj në këtë pjesë të Evropës dhe do të ketë mundësinë të luftojë në të ardhmen e saj vetëm brenda kufijve të saj.Qëillimi
i Amerikës nuk është as mirëqenia e shqiptarëve as e serbëve,por është që t’i afrohet Rusisë që e konsideron si kundërshtarin më real.

Express: Si mund të ndodh,keni plane?
Zjelko Vasiljevic: Shumë lehtë me një politikë të mirë. Edhe nëse fiton madje edhe pavarësi.Ndoshta serbët do të duan të jetojnë në atë Kosovë të pavarur e më pas do të vendosemi ne,do të shpërngulemi dhe megjithatë ne jemi më shumë se ju,serb janë 10-12 milion, ndërsa shqiptar 5 milion apo më pak dhe ne do jemi shumicë.

Express: Thuhet se janë më shumë se 7 milion.
Zjelko Vasiljevic:Epo ju thoni,mund të thoni çka të doni,por s’ka rëndësi le të mbeten edhe 7,ne jemi më shumë.Ne do të bëhemi shumicë dhe atëherë do të themi se jemi shumicë.

Express: Cilat janë planet?
Zjelko Vasiljevic:Ka plane ashtu sikurse kanë bërë edhe shqiptarët gjatë viteve ’45,njësoj edhe ne kemi plane perms zhvillimit ekonomik.

Express: Kjo mund të zgjat edhe 100 vjet.
Zjelko Vasiljevic: Problemi i Kosovës nuk do të zgjat edhe 100 vjet,por nëse mendoni se do të zgjidhet sivjet, gënjeheni rëndë.Kam biseduar më shumë politikan nga Kosova dhe ata janë të dyshimtë. Nuk sjellë asgjë pavarësia,pas saj nuk shihet gjë,nuk hahet, nuk jellë punë.Disa shqiptar që kanë ikur nga Kosova janë në gardën time,por janë njerëz kryesor dhe luftëtarë.

Express: Prej nga janë ata?
Zjelko Vasiljevic: Janë nga Jagodina,Paracini,Pozarevci dhe Smedereva,Shqiptar.Kanë qenë pjesëtar të ushtrisë, kanë luftuar me ne në Vukovar, Sarajevë dhe vende të tjera.

Express: Nëse pavarësia e Kosovës njihet njëanshmërisht,çka atëherë?
Zjelko Vasiljevic: Kjo për neve nuk do të thotë asgjë sepse vetëm atëherë kur Serbia do ta njeh do të jetë e pavarur. Nuk e dimë sa shtete do ta pranonin, por ne s’mund të bëjmë gjë.

GazetaExpress (http://www.gazetaexpress.com/pdf/888.pdf)
VAZHDON NË NUMRIN E NESËRM

[Berisha-boy]

Express:Radikalët dhe Koshtunica kanë thënë se do të duhej të ndërpriten të gjitha marrëdhëniet me shtetet që e njohin pavarësinë e Kosovës,a mendoni se do të mbeteni vetëm?
Zjelko Vasiljevic: A e dini çka,më duket se edhe ju jetoni në njëfarë keqkuptimi. Mendoni se Kosova është aq e rëndësishme për Amerikën e Bashkimin Evropian dhe kështu me radhë, por ju jetoni në një iluzion dhe ky çast do të kalojë shpejt,ju do të keni një zhgënjim të madh më shumë se ne,ju që jeni mësuar me një përkrahje absolute. Shikojeni,është shtyrë për 120 ditë zgjidhja e statusit, a ju kujtohet kur ka qenë e paraparë të jetë Kosova e pavarur? Por, nuk është bërë as vjet në tetor,as tash.

Express: A është Kosova pjesë e Serbisë, realisht?
Zhelko Vasiljeviç: Absolutisht po,në bazë të Kushtetutës.

Express: Çfarë forcash keni në Kosovë,cili është ndikimi dhe kontrolli?
Zhelko Vasiljeviç:Po,shiko,nuk kemi. Por,kemi 120 mijë njerëz që jetojnë atje.Por,a do të dëshiroje të kishim ne forca ushtarake atje?

Express:A është e mundur kjo?
Zhelko Vasiljeviç: Edhe tani mundemi,edhe ligjërisht,besomë,por ky shtet i Serbisë nuk dëshiron,për shkak të një
politike defanzive,atë që ka ndodhur,për shkak të propagandës nuk është bërë kjo pyetje.Nuk ka nevojë në këtë kohë për ushtri,mos e shfrytëzoni si argument që pavarësia ka ndodhur pasi që nuk ka ushtri. Nëse është nevoja, ne do të jemi aty për 2 orë.

Express: Sa kohë ju duhet ta merrni Kosovën?
Zhelko Vasiljeviç: Një luftë e tillë nuk do të ndodhë.As ajo që ka ndodhur me ’98 – 99.As shqiptarët nuk janë të gatshëm të bëjnë një luftë serioze me një ushtri me armë të kalibrit të madh.Por,as bashkësia ndërkombëtare nuk do ta lejonte. Por, përleshje të kalibrit të ulët mund të ndodhin.Ato janë reale dhe mos harroni se do të ketë shumë viktima,e para së gjithash të banorëve lokalë.

Express: Nëse do të ketë bisedime të reja, çka do t’u thuhet shqiptarëve që ta pranojnë autonominë?
Zhelko Vasiljeviç:Pozicioni i Serbisë ka qenë i paraqitur keq.Edhe unë kisha kërkuar si shqiptarët,edhe unë do të kasha kërkuar pavarësi,sikurse të kasha mbështetjen e Amerikës dhe kujt ta di tjetër.Pse do të kërkoja më pak,s’ka logjikë. Por, unë mendoj se nuk është në interesin e shqiptarëve pavarësia. Kjo do të nënkuptonte izolimin e shqiptarëve në Kosovë.Mos mendoni që do të jetë gjithçka normale, që shqiptarët në Serbi do të jenë fqinj të mirë.Pyetja është më e gjerë.Kostunica e Tadic duhet të premtojnë zhvillim ekonomik,mund të ishte një punësim i madh,autonomi absolute,ligje të veçanta, marrëdhënie normale,organizim në gjithçka, por e vetmja është ulësja në OKB dhe armata e pavarur.

Express: Në një mënyrë, pavarësi?
Zhelko Vasiljeviç : Ku është kompromisi nëse merret edhe ulësja në OKB,edhe ushtria?Mendoj se shqiptarëve nuk u shkon në dobi lufta me serbët,jo me Serbinë.

Express:Edhe serbët e Kosovës janë të gatshëm për luftë?
Zhelko Vasiljeviç:Nuk vendosin ata.Lufta nuk është një gjë demokratike që vendosin shumica apo pakica. Lufta është pyetje elitash që marrin vendim.Kam një numër të madh njerëzish që janë të gatshëm.Ne duhet të masim shqiptarët dhe kush është i gatshëm të luftojë më shumë.Pyetja e Kosovës është zgjedhur 130 vjet më parë në Lidhjen e Prizrenit,e tash me gjasë ka ardhur te zgjidhja.E keni luftën Israel-Liban që zgjat nga 60 vjet dhe besoj se askujt nuk i pëlqen një gjë e tillë.Frustrimi i veteranëve është i madh, por qeveria e ka në qëndrim ruajtjen e territorit.

Express:Nuk kanë bërë gjë politikanët serbë konkrete për ta mbajtur Kosovën, ata vetëm u premtojnë...
Zhelko Vasiljeviç: Pajtohem plotësisht. Por,5 miliardë dinarë ose 70 milionë euro janë ndarë për Kosovën si buxhet dhe kjo nuk është zhgënjyese.

Express:Ku do të shkojnë këto para?
Zhelko Vasiljeviç: Në zhvillimin e infrastrukturës dhe në punësime të reja.

Express:Në rrugët e Prishtinës?
Zhelko Vasiljeviç: Sigurisht se jo në ato të Prishtinës,por në enklavat serbe.Ku serbët janë shumicë,sigurisht në veri.

Express:Në njëfarë mënyrë Serbia e do vetëm territorin,jo popullin?
Zhelko Vasiljeviç:Edhe ju do të kaloni nëpër ato rrugë.

Express: A pranoni ju që Hashim Thaci të bëhet
kryeministër,zëvendëskryeministër apo ministër?
Zhelko Vasiljeviç: Çfarë dallimi ka në mes të Riza Halimit dhe Ramush Haradinajt?Unë flas edhe me shqiptarët që kanë luftuar.Ata pyeten ç’do të ndodhë pas pavarësisë.Nuk do të mund të keni shumë privilegje në Evropë.Nuk do të pranonin t’iu punësojnë të gjithëve.Në Beograd jetojnë mbi 40 mijë shqiptarë,i njoh me qindra,a kanë probleme,a ua thyen kush hundët.

Express: A thonë se janë shqiptarë,a dalin me flamurin shqiptar në mes të Beogradit?
Zhelko Vasiljeviç: Ata thonë se janë shqiptarë,por mos ma përzini mendimin tash.

Express:Në Graçanicë është flamuri i Serbisë.Serbët pinë kafe në mes të Prishtinës?
Zhelko Vasiljeviç: Shikoni si është puna.Më 27 qershor do të bëhet një përmendore e luftëtarëve të Kosovës në Mitrovicë.Në Gazimestan do të jemi më 28 qershor.kemi një marrëveshje me KFOR-in italian.

Express: Do t’ju përcjellin në “vendin tuaj”?
Zhelko Vasiljeviç: Unë të kuptoj.Amerikanët kanë ndjekur shqiptarët,sikur të mos ishin amerikanët dhe pakti NATO, do të mbeteshin 200 mijë shqiptarë në Kosovë. Por,mos më thoni se s’keni bërë asgjë.UÇK-ja s’ka ardhur nga Iraku.I di të gjitha,jam I vetëdijshëm,por nuk do të jetë tërë shekullin kështu.Nëse tani nuk bëni marrëveshje me serbët,kur keni rastin,më vonë do të jetë shumë më ndryshe.

Express:Por,a ka kuptim marrëveshja pas 10 mijë të vrarëve në Kosovë?
Zhelko Vasiljeviç: Sa serbë i keni vrarë ju?

Express:Unë!? Asnjë...
Zhelko Vasiljeviç: As unë, por ka pasur të vrarë. logjike nuk ka përgjigje.E vetmja mundësi është kompromisi.Po bëni gabim të madh,pasi që pavarësia nuk do të jetë e përhershme.Serbët nuk do ta pranojnë këtë dhe s’do të ketë paqe.Do të pyesni si vijmë deri te armët.Na keni treguar ju.Jo ju,por shqiptarët e Shqipërisë.Sulmohen kazermat dhe kaq.Te ne është më lehtë se kemi mbështetjen e ushtrisë.

Express: Të rinjtë do t’ju urrejnë këtu.
Zhelko Vasiljeviç: Tash më urrejnë,pas 10 vitesh ndoshta jo.Tani edhe Ratko Mladicin e urrejnë,por më pas ndoshta do ta duan dhe do ta konsiderojnë hero qëështë munduar për të drejtat e serbëve.

Express: Si e vlerësoni ju?
Zhelko Vasiljeviç: Është dashur të viktimizohet deri në fund pas viktimave.

Express: Cilave viktima. Ai ka vrarë 7 mijë veta?
Zhelko Vasiljeviç: A i keni numëruar.Unë do t’ju them se nuk kanë qenë mbi 1 mijë e 800.Nuk janë sigurisht,nuk është me rëndësi.Ai që ka bërë me nder punën e tij,është miku im më I mirë sesa serbët që kanë ikur.Ata që janë kriminelë.Nëse mendoni se Thaci, Haradinaj,Ceku janë luftëtar të pagabuar,keni të njëjtin problem që kemi me Mladicin.

Express: Thoni se s’kanë qenë fajtorë Mladic dhe të tjerët?
Zhelko Vasiljeviç: Nuk do të thonë se kroatët,boshnjakët apo shqiptarët janë më pak fajtorë për shumë gjëra.Nuk janë vetëm serbët fajtorë për gjithçka.Krime ka pasur në të gjitha anët.Me duar të mia kam nxjerrë fëmijë serbë të vrarë në Kroaci.Mos harroni se pas tri vitesh do të mund të jetë Toma Nikolic kryetar i shtetit.Pastaj,ka fuqi të reja,Rusia,Kina dhe India.

Express: A është mirë për Serbinë një luftë e re?
Zhelko Vasiljeviç: Jo, nuk është.

Express: Pse po i ftoni njerëzit për luftë atëherë?
Zhelko Vasiljeviç: Jo,vetëm në rast se shkelet sovraniteti i Serbisë.Por,duhet ta dini se kurrë nuk është ashtu siç duket. E vetmja gjë që shqiptarët mund të bëjnë,është të pranojnë këtë rast që kurrë më në jetë nuk do ta kenë.Ju jeni lidhur vetëm për një fuqi,por mos harroni se më 2020 Amerika nuk do të jetë më fuqi.Mund t’ju duket larg,por për historinë e njerëzimit është afër.

Express: Por,nëse bëhe tash pavarësia,2020-a është larg?
Zhelko Vasiljeviç:Mos mendoni se është e përhershme.Edhe Izraeli e Palestina e kanë të njëjtin problem.Kjo është një e ardhme e sigurt,nëse ndodh pavarësia dhe problemet nuk do të zgjidhen.Në Gazimestan do të jemi rreth 1 mijë persona dhe do të jetë një mesazh simbolik.Por,edhe në Kosovë do të vijë koha si te ne 5 tetori,kur dikush do të thotë të bashkëpunojmë me Serbinë. Edhe unë kam qenë kundër Milloshevicit më 5 tetor,e kohët ndryshojnë. Lufta është gjë e
ndyrë ,mos mendoni,as luftërat e Amerikës nuk janë të ndershme.Por,mos shpresoni në mbrojtjen e KFOR-it,as holandezët nuk kanë mbrojtur Srebrenicën.As serbët,e as shqiptarët,pasi që ata,kur ndodh diçka skajohen dhe shohin.
Por, ne po mundohemi për qëllime të paqes.

Express:Veteranët e Kosovës u kanë dërguar selame dhe kanë thënë se,nëse u shohin,do tambani mend gjatë?
Zhelko Vasiljeviç:Shkëlqyeshëm.

Fundi i intervistes