Lajmet Ditore 22.022.2008

[GRUDJANE]

Rama: Meta iu rikthye lojës së vjetër politike

http://i268.photobucket.com/albums/jj8/vajzgrudet_2008/untitledrama-1.jpg

22 Shkurt 2008

Reagon Rama dhe Gjinushi pas deklarimit të LSI-së për daljen nga koalicioni i majtë
TIRANË- Kryetari i Partisë Socialiste Edi Rama e ka cilësuar pjesë të politikës së vjetër, vendimin më të fundit të partisë Lëvizja Socialiste për Integrim për të dalë nga koalicioni opozitar. Vetëm pak orë pasi kreu i LSI-së Ilir Meta deklaroi fundin e koalicionit "Bashkë për të Ardhmen" dhe inicimin e një koalicioni të ri opozitar "E majta për Integrim", kreu i socialistëve Edi Rama, shprehu keqardhje për këtë qëndrim duke theksuar se ai nuk i shërben të ardhmes evropiane të së majtës dhe interesave të vendit. Duke iu përgjigjur interesit të gazetarëve në lidhje me akuzat që LSI ka drejtuar gjatë ditës së djeshme ndaj dy forcave të mëdha politike dhe kryesisht ndaj lidershipit socialist, kreu i selisë rozë ka theksuar se nuk është koha për lojëra të tilla politike, që nuk i shërbejnë forcimit të së majtës. Sipas liderit socialist, vendi ndodhet në një moment kur i nevojitet një politikë e re dhe lëvizje të tilla, sipas tij, nuk janë në të mirën e njerëzve. "Kjo nuk është koha e ndarjeve të vjetra, por e një bashkimi të ri. Kjo nuk është koha e llogarive të vogla partiake dhe lojërave të vjetra politike, por e ndërtimit të një politike të re të qytetarëve të tradhtuar 17 vjet nga politika e politikanëve", - tha Rama në reagimin e tij.
Gjithashtu Rama ka bërë të qartë se qëndrimet e fundit të aleatit të tij Ilir Meta janë një rikthim tek lojërat e vjetra politike, që kanë në qendër të tyre vënien e interesave të ngushta partiake mbi interesat e së majtës dhe të ardhmes euroatlantike të vendit. "Mua më vjen sinqerisht keq që miku im Ilir Meta iu kthye një loje të vjetër, që s'ishte as në të mirën dhe s'është as në dëshirën e njerëzve. Uroj me gjithë zemër që ai ta kuptojë se Shqipëria dhe shqiptarët janë të lodhur nga kjo lojë", - theksoi Rama. Megjithatë, sipas tij, pavarësisht këtij qëndrimi, Partia Socialiste mbetet e hapur për të bashkëpunuar me aleatët, përfshi këtu edhe Lëvizjen Socialiste për Integrim. Duke e konsideruar një mik të tijin, Rama i ka bërë thirrje Metës që ti kthehet bashkëpunimit me koalicionin e majtë, si e vetmja mënyrë për të realizuar të gjitha aksionet opozitare dhe për të ndryshuar Shqipërinë. "Sigurisht, që dyert tona janë gjithmonë të hapura për mikun dhe bashkëpunëtorin Ilir Meta", - tha Rama. Ndërkohë që ndaj qëndrimit të LSI-së ka reaguar edhe Partia Socialdemokrate, e cila e ka konsideruar atë një qëndrim të shpejtuar. "Nëse deklarimi do të thotë ikje nga e majta dhe kalim në të djathtë, atëherë ky është vullnet politik i çdo partie dhe këtë s'ia këshillojmë askujt. Ne si PSD nuk kemi ndërmend që të shkojmë djathtas. Nëse flitet për deklarime se si do të paraqitet në zgjedhje është e parakohshme", - tha Gjinushi.

Shekulli .com

[GRUDJANE]

Patozi: Sistemi, s'mund të kënaqim interesat meskine të partive të vogla

Nënkryetari i PD-së dhe kryetari i grupit parlamentar sqaron se nuk ka pakt PD-PS
TIRANË- Partia Demokratike dhe Partia Socialiste nuk mund të kënaqin interesat meskine të partive të vogla përsa i përket sistemit zgjedhor. Ky është konkluzioni në të cilin ka dalë dje kryetari i grupit parlamentar të PD-së, Astrit Patozi, i cili duke iu referuar diskutimeve për reformën zgjedhore, ripërsëriti faktin se mes PD-së dhe PS-së nuk ka asnjë marrëveshje. Patozi, njëherësh nënkryetari i PD-së, u shpreh se dy partitë e mëdha kanë zhvendosur debatin për reformën nga sistemi mazhoritar, që u shkon më shumë për shtat atyre, në sistemin proporcional, duke bërë kështu një koncesion të madh në raport me interesat e tyre. "Ky koncesion duhet të njihet, dhe ky koncesion nuk mund të shkojë deri në fund, për të kënaqur interesat meskine, të cilat në fund të fundit, kërkojnë që të devijojnë apo të deformojnë votën e shqiptarëve në zgjedhje", u shpreh Patozi.
Kreu i grupit parlamentar të PD-së shprehu shqetësimin se po krijohet një klimë e panevojshme tensioni për reformën zgjedhore, ku të vegjlit akuzojnë të mëdhenjtë se kanë arritur një marrëveshje mes tyre në dëm të partive të vogla. Astrit Patozi tha se kjo nuk është aspak e vërtetë dhe se situata mbështetet tek thashethemet, dhe jo tek ajo çfarë ndodh realisht. "Bashkëpunimi midis PD-së dhe PS-së, për reformën zgjedhore, është një problem që nuk duhet trajtuar si një sfidë midis partive të mëdha dhe partive të vogla, por si një zgjidhje për interesat jetike dhe për stabilitetin politik të vendit .Në rast se do ta trajtonim si një çështje midis partive të mëdha dhe atyre të vogla, unë do të theksoja se PD-ja dhe sigurisht edhe PS-ja, janë parti mazhoritare dhe po të ishte në interesin e tyre të drejtpërdrejtë ato do të parapëlqenin, dhe do të vendosnin për një sistem të pastër, si dhe mazhoritar dhe, askush në Shqipëri dhe jashtë saj, nuk mund të thotë që një sistem mazhoritar nuk është demokratik, pasi këtë sistem e kanë edhe shumë vende demokratike në botë", tha Patozi.

Shekulli.com

[GRUDJANE]

Ndoka: Pakti PD-PS, aventurë e rrezikshme

Kryetari i PDK-se shprehet se reforma zgjedhore po kthehet në një sëmundje infektive

TIRANË- Marrëveshjet e fshehta mes Partisë Demokratike dhe Partisë Socialiste për reformën zgjedhore do të jenë aventura të rrezikshme për integrimin e vendit në strukturat euroatlantike. Kështu ka deklaruar dje kryetari i Partisë Demokristiane, Nard Ndoka gjatë një prononcimi për mediat, ndërsa ka komentuar situatën e krijuar për reformën zgjedhore. Ndoka, duke prekur edhe lëvizjet e fundit në kampin e majtë, tha se "reforma zgjedhore është një sëmundje infektive", duke lënë të nënkuptohet se edhe e djathta mund të mos mbetet jashtë tyre. "Reforma zgjedhore është një sëmundje infektive, nëse mund të flas me terma të shëndetësisë, dhe momenti më i rëndësishëm politik për politikën shqiptare është që të ketë bashkëpunim me të gjithë faktorin politik shqiptar, me të gjitha partitë parlamentare", është shprehur Ndoka, duke theksuar se çdo marrëveshje e fshehtë mes partive politike do të dëmtojë procesin, por edhe vetë imazhin e vendit.
Në këtë drejtim, kreu i demokristianëve bëri thirrje për domosdoshmërinë e frymës së mirëkuptimit mes palëve, partive të mazhorancës dhe atyre të opozitës, duke pasur parasysh rëndësinë e bashkëpunimit dhe kushtet që ndërkombëtarët i kanë vënë klasës politike shqiptare. "Një mungesë përgjegjësie në këto momente do të jetë me pasoja për integrimin tonë në strukturat euroatlantike, për marrjen e ftesës dhe për probleme të tjera. Ne duhet të tregojmë përgjegjësi maksimale për përmbushjen e këtyre reformave. Ashtu siç kaluam reformën në drejtësi, është e domosdoshme që me të njëjtin standard e bashkëpunim të kalojë edhe reforma zgjedhore. Ajo që ne kemi vërejtur me një lloj shqetësimi është mungesa e një transparence, edhe nga ana e PD-së",- është shprehur më tej kreu i PDK-së, njëherësh ministër i Shëndetësisë në kabinetin qeverisës.

[GRUDJANE]

Rama: Meta, lëri lojërat

http://i268.photobucket.com/albums/jj8/vajzgrudet_2008/meta-rama.jpg

Më vjen keq që miku im iu rikthye politikës së vjetër"


Koalicioni i majtë është përçarë. LSI-ja ka bërë të ditur dje përfundimisht largimin e saj nga ky koalicion dhe krijimin e një aleance të re opozitare "E majta për integrim". Ky qëndrim është zyrtarizuar dje nga kryetari i LSI-së, Ilir Meta, gjatë një konference për shtyp, pas vendimit të marrë nga kryesia e partisë. Shkak i kësaj përçarjeje mes koalicionit të majtë është bërë mungesa e konsensusit për reformën zgjedhore dhe "aleanca" që PS-ja po bën me PD-në në kurriz të partive të vogla. Duke përforcuar deklaratat e dy ditëve më parë të nënkryetarit të LSI-së, Dritan Prifti, kryetari Meta deklaroi se ky vendim është marrë pas diskutimeve të bëra nga Kryesia e LSI lidhur me situatën kritike, ku ka hyrë reforma shumë jetike zgjedhore, si dhe vetë perspektiva e integrimit të vendit në NATO dhe BE, në mënyrë të veçantë nga sjellja e paprinciptë dhe tejet e rrezikshme e lidershipit PD-PS. Kreu i LSI-së ka bërë publike disa nga konkluzionet që e kanë çuar këtë forcë të marrë vendimin përfundimtar për largimin nga koalicioni i majtë dhe krijimin e një koalicioni të ri. Sipas Metës, koalicioni opozitar ka pushuar së funksionuari që pas zgjedhjeve vendore të 18 shkurtit të vitit 2007 dhe për këtë përgjegjësia kryesore është e lidershipit të Partisë Socialiste. Vendimet e rëndësishme për çështje madhore politike dhe të reformave, sqaroi Meta, janë marrë sistematikisht në mënyre të njëanshme. "Bashkëpunimi i hapur dhe luajal midis opozitës për hir të reformave madhore integruese, është kthyer në një lidhje jo transparente dhe personale mes lidershipit të PS dhe PD. Pasoja më e rrezikshme e kësaj marrëdhënieje jotransparente dhe joparimore është pikërisht shkatërrimi i reformës zgjedhore gjoja në emër të integrimit në NATO", është shprehur Meta. Ai ka theksuar se në mënyrë të përsëritur, LSI ka kërkuar arritjen e një konsensusi midis partive të opozitës, si dhe ka kërkuar shpeshherë mbledhjen e Komisionit Parlamentar për Reformën Zgjedhore. Por, shton kryetari i LSI-së, në vend të gjetjes së një konsensusi sa më të gjerë brenda opozitës dhe brenda vetë komisionit parlamentar pozitë - opozitë, lidershipi i PS ka zgjedhur bojkotimin e koalicionit opozitar, si dhe bllokimin e programuar të komisionit parlamentar për reformën zgjedhore, duke preferuar koalicionin e mbyllur "të listave të mbyllura" dhe "interesave të mbyllura" të lidershipit PD-PS. Ndaj LSI, tha Meta, ndien përgjegjësitë e saj publike dhe kombëtare për të denoncuar këtë rrezik që i kanoset demokracisë dhe integrimit të vendit nga riciklimi i lojërave të përsëritura dhe me kosto të jashtëzakonshme për demokracinë dhe stabilititetin politik të vendit. "LSI afirmon edhe më fuqishëm vendosmërinë e kahershme që prej themelimit të saj për shenjtërimin e votës së shqiptarëve për të punuar me të gjithë forcat e faktorët e përgjegjshëm politike në Parlament e jashtë tij, madje edhe brenda PS dhe PD për të shpëtuar vendin nga masakra elektorale e radhës", ka deklaruar kryetari i LSI-së. Ai beson se jo vetëm politika shqiptare, por edhe e majta në përgjithësi hyn në një fazë të re cilësore dhe vendimtare për të ardhmen. Sipas Metës, krijimi i koalicionit të ri opozitar e "Majta për Integrim", do të synojë integrimin dhe përfaqësimin e të gjitha kontributeve të të gjithë shqiptarëve që besojnë te vlerat e vërteta të së majtës, progresit dhe integrimit. Krizën në koalicionin e majtë e ka zbuluar reforma zgjedhore, pasi PS-ja nuk po gjente një gjuhë të përbashkët me partitë e vogla në lidhje me përzgjedhjen e sistemit elektoral dhe përcaktimit të pragut. Megjithëse partitë e vogla kishin kërkuar një tryezë për të diskutuar konkretisht për reformën zgjedhore dhe për t‘u njohur saktësisht me qëndrimin e PS-së, deri më tani ata nuk kanë marrë një përgjigje zyrtare përveçse deklaratave në shtyp.

PS i ikin aleatët e majtë. Besnik deri më tani vetëm Gjinushi

Ceka e Milo: Do të mbështesim koalicionin e ri të LSI

LSI-ja nuk është e vetme në nismën e saj për krijimin e një koalicioni të ri opozitar, pjesë e kësaj nisme pritet të bëhen edhe dy partitë e tjera opozitare, PAD-ja e drejtuar nga Neritan Ceka dhe PDS-ja e drejtuar nga Paskal Milo. Presidenti i Aleancës Demokratike ka deklaruar dje se forca e tij politike e mbështet LSI-në në nismën e saj, pasi ka ardhur koha t‘i japim fund "megadushkut" dhe manipulimeve në zgjedhje. Sipas Cekës, ky reagim i partive të vogla të majta ndaj PS-së ka ardhur sepse për sa i përket reformës zgjedhore PS ka heshtur ose ka promovuar një sistem, i cili është haptas në kundërshtim me interesat e koalicionit, dhe nuk ndikon në bashkimin e tij, por në përçarjen e koalicionit, pra një sistem i cili ka në thelb të tij eliminimin e aleatëve dhe jo fitoren. "Nuk ka një koalicion, por në fakt ka një opozitë që vepron bashkë dhe një tryezë opozitare, por kohët e fundit ka munguar transparenca në lidhje me reformën zgjedhore", është shprehur Ceka. Duke theksuar se me një bazë të tillë nuk ka fitore, por vetëm humbje, kështu që bashkëveprimi është i pamundur. Sipas tij, reagimi i LSI-së ka qenë i qartë. Reagimet tona, tha Ceka, në prononcimin e tij, janë gjithashtu të qarta, sepse të gjitha partitë e tjera përveç PS-së kanë nënshkruar një dokument ku kërkojnë një sistem të personalizuar proporcional, ku të eliminohet fenomeni Dushk dhe të jepet mundësia që koalicionet të realizohen pas zgjedhjeve. "Vetëm në këtë formë do të duket edhe forca e çdo partie, do të hiqet dhe ajo që quhet klientelizëm partiak dhe çdo parti do të provojë sesa e fortë është në zgjedhje. Besoj se ky është sistemi që i jep mundësinë edhe shqiptarëve të kenë në Parlament aq deputetë sa kanë votuar ata në kutitë e votimit", është shprehur Ceka. Gjithashtu, të njëjtën linjë mendimi me Cekën dhe LSI-në për reformën zgjedhore në vend ndan edhe kryetari i PDS-së, Paskal Milo, i cili së bashku me Cekën para pak ditësh gjatë një konference për shtyp i kanë rënë të parët kambanës së alarmit se dy partitë e mëdha po bashkëpunojnë njëra me tjetrën për reformën zgjedhore në kurriz të partive të vogla. Këtyre qëndrimeve deri më tani nuk u është bashkuar PSD-ja e Gjinushit, duke mbështetur PS-në.


GazetaShqip.com

[GRUDJANE]

Mustafaj: Qeveria ka humbur lidhjet me PD-në


Ish-shefi i diplomacisë shqiptare komenton për "Top Show" çështjen e Kosovës, marrëdhëniet brenda PD-së dhe punën e qeverisë

http://i268.photobucket.com/albums/jj8/vajzgrudet_2008/mustafajbesnik.jpg

Jam i zhgënjyer nga KOP-i, ekzekutivi disa raste rrëshqet edhe majtas

Ish-shefi i diplomacisë shqiptare, Besnik Mustafaj, ka komentuar në emisionin "Top Show" të Alban Dudushit çështjen e pavarësisë së Kosovës, marrëdhëniet brenda PD-së dhe funksionimin e qeverisë "Berisha". Mustafaj, në rolin e politikanit, shprehet i zhgënjyer në shumë aspekte nga KOP-i, në rolin e diplomatit thekson se Serbia është një vend i vogël për të vendosur embargo ndaj Kosovës dhe në rolin e shkrimtarit ka ripërsëritur qëndrimin e tij mbi veprat e Ismail Kadaresë.

Të larguarit e PD-së

Përplasjet, largimet, skandalet publike që kanë pushtuar partinë më të madhe të vendit nga viti 2005 e deri më sot, deputeti i vjetër i PD-së ka preferuar të ndalet gjatë në analizën e situatës brenda partisë së tij. Në gjykimin e tij, Mustafaj ka komentuar edhe "ngrirjen" që kryetari i Partisë Demokratike i bëri deputetit të PD-së dhe avokatit të njohur, Spartak Ngjelës.

"Ngjela nuk ka qenë asnjëherë organikisht pjesë e PD-së. Është një import që e mori Berisha dhe e solli e doli prapë për arsye që ne i dimë. Një njeri që shkon në zyrën e Kryeministrit me mikrofona në xhep zhvlerësohet si politikan", tha Mustafaj. Por, sa e ka dëmtuar largimi i figurave cilësore, si ajo e Spartak Ngjelës, Partinë Demokratike. Sipas Mustafajt, "në këtë kuptim PD-ja nuk ka ndjerë ndonjë dhimbje nga ikja e tij, ashtu siç nuk ka ndjerë ndonjë energji suplementare nga ardhja e tij në parti". Sipas Mustafajt, ajo çka e dallon nga Ngjela është se "ai shpeshherë ka një motivim krejtësisht provokativ. Ngjela nuk ka një analizë që niset nga motivi që ta shërojë PD-në dhe ta ndihmojë të ecë përpara. Ai e di që është jashtë kësaj partie". Gjithsesi, opinioni ngelet i ndarë në gjykimin se çfarë i shqetëson më shumë, veprimi i avokat Ngjelës, apo qëndrimi i doktor Berishës. Ish-ministri i kabinetit "Berisha" thekson se ajo që e shqetëson më shumë në këtë rast është veprimi i Ngjelës. "Gjesti i një deputeti, që shkon te kryetari dhe e nxjerr bisedën në tregun mediatik, për mua është i gabuar. Unë nuk jam dakord me atë mënyrë të foluri të Kryeministrit; ajo është një mënyrë të foluri që nuk mund të përjashtohet në një moment nervozizmi", vijoi ai, duke u ndalur te një tjetër figurë e PD-së, që kërkoi largimin nga partia për shkak se kjo forcë udhëhiqej sipas një fryme komunizmi, Mustafaj u shpreh se Gilman Bakalli është një njeri që ka të ardhme në politikë. "Deri tani nuk po mund të strukturoret mirë, por ai ka një analizë politike. Kritikat bëhen për të kërkuar përmirësimin e PD-së. Unë nuk përdor as provokacionin as ndonjë formë tjetër që t‘i bëj dëm PD-së. Unë kam lidhur karrierën me PD-në. Në këtë kuptim, mendoj se Gilmani është pjesë e PD-së", tha ai. Nëse rikthehemi pas në vite, kujtojmë se në vitin 1992 ishte një grup që doli me kritika ndaj lidershipit të partisë, Sali Berishës. Pas 16 vjetëve, deputeti Mustafaj, në mbrojtje të miqve të tij, të cilët u larguan ato vite nga partia, ka bërë me dije se "ai ishte i vetmi grup i larguar nga PD-ja dhe që kishte një platformë. Të gjithë të tjerët që kanë ikur më vonë në ‘94, ‘97, ‘99 asnjë nuk ka shfaqur para strukturave të partisë një platformë që ti të gjykosh nëse je dakord apo jo". Sipas tij, kjo ka qenë një shenjë vlerësimi permanent për këta njerëz, ku brenda këtij grupimi bënin pjesë emra si Gramoz Pashko, Preç Zogaj, Arben Imami. "Unë ia njoh vetes një ndikim pozitiv në kthimin e tyre në parti. Kjo më shumë sesa gjykim ka pas veprim, sepse këta njerëz, duke u nisur edhe një miqësi, por edhe për faktin që ata kishin një platformë u thirrën sërish. Ata nuk u përjashtuan, por dolën vetë nga partia", u shpreh ai.

Grupimet në PD

Sekretari për marrëdhëniet me jashtë në selinë blu ka bërë me dije se nuk ekzistojnë grupimet brenda PD-së. Ajo çka Mustafaj ka theksuar, është fakti se një nga dëmet që i ka bërë Berisha PD-së është se ka krijuar idenë se për të bërë karrierë në PD duhet të kesh komunikim direkt me të, por, sipas Mustafajt, në praktikë është provuar se kjo nuk është e vërtetë.

"PD-ja është një parti e pjekur tashmë r si një parti moderne e qendrës së djathtë ka nevojë të zhvillojë brenda vetes një lloj mekanizmi kritik që i mungon. Kam qenë partizan i KOP-it, me shpresën se këta, duke qenë të shkolluar mirë dhe duke pasur një lidhje më të dobët me pushtetin, do të mund t‘i lejojnë vetes më pak oportunizëm. Jam i zhgënjyer në shumë aspekte nga KOP-i. Partia Demokratike është një parti e qendrës së djathtë dhe në këtë parti nuk ke fraksione klasike, siç ke në partinë e majtë", tha ai. Deputeti i Tiranës, i cili prej 7 muajsh ndodhet larg kabinetit "Berisha", pas dorëheqjes nga posti i ministrit të Jashtëm ka theksuar se nuk ka pasur dhe nuk ka grup brenda Partisë Demokratike. "Unë kam ndenjur disa herë me Presidentin Topi, në kohën kur ai ishte kryetar i grupit kuvendor dhe ai ka pasur disa miq, me të cilët kalonte më shumë kohë. Për mua grupi ka sens kur ka një platformë. Nëse miqtë e Bamirit kishin si objektiv zgjedhjen e tij si President, këtë e donte e gjithë PD-ja", sqaroi Mustafaj, duke shtuar se partitë e djathta në Evropë nuk kanë fraksione, si ato të majtat. Fushata në kampin blu ka ditë që ka nisur dhe deputetët e djathtë kanë rendur në zonat e tyre elektorale. Sebepi i kësaj rendjeje ishte 17-vjetori i themelimit të PD-së, por që në të vërtetë kishte diçka tjetër më të fortë në thelb. Është hapur zyrtarisht fushata për zgjedhjet në parti, që pas mbledhjes së fundit të kryesisë. Ambicia për një post të rëndësishëm në strukturat e larta të partisë ka pushtuar edhe ish-shefin e diplomacisë shqiptare. "Nuk është një vendim që e kam marrë se çfarë posti do kem, por e sigurt është fakti që nuk iki nga politika", u shpreh Mustafaj.

Puna e qeverisë

E etiketuar shpeshherë si qeveri dembele edhe nga deputetë të PD-së, mazhoranca ka ulur tonet kritike ndaj qeverisë, për shkak se vendi ndodhet përpara një prove të madhe, si ajo e anëtarësimit të NATO-s. Mustafaj rinxjerr në skenën politike anën më të keqe, më pezhorative të kabinetit "Berisha", duke i lëshuar kritika të brendshme. "Qeveria i ka humbur lidhjet me partinë. Nuk është e përfaqësuar aq sa duhet PD-ja politikisht. Në qeveri ka një frymë ose një ndarje me parti të koalicionit me tepri, ose me depolitizim të qeverisë. Së dyti, në mënyrë fare evidente, strukturat politike të PD-së kanë humbur çdo lloj marrëdhënieje politike me qeverinë". Por çfarë duhet të bëjnë ministrat sipas ish-mikut të ngushtë të Berishës. "Nuk i kemi parë asnjëherë ministrat të shkojnë në Këshillin Kombëtar dhe t‘i kërkojnë kësaj qeverie pikat e nevojshme. Struktura ekzekutive dhe ajo strukturë me të cilën PD-ja do të përfaqësohet në zgjedhjet e 2009-ës, do ta dobësojë impaktin dhe mobilimin e partisë në fushatën e ardhshme", tha ai. Besnik Mustafaj është njohur gjithmonë si një njeri që i ka pasur kontaktet e drejtpërdrejta me Kryeministrin Berisha dhe nuk ka pasur nevojë të jetë pjesë e ndonjë grupimi për të qenë pranë lidershipit të partisë. Për këtë, me syrin e ftohtë Mustafaj komenton edhe kritikat e analistit të njohur të PD-së, Mero Baze, i cili akuzon qeverinë për nepotizëm. "Unë nepotizëm nuk kam ndjerë dhe nuk ndiej te mënyra e qeverisjes së Berishës. Mendoj se që kur jam larguar nga qeveria jam shprehur për nevojën për të luftuar vulentarizmin në mënyrën e qeverisjes. Në shumë raste Berisha qeveris me një vulentarizëm që pengon forcimin e institucioneve", tha ai. Mustafaj kritikon Berishën për mënyrën e komunikimit me zv/ministrat apo me zyrtarët e rangut të dytë. "I kam thënë njëherë Kryeministrit se një zv/ministër duhet ta mbajë mend që gjatë katër vjetëve ka takuar një herë ose dy herë Kryeministrin. Por nuk ka mbetur drejtor ndërmarrjeje shtetërore që nuk ka folur në telefon me Berishën, që nuk ka marrë sms nga ai, që nuk është thirrur në një mënyrë apo në një tjetër për të kryer një detyrë me urdhër të Kryeministrit, duke tejkaluar ministrin. Këto janë metoda që për mua e pengojnë forcimin e institucionit. Shteti është hierarki, nuk drejtohet partizançe", tha Mustafaj.

Pikat e dobëta të qeverisjes

"Mendoj se ka një mospërputhje midis rezultatit dhe imazhit. Rezultatet kjo qeveri i ka më të mira sesa imazhet". Sipas gjykimit të Mustafajt, kjo është edhe një nga pikat më të dobëta të kabinetit blu. Sipas tij, imazhi vjen nga një punë jo moderne, që bëhet në komunikimin me publikun dhe perceptimi publik për një qeverisje është mjaft i rëndësishëm, sepse i jep qeverisë energji pozitive. "Në analizën që i bëj qeverisjes ka shpeshherë një eklektizëm filozofik, të identitetit të saj. Kë përfaqëson kjo qeveri, ish të përndjekurit, pronarët etj. Identiteti i politikës është se çfarë filozofie të qeverisjes ka. Pas 17 vjetësh, identiteti i partive në Shqipëri duhet të bëhet me të njëjtat kritere që bëhet në vendet e qytetëruara. "Qeveria ka raste që rrëshqet majtas dhe ka raste që shkon shumë djathtas. Ka vendime të Këshillit të Ministrave që janë shumë majtas", tha ai.

Gjykimi për Kosovën

Pas kritikave të bëra shtatë muaj më parë nga ish-ministri i Jashtëm, Besnik Mustafaj, për pasuesin e tij Lulzim Basha, këtë herë vijnë vlerësime për punën dhe maturinë e Ministrisë së Jashtme. Mustafaj thekson se "e kam kritikuar punën e Ministrisë së Jashtme në gusht të 2007-së, për shkak se kjo ministri kishte katër javë që heshtte për çështjen e Kosovës, ndërkohë pas zhvillimeve të fundit them se puna e kësaj ministrie është për t‘u përgëzuar". Ish-shefi i diplomacisë shqiptare ka komentuar gjithashtu marrëdhëniet e tij personale me lidershipin e Kosovës. "Pas kontakteve që kam pasur nëpërmjet telefonit, e-mail-it, jam kthyer në Kosovë, pasi kam ikur nga funksioni i ministrit të Jashtëm. Jam pritur nga Presidenti, Kryeministri dhe nga të gjithë kryetarët e partive e mendoj se marrëdhëniet e mia me Kosovën janë të mira", tha ai, duke komentuar rolin e Shqipërisë për të ardhmen e Kosovës, pas shpalljes së pavarësisë. Nëse diplomacia shqiptare do të jetë e përgatitur për të qenë një aks i rëndësishëm gjeopolitik në rajon, Mustafaj u shpreh se në mënyrë imediate nuk është diplomacia shqiptare që duhet të redifinohet. "Diplomacia jonë nuk ka nevojë të redifinohet. Ajo prej 15 vjetësh ka një trase të mirë në politikën rajonale", tha ai. Ajo çka kërkon Mustafaj është që në mënyrë urgjente diplomacia e Kosovës ka nevojë të krijohet dhe në mënyrë imediate duhet të përcaktojë raportet e të vendosë ekuilibrat midis Beogradit e Tiranës, në mënyrë që të mos jetë një sanduiç që ta shqyejnë nga të dyja anët, qoftë nga Tirana dhe Beogradi. "Me angazhimet që ka marrë në dokumentin e Ahtisarit, Kosova bëhet kampion evropian në trajtimin e minoriteteve", vijoi ai.

Duke komentuar Ministrinë e Jashtme nën drejtimin e tij, Mustafaj u shpreh se "në periudhën që unë kam qenë ministër i Jashtëm, drejtimet me të cilat kemi vepruar ne për të qenë konstruktivë kanë qenë përgatitja me aq sa mundej e terrenit për kompromis. Zgjidhja e Kosovës për herë të parë u tha se do të ketë kompromis nga Tirana, e cila nuk ishte thënë më përpara. Unë i pata bërë të gjitha përpjekjet që Tirana të ishte një adresë diplomatike e pashmangshme kur ishte fjala për Kosovën. Pra nuk mund të vendosnin për Kosovën pa pasur miratimin e Tiranës. Kjo, sepse ne jemi një shtet sovran, duke pasur të drejtë vote në OKB, OSBE, kishe mundësinë të ishe një partner dhe të ishe një avokat i Kosovës. Unë kam thënë, ne do të jemi avokat të Kosovës e jo aktorë dhe për mua është shumë e rëndësishme që të gjykohej që të gjendej një zgjidhje, pasi ne merrnin opinionet e Kosovës.

Duke u kthyer pas në kohë, në një deklaratë që Mustafaj e ka bërë nën kostumin e ministrit të Jashtëm, në të cilën është shprehur kundër idesë së dy shteteve shqiptare në Ballkan, duke thënë se Kosova është shteti i kosovarëve e jo shtet i shqiptarëve.

"Unë flas si diplomat dhe politikan. E pamë dhe në deklaratën e pavarësisë, në flamur, në fjalime, Kosova u deklarua si një shtet multietnik. Vetëm si i tillë do të pranohet nga ndërkombëtarët", tha ai.

UÇK-ja

Deputeti i PD-së, Besnik Mustafaj, ka zbutur tonet që Partia Demokratike ka pasur në drejtim të UÇK-së, në 1998-1999.

"Unë di se nuk kam kujtesë që të jenë etiketuar rëndë udhëheqësit e UÇK-së. Berisha i ndiqte me vëmendje këto ngjarje". Në një farë mënyre, UÇK-ja e ka prodhuar qeverisjen e Kosovës, pra tre personalitete të ndryshme e kanë sigluar këtë tranzicion që erdhi te pavarësia. "Berisha, në ato kohë ka pasur marrëdhënie korrekte me këta persona", tha ai. Mustafaj shtoi se "Kosova tani që bëhet shtet i pavarur do të mësojë nga të gjitha shtetet e tjera dhe në këtë kuptim mendoj se Shqipëria do të ketë më pak përgjegjësi".

Embargoja serbe?

"Serbia është shumë e vogël, që mund ta dëmtojë me embargo Kosovën". Ky është qëndrimi i ish-shefit të diplomacisë shqiptare. "Kosova me Serbinë ka kryesisht importe. Kosova ka një shans, që akset e komunikimit i ka me Shkupin, Podgoricën dhe me rrugën që po ndërtohet me Shqipërinë, kështu që është shumë e lehtë riciklimi i këtyre produkteve tregtare. Për herë të parë do të kemi protesta me karakter ekonomik në Kosovë, njerëz që do kërkojnë punë. Kosova është në një situatë ekonomike jo të pëlqyeshme".

Politika Kosovë-Shqipëri

Politika në Kosovë karakterizohet nga një frymë bashkëpunimi, ndërkohë që në Tiranë politika "shpërthen" në luftë politike herë pas here. Këtu përmendim rastin e ish-presidentit të Kosovës, Ibrahim Rugovës, i cili kërkoi bashkëpunim me të gjitha forcat politike në Kosovë për të mirën e vendit. Por sa mësoi Berisha nga Rugova, Mustafaj i përgjigjet vetëm me "Ç‘të të them"!!!...

GazetaShqip.com

[GRUDJANE]

Berisha e Fixherald denojne protestat serbe

http://i268.photobucket.com/albums/jj8/vajzgrudet_2008/1203687676.jpg

22/02/08

Gjate nje takimi me komandanti Fixherald dy bashkebiseduesit kane denuar thirrjet nacionalste dhe esktremiste te kryeministri serb Koshtunica

Tirane-Protestat e djeshme ne Beograd i ka denuar edhe kryeministri shqiptar Sali Berisha. Deklaratat e kreut te qeverise u bene gjate takimit me admiralin Admiral Mark P. Fitzgerald
Gjate nje takimi ne Tirane dy bashkebiseduesit kane denuar thirrjet nacionalste dhe esktremiste te kryeministri serb Vojisllav Koshtunica. Kreu i qeverise shqiptare u shpreh se thirrje te tilla te kujtojne kohen e Milloshevicit. "Të sulmosh ambasadat e vendeve të lira të rikujton të shkuarën milosheviçiane. Dua të theksoj se në ngjarjet e djeshme në Beograd kishte disa realitete. Në tërësi populli serb nuk iu përgjigj thirrjes dhe kjo duhet vlerësuar. Megjithë mobilizimin e të gjitha mjeteve të transportit të Serbisë, shumica serbe dëshmoi dje se nuk është për këtë rrugë", u shpreh Berisha gjatë një konference për shtyp.
Sipas tij, "ishte jashtëzakonisht e rëndë që kryeministri i vendit thërret mitingje për t'u rënë sirenave të nacionalizmit dhe ishte akoma më e shëmtuar që grupe huliganësh, gangsterësh dhe të papërgjegjshmësh iu vunë zjarrin ndërtesave. Kjo është një rrugë që shkon drejt së shkuarës dhe jo drejt së ardhmes dhe unë besoj se është në të kundërt me interesin e vetë kombit serb".
Fixherald u shpreh se Serbia duhet te heqe dore nga qendrime te tilla dhe se protesta si ato te dites se djeshme mund te destabilizojne rajonin. "Ne i konsiderojmë protestat në Beograd si destabilizuese për rajonin".
Fixherald shtoi se mandati i KFOR-it ne Kosove nuk do te ndryshoje. "Ne i kërkojmë udhëheqësve të Serbisë t'i tërheqin njerëzit dhe të marrin parasysh këtë fakt, natyrën destabilizuese të këtyre protestave. Është e drejta e njerëzve që të protestojnë në një vend demokratik, por nuk është e drejta e tyre që të marrin armet.
Persa i perket Kosoves në radhë të parë mandati i KFOR-it është ruajtja e sigurisë për atë komb që do të thotë se do t'i trajtojmë njerëzit në mënyrë të barabartë dhe të paanshme. Ky ka qënë dhe do të jetë mandati i KFOR-it dhe besoj se ne këtë gjë e bëjmë shumë mirë. KFOR-i ka forcat e duhura në Kosovë që të mbrojë çdo qytetar", deklaroi komandanti i NATO-s, gjatë një konference për shtyp me kryeministrin Berisha.
Fixherald deklaroi gjithashtu se serbet kane tentuar te futin arme drejt Kosoves.
(d.b)

BalkanWeb.com

[GRUDJANE]

Meta iken nga koalicioni, kerkoi 15 deputete nga PS

http://i268.photobucket.com/albums/jj8/vajzgrudet_2008/1203659869.jpg

22/02/08


Drejtuesit e Lëvizjes Socialiste për Integrim deklaruan dje shkëputjen nga koalicioni me PS-në. Pas një mbledhje kryesie, kryetari i LSI-së, Ilir Meta bëri të njohur se do të iniciojë një koalicion të ri të quajtur “E majta për integrim”, ku ftohen të marrin pjesë të gjithë progresistët, socialistë, por edhe nga partitë e tjera të majta. “Koalicioni opozitar ka pushuar së funksionuari që pas zgjedhjeve vendore të 18 Shkurtit të vitit 2007 dhe për këtë përgjegjësia kryesore është e lidershipit të Partisë Socialiste”, - u shpreh dje Meta. Por nga ana tjetër, burimet bëjnë të ditur se “miqësia” Rama-Meta u prish përfundimisht pak ditë më parë, pas një takimi mes të dyve. Kreu i LSI-së, nisur edhe nga deklarimet e Ramës kundër listave të hapura, ka kërkuar që LSI-ja të ketë të sigurt 15 deputetë në zgjedhjet parlamentare të vitit 2009. Por përgjigja e Ramës mësohet të ketë qenë negative, duke i sqaruar Metës se nuk mund të hedhë poshtë punën e deputetëve socialistë që po “bredhin” në të gjithë Shqipërinë, por edhe të elektoratit socialist që do të dilte i zhgënjyer nga një kompromis i tillë. Burimet bëjnë të ditur gjithashtu se vendimi i kryesisë së LSI-së ka pasur edhe kundërshtime brenda për brenda, por me shumicë votash është dalë në përfundimin që “në kushtet e inekzistencës dhe prishjes së njëanshme nga PS-ja të koalicionit të vjetër opozitar, në emër të kryesisë së LSI-së të iniciohet ndërtimi i koalicionit të ri opozitar, “E majta për integrim”. Ky koalicion, sipas kreut të LSI-së, Ilir Meta, do të synojë integrimin dhe përfaqësimin e të gjitha kontributeve të të gjithë shqiptarëve që besojnë tek vlerat e vërteta të së majtës, progresit dhe integrimit”. Mësohet nga të njëjtat burime, se deri tani flitet që pjesë e koalicionit të bëhet socialisti Petro Koçi e më vonë ndoshta edhe deputetë të tjerë të PS-së, që janë njohur si mbështetës të ish-kryetarit socialist Fatos Nano. Megjithatë, kjo pritet të saktësohet në ditët në vijim. Gjatë një konference për shtyp, pas mbledhjes së kryesisë, Meta së bashku me drejtuesit e tjerë të LSI-së dolën me deklaratën se reforma zgjedhore ka hyrë në një situatë kritike, ashtu si edhe vetë perspektiva e integrimit të vendit në BE. Dhe e gjithë kjo, sipas Metës, ka ardhur “në mënyrë të veçantë nga sjellja e paprinciptë dhe tejet e rrezikshme e lidershipit PD-PS”. “Vendimet e rëndësishme për çeshtje madhore politike dhe të reformave, janë marrë sistematikisht në mënyre të njëanshme. Bashkëpunimi i hapur dhe luajal midis opozitës për hir të reformave madhore integruese, është kthyer në një lidhje jo transparente dhe personale mes lidershipit të PS-së dhe PD-së”, - u shpreh Meta. Ai u shpreh se “në mënyrë të përsëritur kemi kërkuar arritjen e një konsensusi midis partive të opozitës si dhe kemi kërkuar shpeshherë mbledhjen e Komisionit Parlamentar për Reformën Zgjedhore”. “Por në vend të gjetjes së një konsensusi sa më të gjerë brenda opozitës dhe brenda vetë komisionit parlamentar pozitë-opozitë, lidershipi i PS-së ka zgjedhur bojkotimin e koalicionit opozitar, si dhe bllokimin e programuar të komisionit parlamentar për Reformën zgjedhore, duke preferuar koalicionin e mbyllur “të listave të mbyllura” dhe “interesave të mbyllura” të lidershipit PD-PS”, - deklaroi Meta.

GazetaShqiptare