Lajmet ditore nga Shqiperia 25.07.2008

[Mr_MAGNET]

Ina Rama ngre akuzë të re për Pinarin e Delijorgjin. Vrasje masive në Gërdec

http://i253.photobucket.com/albums/hh42/mafija_e_sukruqit/InaRamangreakuztreprPinarineDelijor.jpg

25/07/08

Tre të arrestuarit, si përgjegjës për tragjedinë e Gërdecit, Mihail Delijorgji, administrator i fabrikës “Alba Demil”, Dritan Minxolli, drejtor teknik i saj, dhe Ylli Pinari, drejtori i MEICO-s do të hetohen për “vrasje masive”. Kryeprokurorja Ina Rama dhe drejtori i Antikrimit të organizuar në Prokurorinë e Përgjithshme, Zamir Shtylla, firmosën dje ndryshimin e akuzave.


TIRANE- Mihail Delijorgji, administrator i fabrikës “Alba Demil”, Dritan Minxolli, drejtor teknik i saj, dhe Ylli Pinari, drejtori i MEICO-s, prej ditës së djeshme janë të akuzuar për “vrasje në rrethana cilësuese, të më shumë se 2 personave dhe rrezikshmërinë e dhjetëra personave të tjerë, vepër penale e kryer në bashkëpunim”, sipas nenit 79 të Kodit Penal. Kryeprokurorja Ina Rama dhe drejtori i Antikrimit të organizuar në Prokurorinë e Përgjithshme, Zamir Shtylla, kanë firmosur dje ndryshimin e akuzave për tre të arrestuarit e vetëm për shpërthimet në Gërdec. Delijorgji, Minxolli dhe Pinari u arrestuan në 17 mars të këtij viti, dy ditë pas shpërthimeve në fabrikën e demontimit dhe demilitarizimit të predhave e fishekëve luftarakë në Gërdec. Si pasojë e shpërthimeve humbën jetën 26 persona, punëtorë të fabrikës dhe banorë të fshatit. Ndërsa u plagosën, gjymtuan dhe u lënduan të paktën 300 të tjerë. Mbledhja e djeshme në Prokurorinë e Përgjithshme kryhej për ecurinë e hetimeve për tragjedinë nga shpërthimet në Gërdec, të cilat drejtohen nga drejtori Shtylla. Për herë të parë pas katër muajve në paraburgim, Mihail Delijorgji, Dritan Minxolli dhe Ylli Pinari, akuzohen për vrasje të kryer në bashkëpunim, akuzë për të cilën rrezikojnë nga 20 vite burg deri në burgim të përjetshëm. Deri dje, akuza ndaj tyre ishte “shkelje e rregullave mbi lëndët plasëse, djegëse dhe radioaktive” dhe përfshinte masë më të lehtë dënimi, nga gjobë deri në 10 vite burg. “Hetimet paraprake vërtetuan se kjo ngjarje shkaktoi vdekjen e 26 personave, plagosjen e rëndë të 11 personave, plagosjen e lehtë të 31 personave dhe dëmtime të natyrës më të lehtë të 260 personave të tjerë, pa përmendur këtu lëndimin e shëndetit mendor dhe emocional të një numri të konsiderushëm personash të tjerë”, thuhet në akt-akuzën e prokurorisë.
LETRA E DELIJORGJIT
Mihal Delijorgji, administratori i “Alba Demil”, tashmë i arrestuar si një nga përgjegjësit e tragjedisë së Gërdecit, sulmoi pak ditë më parë nënkryetarin e Këshillit të Lartë të Drejtësisë, Kreshnik Spahiu. Nëpërmjet një letre të hapur, nga qelia e Burgut 313 në Tiranë, drejtuar krerëve më të lartë të shtetit, kryeprokurores Ina Rama si dhe Avokatit të Popullit, Ermir Dobjani, i akuzuari Delijorgji u shpreh se me deklaratat e bëra për gjyqtarët që i dhanë pafajësinë, Kreshnik Spahiu “ka dëmtuar rëndë jo vetëm të drejtat dhe liritë e mia themelore, të mbrojtura posaçërisht nga Kushtetuta dhe ligjet, por njëkohësisht ai ka shkelur rëndë dhe dëmtuar reputacionin dhe funksionimin e Këshillit të Lartë të Drejtësisë dhe nëpërmjet tij, veprimtarinë e gjyqësorit shqiptar”. Ai e mbyllte letrën duke i kërkuar shefes së organit të akuzës, të reagojë me forcë dhe të mos lejojë deklarime të tilla nga institucione apo individë, për sa kohë që çështja është në proces hetimi, gjithashtu dhe organizmave të tjerë, të ndërhyjnë për të mbrojtur të drejtat dhe liritë, që pretendon se i janë cenuar.

(s.g/GazetaShqiptare/Balkanweb)

[Mr_MAGNET]

Topalli fshin nga procesverbali fyerjet e Berishës

http://i253.photobucket.com/albums/hh42/mafija_e_sukruqit/Topallifshinngaprocesverbalifyerjet.jpg

25/07/08
Sharjet dhe fyerjet e kryeministrit Berisha ndaj deputetit socialist Taulant Balla janë fshirë nga procesverbali i seancës plenare të 21 korrikut. Reagom PS: Nuk pranojmë censurimin e ngjarjes.


Nuk kanë të sosur skandalet në Kuvendit e Shqipërisë. Kanosja për vrasje si dhe fjalori banal e poshtërues që kryeministri i vendit, Sali Berisha përdori ndaj deputetit të opozitës, Taulant Balla janë fshirë nga procesverbali i seancës plenare të 21 korrikut. Degjenerimi në rrugaçëri i punimeve kuvendore është përmbledhur vetëm në dy fjali të vetme në këtë dokument zyrtar të Parlamentit. “Kryeministri vjen dhe ndërhyn. Ka reagime dhe zhurmë në sallë”, shkruhet në procesverbal. Në të nuk pasqyrohen gjithashtu as deklaratat e kryeparlamentares, Jozefina Topalli që kërcënon punonjësit “nxirreni urgjent jashtë atë vagabond, se do ju shkarkoj”. Madje është fshirë edhe fjalori banal e tentativat për ushtrim të dhunës fizike ndaj socialistit Balla nga tre ligjvënësit demokratë, Edi Paloka e Rahim Kaleci si dhe nga ministri i Transporteve, Sokol Olldashi, të cilët disa herë u orvatën ta godisnin atë me grusht në fytyrë. Si për ironi të faktit të vetmet deklarata që nuk janë censuara nga seanca e sherrit mesnatën e 21 korrikut janë fjalët e thëna nga deputeti i PS si edhe paralajmërimet e Topallit që nëse ai nuk do të ulej në vend ajo do ta nxirrte atë jashtë punimeve. Referuar asaj ç’ka Balla ka deklaruar në seancë, madje dhe asaj çfarë ka zbardhur nga replikat e tij administrata e Kuvendit lexohet qartë që ai nuk ka përdorur asnjë fjalë ofenduese ndaj shefit të qeverisë.
Reagimi
Manipulimi i procesverbalit ka shkaktuar reagimin e ashpër të opozitës. Nënkryetari i grupit kuvendor të PS, Erion Braçe e ka denoncuar fort këtë fakt gjatë punimeve të djeshme kuvendore. Ai tha se të majtët nuk mund të votojnë fshehjen e një të vërtete duke iu referuar kësisoj fjalorit banal dhe kanosjes për vrasje që kryeministri Berisha bëri ndaj kolegut të tij Balla. Në këtë kontekst ai kërkoi shtyrjen e miratimit të procesverbalit në fjalë deri në korrigjimin e tij. “Ne do ju sjellim debatin e plotë dhe deklaratat e pacensuara të Berishës që janë transmetuar nga të gjitha mediat vizive dhe ato të shkruara. Nuk mund të pranojmë censurim të një ngjarjeje kaq të rëndë”, u shpreh Braçe.
E menjëhershëm ka qenë përgjigja e kryeparlamentares, e cila pranoi shqetësimin e opozitës duke e ftuar këtë të fundit që të sjellë debatin e plotë Berisha-Balla për të plotësuar procesverbalin e seancës të 21 korrikut. Vetë Braçe në një prononcim të djeshëm konfirmoi faktin se opozita do i dorëzojë Topallit debatin e plotë dhe të pacensuruar të sherrit banal të botuar të nesërmen e tij nga GSH.

(s.g/GazetaShqiptare/Balkanweb)

[Mr_MAGNET]

Presidenti Bush letër Senatit: Shqipëria në NATO

http://i253.photobucket.com/albums/hh42/mafija_e_sukruqit/PresidentiamerikanGeorgeWBush.jpg

25/07/08
Presidenti amerikan i kërkoi dje senatorëve ratifikimin e protokollit të anëtarësimit në Aleancë të Shqipërisë dhe Kroacisë. Bush:"Janë shembuj për reformat e rëndësishme”

WASHINGTON- Presidenti Bush i kërkoi dje senatit amerikan, ratifikimin e Protokollit të Pranimit të Shqipërisë dhe të Kroacisë për në NATO. Në një letër drejtuar senatit, presidenti amerikan shpjegon arsyet e tij se pse duhet hedhur një hap i tillë. “Shqipëria dhe Kroacia shërbejnë si shembuj të vendeve të motivuara nga perspektiva e anëtarësimit në NATO, për të përparuar me reforma të rëndësishme dhe të vështira politike, ekonomike dhe ushtarake”. Letra vazhdon më tej me vlerësime për këto dy vende, që sipas presidentit Bush, duhet të jenë shembuj për vendet e tjera të Ballkanit. “Përpjekjet dhe suksesi që demonstrojnë për vendet e tjera të Ballkanit dhe pas kësaj dyert e NATO-s mbeten të hapura për kombe me vullnet për të mbajtur përgjegjësitë e anëtarësimit. Jam i kënaqur që, me këshillat dhe me lejen e Senatit, këto dy demokraci mund të na afrohen shpejt si anëtarë të kësaj aleance të madhe”, - citohet më tej letra e presidentit amerikan. Më tej, ai parashtron kërkesën e tij ndaj Senatit dhe shprehet: “I kërkoj Senatit që të bashkohet me mua në përparimin e çështjes së lirisë dhe të fuqizimit të NATO-s, duke kërkuar lejen e menjëhershme për ratifikimin e Protokolleve të Pranimit”. Kërkesa e Bushit ndaj Senatit amerikan vjen menjëherë pasi ky protokoll u nënshkrua në Bruksel në 9 korrik të këtij viti mes Shqipërisë, Kroacisë dhe vendeve anëtare të NATO-s.
Drejtuesit e lartë të NATO-s janë shprehur optimistë që ky ratifikim i Protokollit të Pranimit të përfundojë brenda majit të vitit të ardhshëm, kur do të mbahet dhe samiti i radhës i NATO-s në Berlin. Shqipëria dhe Kroacia, më 3 prill morën ftesën për në NATO në unanimitet të plotë të të gjitha vendeve anëtare. Këtë ftesë nuk arriti ta merrte dot Maqedonia, e cila po punon që ta marrë atë në 2009-ën. Pas disa raundesh negociata mes Shqipërisë dhe NATO-s, u arritën të gjitha marrëveshjet dhe akordet për të nënshkruar Protokollin e Pranimit. Nënshkrimi i këtij protokolli ishte një sukses për Shqipërinë, edhe pse në mars të po këtij viti, një muaj para ftesës së NATO-s, ndodhi ngjarja e Gërdecit. Autoritetet e larta të NATO-s por edhe të BE-së, siguruan Shqipërinë se ngjarja e Gërdecit nuk do të ketë asnjë influencë në procesin e anëtarësimit në NATO. Më së fundmi ishte Shefer, shefi i Aleancës, i cili një javë më parë, pra menjëherë pas nënshkrimit të Protokollit të Pranimit, vuri në dukje se ngjarje si Gërdeci nuk do ta penalizojnë Shqipërinë në përpjekjet e saj për realizimin e reformave për anëtarësim të plotë në Aleancë. Pavarësisht këtij qëndrimi të shefit të NATO-s, asnjë nga vendet anëtare të saj, nuk pranojnë që të kontribuojnë në demontimin e municioneve të tepërta në vend, pa u zbardhur më parë ngjarja e Gërdecit. 35 milionë euro është fatura financiare për një demontim të shpejtë të municioneve të tepërta, faturë që nuk mund ta përballojë dot as Ministria e Mbrojtjes, por as qeveria shqiptare.
(s.g/GazetaShqiptare/Balkanweb)

[Mr_MAGNET]

Gjirokastër, burri vret gruan, nënë e 4 fëmijëve

http://i253.photobucket.com/albums/hh42/mafija_e_sukruqit/Gjirokastrburrivretgruannne4fmijve.jpg

25/07/08

Një 54 -vjecar vrau, sot në orët e para të mëngjesit, me mjete të forta bashkëshorten e tij, nënë e 4 fëmijëve, në fshatin Topullarë të qytetit të Gjirokastrës. Fëmijët e ciftit ishin në banesë në momentin e vrasjes.

GJIROKASTER- Një krim në familje tronditi qytetin e gurtë të Gjirokastrës sot në mëngjes. 54-vjecari Halil Roshi ka goditur me mjete të forta bashkëshorten e tij Donika Roshi, nga fshati Proponat i Tepelenës duke i shkaktuar vdekjen e menjëhershme.

Ngjarja ndodhi rreth orës 04: 00 të mëngjesit të sotëm në fshatin Topullarë të Gjirokastrës. Sipas policisë 4 fëmijët e ciftit Roshi kanë parë të parët nënën e tyre të vrarë brenda në banesë.
Menjëherë pas krimit 54-vjecari është larguar dhe ka njoftuar vëllain e tij për atë cfarë kishte ndodhur. Policia e mbërritur në vendngjarje sekuestroi provat materiale të vlefshme për hetimin e ngjarjes si dhe mori në pyetje fëmijët dëshmitarë të vrasjes së nënës së tyre.
Babai i 4 fëmijëve, Halil Roshi është shpallur në kërkim ndërsa dyshohet se krimi makabër ndodhi për motive xhelozie mes ciftit.
(s.g/Balkanweb)

[GRUDJANE]

Kapet me 15 kg heroine korrieri i Shullazit

http://i72.photobucket.com/albums/i183/vajzgrudet/20080724201400_artikull.jpg

E Premte, 25 Korrik 2008

TIRANE - Kapen me 15 kilograme heroine ne Golem te Kavajes, korrieri i Emiliano Shullazi, Lutfi Shabani, 37 vjec, i njohur me pseudonimin Ben Cami. Operacioni antidroge eshte organizuar mbremjen e djeshme, ne rrugen nacionale Kavaje-Durres, me drejtim qytetin bregdetar, ku me pas dyshohet se do te dergohej ne Itali. Arrestimi eshte bere ne kuader te operacioni "Autostrada". Sasia rekord e droges se kuqe, eshte kapur ne momentin kur shoferi i makines, Lutfi Shabani, ka qene duke udhetuar me nje makine tip "BMW", me targa DR 35 45 E, ne Golem, kur eshte ndaluar nga policia. Origjina e heroines, sipas burimeve nga grupi i hetimit, eshte Turqia, ku eshte marre. Me pas me rruge tokesore, ajo eshte sjelle ne Shqiperi, nga Bullgaria dhe Maqedonia. Shabani eshte nje emer i njohur per policine shqiptare. Ne tetor te vitit 2007, policia italiane e Milanos, i ka sjelle Prokurorise se Pergjithshme ne Tirane, nje dosje per kete person, i cili ndiqej ne Itali per formim organizate kriminale, se bashku me disa persona te tjere, Ervin Ferhati dhe Erges Ymeraj. Erion Gogaj, Selfo Driza, te cilet jane denuar nga Gjykata e Krimeve te Renda, me 28 vjet burg. Shabani ishte denuar me 2.8 vjet burg dhe ishte liruar.
Dy jave hetime dhe vezhgimi i kane mjaftuar Policise se Shtetit qe te kape sasine e madhe te heroines. Pasi ishin siguruar se lenda narkotike kishte mberritur nga Turqia ne Shqiperi, me destinacion Italine, agjentet i jane vene pas Shabanit, duke e ndjekur per nje jave. Ata kane pritur momentin kur gjithcka te ishte e qete dhe korrieri te merrte lenden narkotike, per t'u nisur ne drejtim te fqinjit pertej Adriatikut. Diten e djeshme, ne oret e vona te mbremjes, Ben Cami eshte nisur nga baza e Kavajes, per ne drejtim te portit te Durresit, me qellimin qe te dergonte drejt Italise lenden narkotike. Por ne Golem, dy makina policie, civile, i kane nderprere rrugen, duke e ndaluar. Tete agjente kane zbritur menjehere duke e bllokuar menjehere. Me pas makina i eshte nenshtruar kontrollit, ku ne bagazhin e saj eshte gjetur sasia e madhe e heroines. 15 kilogramet ishin ndare ne 30 pako, me nga 500 grame. Shabani ka qene dhe me pare i denuar per te njejten akuze, por duket se nuk e kishte harruar zanatin e trafikimit te heroines.
Burime nga sektori i antidroges ne Policine e Shtetit kane bere te ditur gjate mbremjes se djeshme se, droga ishte e destinuar qe te trafikohej dhe jo per konsum te brendshem. Kjo gje ka bere qe policia te hetoje linjen e trafikut te heroines qe perfundonte ne Itali. Ndihme ne kapjen e sasise se heroines duket se kane dhene dhe policia italiane, e cila ka informuar koleget shqiptare se droga hynte nga Porti i Durresit, dhe me pas shperndahej ne qytetet te ndryshme. Ky ishte grupi i Emiliano Shullazit, i cili ndodhet i prangosur ne Tirane dhe eshte ne proces ne Gjykaten e Krimeve te Renda, nen disa akuza, per organizim, drejtim e financim te nje organizate kriminale, me qellim trafikimin e heroines. Pjese e ketij grupi ka qene dhe i arrestuari i mbremshem, por qe kishin ndare dosjen nga Shullazi dhe ishin denuar me pak vite burg, pasi kishte pranuar akuzen e ngritur nga Prokuroria e Krimeve te Renda. Jane pikerisht keta te fundit, qe kane bere dhe hetimet e djeshme, qe cuan ne pranga per se dyti, Shabanin.
KOHAJONE

[GRUDJANE]

Ben Qimja, kallezim penal ndaj prokuroreve

http://i72.photobucket.com/albums/i183/vajzgrudet/20080724201335_artikull.jpg

E Premte, 25 Korrik 2008


Tirane - Arben Isufaj ka paditur penalisht ne Prokurorine e Tiranes dy prokuroret, te cilet kane pasur ne duart e tyre dosjen e tij. Nepermjet nje kallezimi penal, qe mban daten 21 korrik te ketij viti, Arben Isufaj, i njohur si "Ben Qimja", i drejtohet drejtuesit te Prokurorise se Rrethit Tirane, Gent Xholi, ku edhe i kerkon regjistrimin e procedimit penal ne ngarkim te prokurorit Ervin Karanxha, si dhe prokurores se Apelit, Valentina Ahmetaj. Shkak per kete kallezim te depozituar ne sekretarine e Prokurorise se Tiranes, disa dite me pare, ka qene pergjigjja e ekspertizes se sjelle nga ana e Britanise se Madhe, ne te cilen percaktohej se gjurmet e gjetura ne pistoleten, me te cilen eshte vrare Pirro Kociu, jane te te pandehurit Arben Isufaj. Ndersa nga verifikimet e kryera, ka rezultuar se kjo pergjigje ka pasur disa gabime, me daten e nisjes se saj si dhe daten e mberritjes, te cilat sollen edhe dyshimet per ndonje falsifikim te mundshem te ketij akti. Ky ishte dhe akti, i cili mbertheu ne qeli te pandehurin Isufaj, per te cilen Gjykata e Tiranes kishte caktuar nje mase sigurie "arrest me burg me afat 45 dite". Vete Isufaj, nepermjet avokatit te tij, ka depozituar nje kallezim penal ndaj prokuroreve, te cilet e perdoren kete akt ne gjykate. Ne objektin e kallezimit te tij, Isufaj ben me dije se me daten 10 qershor te ketij viti eshte urdheruar ndalimi tij dhe me pas Gjykata e Tiranes ka caktuar ndaj tij masen e sigurise "arrest me burg me afat 45 dite" me pretendimin se do te dergohej leter-porosia per ekzaminimin daktiloskopik te gjurmeve papilare te Isufaj. Ai sqaron ne kallezimin penal se pas ankimit te vendimit te bere nga ana e te pandehurit ne Gjykate te Apelit, prokuroria kishte sjelle nje deklarate deshmitari te dy eksperteve britanike, e cila mbante daten 12 qershor te ketij vitit dhe qe ishte servirur si pergjigjja e leter-porosise. "Leter- porosia ne fjale i eshte komunikuar mbrojtesit te pandehurit Arben Isufaj ne te njejten date qe eshte bere deklarata e eksperteve britanike, Martyn Holt dhe Orlette Hunt dhe eshte nisur drejt Britanise se Madhe, me daten 16 qershor te ketij viti, gje qe e ben te pavlefshem deklaraten e mesiperme, pasi ajo eshte pergjigjja e leter-porosise, e cila eshte derguar 4 dite me vone sesa dita e deklarates se eksperteve", sqarohej ne kallezimin drejtuar Xholit. Ndersa ai argumenton se nga ana e prokurorit te Prokurorise se Rrethit Gjyqesor Tirane jane konsumuar veprat penale te "fillimit te paligjshem te procedimit penal, pasi pa asnje prove, me daten 1 tetor te vitit te kaluar, ishin filluar hetimet ndaj tij, hetime te cilat ishin pushuar me vendimin e dates 31 janar 2006. Nga ana tjeter, i pandehuri e akuzon prokurorin Karanxha si dhe prokuroren e Apelit, Valentina Ahmetaj, per vepren penale te "falsifikimit te dokumenteve", pasi prej tyre ose eshte leshuar ose eshte perdorur nje dokument i falsifikuar, sic eshte deklarata e dy eksperteve si pergjigje e leter-porosise, e cila ka rezultuar te mos jete e tille. Kallezimi penal ne ngarkim te dy prokuroreve i eshte vene ne dijeni edhe vete Prokurores se Pergjithshme, Ina Rama. Nderkohe qe i pandehuri i akuzon prokuroret se kane cenuar ne menyre te kunderligjshme lirine e tij.
Padia e bere ne prokurori ndaj dy prokuroreve eshte depozituar me daten 21 qershor te ketij viti nga ana e mbrojtjes se Isufaj, ku edhe i kerkon regjistrimin e kerkeses dhe ndjekjes penale te dy prokuroreve.
90 per qind eshte faktuar nga ana e laboratorit te kriminalistikes se shenjat e gishterinjve te gjetura ne pistoleten, me te cilen eshte vrare Pirro Kociu, jane ato te te pandehurit Arben Isufaj, te marra pas arrestimit te tij.
6 vjet me pare eshte vrare viktima Pirro Kociu, ne rrugen "Him Kolli", vrasje per te cilen eshte marre nen hetim i pandehuri Arben Isufaj, si dhe eshte duke u gjykuar ne gjykate i pandehuri Fatlum Kadia.
4 dite eshte gabuar nga data e nisjes se ekspertizes dhe ne ate te mberritjes se pergjigjes ne vendin tone. Sipas se ciles ka rezultuar se data e mberritjes ka qene me para se data e nisjes nga prokuroria e vendit tone.

[GRUDJANE]

Koci: Balla "provokoi" Berishen

http://i72.photobucket.com/albums/i183/vajzgrudet/20080724201243_artikull.jpg

E Premte, 25 Korrik 2008

Nga pikepamja etike dicka duhej korrigjuar ne ate qe thote zoti Balla, incidenti ka lidhje vetem me lodhjen e nervave te Kryeministrit ne politike dhe qeverisje, si dhe me faktin qe zoti Balla po denonconte indirekt nje precedent qe krijoi vete zoti Berisha kur futi ne politike elementin e trashegimise familjare
Deputeti socialist, Petro Koci, gjate nje interviste per "KJ", e cilesoi incidentin ne Kuvend mes Kryeministrit Sali Berisha dhe ligjvenesit socialist, Taulant Balla, si nje debat i krijuar pikerisht nga denoncimi ne menyre indirekte i fenomenit te trashegimise. Pra, sipas Kocit, fjala e deputetit Balla solli dhe ate reagim te kreut te ekzekutivit. "Nga pikepamja etike, dicka duhej korrigjuar ne ate qe thote zoti Balla, incidenti ka lidhje vetem me lodhjen e nervave te Kryeministrit ne politike dhe qeverisje, si dhe me faktin qe zoti Balla po denonconte indirekt nje precedent qe krijoi vete zoti Berisha, kur futi ne politike elementin e trashegimise familjare", theksoi ai. Njekohesisht, gjate fjales se tij, socialisti Koci zbardhi dhe nje tjeter moment, lidhur me menyren e te berit opozite, nga ana e Partise Socialiste. Keshtu, ne gjykimin e tij, jane pikerisht te dhenat per afera korruptive, qe Kryeministrit Berisha disponon per nje pjese te opozites, perfshire ketu ish-ministra se bashku me kryetarin e bashkise, njekohesisht kryetar i PS-se, Edi Rama, te cilat "detyrojne" PS te beje nje opozite te bute ndaj mazhorances qeverisese. Gjithashtu, referuar grupit me te ri ne Kuvend, Koci vlereson se pesha e tij do te jete vendimtare vetem nese pas ketij projekti do te kishim dhe krijimin e nje partie.
Kuvendit iu shtua se fundmi dhe nje tjeter grup parlamentar. Bazuar ne perberjen e ketij grupi, si do te variojne balancat ne parlament?
Ardhja drejt formimit te ketij grupi ka lidhje me krizat politike dhe organizative qe kane kaluar te dy blloqet politike ne Kuvend, si opozita ashtu dhe mazhoranca. Madje, do te thosha qe jane kriza qe me teper kane perfshire opoziten. Nje pjese e ketij grupi perbehet nga deputete te perjashtuar, apo te shkelmuar nga Grupi parlamentar i PS-se, per shkak te votimit pro zgjedhjes se Presidentit te propozuar nga mazhoronca. Pervec ketij votimi, ka pasur dhe raste te tjera, ku opozita eshte implikuar ne votim, njeri eshte votimi masiv per ministrin Ndoka, si anetar i kabinetit "Berisha", tjetri eshte votimi bashke me Berishen per ndryshimet kushtetuese. Per mendimin tim, ne keto tre raste, pra perfshire dhe votimin e Presidentit, eshte implikuar opozita politikisht dhe moralisht. Sigurisht qe votimi per ndryshimet kushtetuese, njesoj si Berisha, eshte me komprometues. Nuk mund te parashikoj akoma se cfare sjellje politike do te performoje ky grup ne Kuvend, duket qe eshte i hapur per te dy krahet. Nese ne perberjen politike do te mbetet me kaq, une besoj se roli i tij ne zgjedhjet e ardhshme do te kete lidhje vetem me peshen e ndonje prej deputeteve qe jane pjese e ketij grupi ne qarkun perkates. Nuk besoj se do te kete nje peshe me te gjere se kaq.
Kur thoni qe nese do te mbetet kjo perberja, nenkuptoni qe pritet nje zgjedhim i ketij grupi me ligjvenes te tjere?
Nuk kam parasysh ketu perberjen ne parlament, por nisem nga fakti se, nese projekti politik mbetet thjesht te ky grup dhe nuk ka ndonje shtyse tjeter mbrapa, atehere besoj se do te mbetet tek ajo qe thashe. Pra, kam fjalen nese nuk do te kemi nje parti me pas.
Nisur nga kaq sa eshte e dukshme, mendoni se krijimi i ketij grupi ishte nje nder hapat e pare te nje linje politike qe ka per drejtues ish-kryetarin e PS-se, Fatos Nano?
Nuk kam te dhena qe ta besoj kete gje. Mendoj se eshte nje rreshtim i lidhur apo i lindur nga interesat personale te ketij grupi te bashkuar ne nje projekt parlamentar deri tani. Nese mbrapa kesaj do te ishte zoti Nano, kam pershtypjen se do te ishte nje iniciative me e kombinuar, pra dhe jashte parlamentit.
Cili do te ishte qendrimi juaj nese drejt jush do te vinte nje ftese per t'iu bashkuar ketij grupi?
Nuk besoj se do jem pjese e tij. Une jam i vetmi deputetet qe nuk i perkas asnje grupi parlamentar. Jam socialist dhe nuk mund te leviz drejt projekteve qe quhen te qendres, pavaresisht nga natyra konstruktive e imja e te berit politike. Nese do te ekzistonte mundesia per ftese, besoj se kjo do te ishte bere me perpara. Aktualisht po pres reflektimin e Grupit parlamentar te PS-se lidhur me 21 prillin dhe ne perputhje me kete reflektim do te vendos ne shtator ne cilin grup parlamentar do te bej pjese. Kjo pasi te qenit pa grup te krijon shume disavantazhe ne performancen politike, qe do te thote se ne shtator do te me duhet te pozicionohem. Mendoj se tashme ne skenen politike jane dy parti socialiste, PS dhe LSI. Vendimi im do te varet nga qendrimi parimor qe do te mbahet ndaj 21 prillit.
Ndalur ne incidentin me te fundit ne Kuvend, mes Kryeministrit Berisha dhe deputetit socialist, Balla, mendoni se kjo sjelle vjen si pasoje e dobesive ne oponencen parlamentare, shqetesim ky i ngritur nga vete ligjvenesit socialiste?
Gjykoj qe fjalori i zotit Balla nuk justifikon krijimin e atij incidenti dhe perdorjen e atij fjalori nga Kryeministri Berisha. Edhe nese do te vleresonim qe nga pikepamja etike dicka duhej korrigjuar ne ate qe thote zoti Balla, incidenti ka lidhje vetem me lodhjen e nervave te Kryeministrit ne politike dhe qeverisje, si dhe me faktin qe zoti Balla po denonconte indirekt nje precedent qe krijoi vete zoti Berisha, kur futi ne politike elementin e trashegimise familjare. Pra, emeroi vajzen e zotit Godo, e cila sigurisht ka dinjitetin e vet profesional dhe njerezor, te cilin une e respektoj, por qe e shikoj te lidhur me nje projekt qe ne te ardhmen raste te ngjashme te duken normale. Ne kete rast sakrifikoi mbiemrin Godo per te krijuar normalitet per mbiemra te tjere, qe mund te lidhen dhe me mbiemrin Berisha. Ne analizen time, vleresoj se kjo ka qene shtysa kryesore qe e beri zotin Berisha te humbase totalisht vetekontrollin. Pra, nuk ka lidhje fare me shtysat qe mund te krijohen te deputete te vecante te opozites, nga kritikat qe vijne se kjo eshte nje opozite e pakoordinuar dhe nje opozite me standarde te uleta, dhe nje opozite, ku nje pjese e saj eshte e komprometuar me qeverine. Kjo per shkak te dosjeve te korrupsionit qe zoti Berisha administron per ish-ministra, apo dhe per vete kryetarin e Bashkise. Kuptohet qe zoti Berisha ka qene i kujdesshem dhe i zoti per te kapur ne afera korruptive lloj-lloj kryetarucesh komunash dhe pjesetare te administratave te tyre dhe kam pershtypjen qe dicka duhet te kete hetuar dhe materializuar dhe ne qeverisjen e Bashkise se Tiranes. Uroj qe te jem i gabuar ne kete vleresim, por e shoh si nje nga arsyet kryesore qe opozita sillet si pule, atehere kur nuk duhet. Kjo lidhet me nje sere aferash, qe i zbuloi zoti Bode kur po shqyrtohej projektligji per ndryshimet e taksave vendore. Deshmoi publikisht qe dhe ai projekt ishte pjese e marreveshjeve me Bashkine e Tiranes.



KohaJone

[GRUDJANE]

Hotelet ulin cmimet

http://i72.photobucket.com/albums/i183/vajzgrudet/20080724200739_artikull.jpg

E Premte, 25 Korrik 2008

Kete vit, cmimet ne plazhin e Durresit duken paksa me te lira se vitet e kaluara. Ne kete aspekt, nje rol te rendesishem duket se ka luajtur edhe rritja e cmimeve ne plazhet e Malit te Zi, te cilat terheqin nje pjese te pushuesve kosovare. Ne hotelet e Ulqinit tashme nuk mund te prenotosh pa nje cmim minimal prej 10 eurosh ne nate, por edhe kete nuk e gjen ne sezonin e mbipopulluar te muajve korrik e gusht. Ne dallim nga vitet e tjera, ulja e cmimeve te hotelerise ne Durres duket se ka ndikuar per te mos pasur renie ne nivelin e frekuentuesve qe vijne nga pertej kufirit. Duket se plazhet shqiptare, ne te cilat vetem ndertohet dhe nuk investohet per kushtet e tjera, po ndjejne konkurrencen e vendeve fqinje. Ramadan Ajdini me nipin e tij, Ajetin, kane ardhur nga Prishtina. Ata thone se kane marre nje banese me qira, per te cilen paguajne shtate euro ne nate. Nje cmim qe veshtire ta gjeje vitet e kaluara. Ramadani thote se kete vit po shohin ndryshime. Eshte rritur numri i apartamenteve ne zonen turistike, por ka edhe nje pasterti me te madhe te vijes bregdetare dhe nje nivel me te mire sherbimi. Ai thote se kete vit kursimi ka filluar qe me heqjen e takses prej 10 eurosh per person, qe me pare paguhej ne kufi. Por, edhe hotelet luksoze jane detyruar, perballe konkurrences ne rritje, te pershtatin cmimet dhe te rrisin nivelin e sherbimit. "Nisja e funksionimit te mekanizmit te konkurrences - thote pergjegjesi i Zyres se Turizmit ne prefekturen e Durresit, Tasim Besho - ka bere qe pronaret e hoteleve te mos luajne me me cmimet. Ka ikur koha kur nje kafe servirej me 2000 leke te vjetra". Rritja e nivelit te sherbimit ka ndikuar qe ne plazhet shqiptare tashme te afrohen jo vetem kosovare e maqedonas, por edhe pushues te tjere nga vendet e Evropes Lindore. Gjithnje e me shume ne rruget e qytetit bregdetar degjon te flitet serbisht, sllovakisht, cekisht apo gjuhe te tjera te vendeve te ish-bllokut sovjetik. Tashme mund te thuhet se turizmi ne Shqiperi ka nisur te vihet ne rruge te mbare. Jo vetem kaq. Autoritete vendore po synojne gjithnje e me shume drejt projekteve qe do ta shnderrojne qytetin bregdetar ne nje pike te rendesishme te turizmit gjithevjetor. Sipas pergjegjesit Besho, qyteti i Durresit ofron kushte te shkelqyera edhe per forma te tjera alternative te turizmit, si ai historik, arkeologjik, kulturor apo agro-turizmi qe ne vitet e fundit po lulezon gjithnje e me shume ne vendet evropiane.

Hajrullahu

Hajrullahu ka ardhur nga Drenica per te kaluar pushimet ne Durres. "Pjesa me e madhe e miqve apo te njohurve te tij kete vit nuk kane shkuar ne Ulqin per te kaluar pushimet verore, te pakenaqur nga cmimet qe jane ne rritje ne Malin e Zi". Ai thote se ne qytetin malazez te banuar kryesisht prej shqiptareve, mund te gjesh dhoma me cmime nga 10-20 euro ne nate, ndersa kete vit Shqiperia ofron cmime me te lira. Por nga ana tjeter vendi yne ka probleme te tjera, si energjia elektrike apo uji i pijshem 24 ore, te domosdoshme ne sezonin e veres. Dhe kete e permend dhe Hajrullau i cili shprehet se: "Natyrisht, ne Ulqin ka drita, uje dhe argetim 24 ore". Megjithate, ai preferon Shqiperine.

Drita

Drita thote se eshte e kenaqur me kushtet qe ka gjetur ne plazhin e Durresit. "Ne pergjithesi plazhi eshte i paster. Une jam e kenaqur, pasi uji i detit nuk eshte i ndotur si vitet e kaluara. Kam ardhur ne plazh dhe kam marre nje dhome me qira ketu prane", thote ajo. Drita vlereson dhe cmimet e dhomave me qera apo hoteleve ne kete qytet. Sipas saj, cmimet jane te arsyeshme per dhomat ndaj dhe fluksi eshte me i madh. "Kam vene re se ne pergjithesi pastrimi i vijes bregdetare behet i rregullt nga automjetet e ndermarrjes se sherbimeve komunale", shprehet Drita, duke vleresuar bregdetin shqiptar e ne menyre te vecante qytetin e Durresit.

Kasemi

Kasemi tregon se vjen prej shume vitesh ne Shqiperi, pasi mendon se eshte mes vellezerve te tij. Por, ai nuk mund te mohoje se ketu gjerat nuk jane fort mire. "Ndoshta une mund ta paguaj edhe shezlonin e cadrat, pasi nuk kam deshire te bie edhe pajisjet nga jashte, por duhet menduar edhe per ata qe jetojne ketu e kane nje nivel te ulet te ardhurash", thote Kasemi, duke theksuar se te ardhurat ne krahasim me cmimet jane me te ulta e ndaj duhet te shihen politika te tjera per pushuesit. "Ndersa hoteleria nuk eshte e shtrenjte. Miqte e mi, qe kane shkuar ne Mal te Zi, thone se kane paguar me shume", theksoi ai.

Indriti : "Kushtet mund te jene dhe me te mira"

Indriti thote se plazhi ne Shqiperi kete vit i duket shume mire. "Kam gjashte dite qe kam ardhur dhe po kenaqemi mjaft. Sigurisht qe kushte me te mira mund te jene, por edhe ne kete gjendje eshte shume mire", theksoi Indriti. Lidhur me cmimet, ai u shpreh se ato jane te mira, por dihet qe ne varesi te xhepit dhe mundesise, mund te kesh shume gjera. "Deri tani, ne nuk kemi hasur asnje pakenaqesi apo problem gjate kohes qe vijme ne plazh. Hotelet dhe dhomat kane cmime te mira, 10 euro eshte nje nate fjetje. Une vij per here te trete ketu dhe mendoj te vij edhe vitin e ardhshem. Do te rrime edhe dy dite te tjera dhe me pas do te ikim", vijoi pushuesi ne bregdetin shqiptar.

Nesimi: "Rera eshte e mrekullueshme ne Durres"

Nesimi: "Kam kater dite qe kam ardhur ketu dhe plazhi me duket i mire. Ka pak papasterti, por mikpritja eshte shume e mire. Rera eshte ne pergjithesi e mire, por ka mundesi qe te jete edhe me e paster. Cmimet me duken normale, megjithese si bregdet qe eshte ato mund te ishin me te larta dhe kjo eshte normale, pasi pushuesit kur nisen diku per te pushuar, i kane marre parasysh keto gjera", shprehet qytetari. Ai theksoi se do te ishte mire te qendroje edhe me shume ne vend. "Me gjithe problemet qe gjej ketu, jam i bindur se nuk do te me pengojne te kaloj pushime te kendshme ne Shqiperi, sic kam kaluar edhe vite te tjere", vleresoi ai pavaresisht disa rezervave per vendin.

Ka shume permiresime, ndryshe nga vjet

Shkendija: "Kemi pese dite ketu bashke me burrin dhe femijet. Kemi ardhur edhe vitet e tjera dhe me duket se eshte me mire kete vit. Ne kemi shtate vjet rresht qe vijme ne Durres dhe ky eshte viti i tete. Me duket se te gjitha gjerat jane ne rregull, pastertia, banesa, cmimet qe ofrohen nga lokalet dhe dyqanet. Pra, eshte ne rregull, pothuajse si ne te gjithe zonen. Nga viti ne vit, gjejme kushte gjithnje e me te mira dhe sherbim gjithnje e me te kendshem. Jam e bindur se do te kenaqem kete vit dhe ju garantoj se nuk do te mungoj edhe me pas, pasi plazhi i Durresit eshte i gjithe shqiptareve, te cilet po e kuptojne gjithnje e me shume se ardhja jone kerkon edhe permiresim te kushteve".

Seferi: Mungojne tabelat orientuese gjate rruges

Seferi e ve gishtin tek cmimet e lira ne bregdetin shqiptar, prej nga ku niset dhe per puhimet e tij. "Cmimet e lira fillojne qe te plazhet publike. Une nuk e di nese ne Durres ka plazhe publike. Ndoshta ka ndonje cope vend te lire, ku mund te ngulesh cadren, por une nuk bej dot nje rruge aq te gjate per te gjetur se ku eshte plazhi publik, aq me teper qe nuk ka as tabela shpjeguese. Shikojeni edhe vete si eshte situata. Nuk kemi nje cope vend te lire dhe jemi te detyruar te paguajme gjithcka. Po paguajme shtrenjte gjithcka, ndersa sherbimet jane shume te pakta".



KohaJone

[Mr_MAGNET]

Presidenti Topi dekreton emrat e rinj të kabinetit qeveritar

http://i253.photobucket.com/albums/hh42/mafija_e_sukruqit/PresidentiTopidekretonemraterinjtka.jpg

25/07/08

Presidenti i Republikës Bamir Topi dekreton emrat e rinj të kabinetit qeveritar “Berisha 4”. Genc Pollo dekretohet zv/kryeministër, Anila Godo dekretohet Ministre e Shëndetësisë dhe Fatos Beja ministër i Arsimit dhe Shkencës. Dekretet pritet të votohen në seancën parlamentare të së hënës


TIRANE- Presidenti i Republikës së Shqipërisë, Bamir Topi nuk vonoi për të dekretuar emrat e rinj të kabinetit qeveritar të kryeministrit Berisha. Vetëm dy ditë, pasi kreu i qeverisë dërgoi në Presidencë emrat e rinj të “kabinetit Berisha 4” , kreu i shteti pranon propozimet dhe firmos dekretimet për postin e zv kryeministrit, ministrit të Arsimit dhe Shkencës, si dhe të ministrit të Shëndetësisë.
Në mbështetje të neneve 93 dhe 98, pika 1, të Kushtetutës, me propozim të Kryeministrit Sali Berisha Presidenti i Republikës emëroi sot shkarkimin e ministrit të Arsimit Genc Pollo dhe emërimin e tij në postin e zv/ kryeministrit. Dekretohet shkarkimi i ministrit të Shëndetësisë, Nard Ndoka dhe emërohet në këtë post Anila Godo, vazja e Presidentit të nderit të Asamblesë së republikanëve Sabri Godo, si dhe emërimi i Fatos Bejës në postin e Ministrit të Arsimit dhe Shkencës. Javën tjetër pritet që emrat e rinj të kabinetit qeveritar të kalojnë për votim në Parlament, me qëllim që qeveria Berisha të riformatohet brenda këtij sesioni parlamentar.
Kryeministri shqiptar ka ndryshuar katër herë kabinet, por asnjëherë nuk ka bërë ndryshime rrënjësore. Largimi i parë ishte i Olldashit, i cili la mandatin për të kandiduar për kryetar bashkie në Tiranë. Pas zgjedhjeve lokale që nuk i fitoi Olldashi, largohen Trashani, Bumçi dhe Leskaj, për t’i bërë vend aleatit të tij Ndoka. Më pas krejt papritur largohet Mustafaj, i cili e shpjegoi këtë ikje si thjeshtë “lodhje” dhe në vend të tij ulet Lulzim Basha.
(s.g/Balkanweb)

[Mr_MAGNET]

Anëtarët e rinj të Gjykatës së Lartë, amerikanët të shqetësuar

http://i253.photobucket.com/albums/hh42/mafija_e_sukruqit/AntarterinjtGjykatssLartamerikantts.jpg

25/07/08

Katër gjyqtarë të lartë amerikanë shprehen të shqetësuar rreth mënyrës së emërimit te anetareve te Gjykates se larte ne Shqipëri. Ne nje deklaratë drejtuar Kuvendit ata sugjerojne qe Kuvendi të punojë me transparencë dhe pa ndikime partiake rreth emërimit të kandidatëve, ndërkohë që i atribuojnë Presidentit te Republikës së Shqipërisë të drejtën ekskluzive për të përzgjedhur dhe hetuar rreth kandidatëve te mundshëm për postet e anëtarëve të Gjykatës së Larte


TIRANE-Problemet që ka hapur politika shqiptare ne pushtetin gjyqësor janë dëgjuar deri në SHBA. Praktikat e ndjekura nga Kuvendi i Shqipërisë kanë provokuar reagimin e paprecedentë amerikanve. Ketë herë është çështja e emërimit të antarëve të Gjykatës së Lartë në Shqipëri dhe problemet që kanë shoqëruar procesin. Katër gjyqtarë amerikanë i kanë dërguar një letër Kuvendit ku i kërkojnë transparencë në përzgjedhjen e anëtarëve të Gjykatës së Lartë. Ata theksojnë ndër të tjera se, gjetja e kanditatëve të kualifikuar për këtë gjykatë është ekskluzivitet i Presidentit të Republikës dhe duhet të mbetet sipas Kushtetutës, e drejta ekskluzive e Tij. “ Presidenti Topi tashmë i ka emëruar dy herë kandidatët për të shërbyer në Gjykatën e Lartë. Në të vërtetë, është në tagrin dhe detyrimin e Presidentit për të bërë një hetim në mënyrë që të gjejë kandidatë të kualifikuar për t’u emëruar në Gjykatën e Lartë. Sipas Kushtetutës dhe për të përmbushur parimet demokratike, kjo duhet të mbetet e drejta ekskluzive e Presidentit të Republikës”, thuhet ne letrën e shkruar nga Gjyqtari i Qarkut të Dytë, të Shteteve të Bashkuara, Xhon Uoker, Gjyqtari i distritktit te Minesotas, të Shteteve të Bashkuara, Pol A. Magnuson, Ish-Kryetari i Gjykatës së Lartë të Shtetit të Uashingtonit, Robert Atër dhe Doktori në Shkenca Juridike, Këshilltar Ligjor, Rozher D. Sherard.
Gjyqtarët amerikanë bëjnë thirrje që parlamenti të kryejë seancat dëgjimore për secilin kandidat në mënyrë të ekuilibruar. “Parlamenti kohët e fundit ka vendosur një procedurë për të mundësuar transperencën e këtij procesi – seanca dëgjimore publike. Disa kanë shprehur shqetësimin se politika po ndërhyn mjaft ne procesin përzgjedhës të anëtarëve të Gjykatës së Lartë. Prandaj, është thelbësore që Parlamenti të kryejë seancat dëgjimore për secilin kandidat në një mënyrë të drejtë dhe të ekuilibruar për të siguruar që kandidatët më të kualifikuar do të pranohen për në Gjykatën e Lartë. Seancat dëgjimore të Parlamentit për të emëruarit në Gjykatën e Lartë duhet të ngrihen mbi interesat partiake dhe taktikat akuzuese”.
Në këtë letër thuhet se: ” Sulmet personale mbi të emëruarit dhe pandehmat e paprovuara nuk duhet të pengojnë kandidatët për të shërbyer në Gjykatën e Lartë”.
(d.b/Balkanweb)

[Mr_MAGNET]

Kandidatët për Gjykatën e Lartë sot para Kom. të Ligjeve



25/07/08

Kandidatët për anëtarë të Gjykatës së Lartë raportojnë sot para anëtarëve të Komisiionit të Ligjeve. Më pas emrat do të kalojnë për miratim në Kuvend i cili pritet ti votojë dekretet brenda këtij sesioni.

TIRANE- Kandidatët për anëtarë të Gjykatës së Lartë, Aleksandër Muskaj, Arjana Fullani, Andi Çeliku, Evelina Qirjako, Guxim Zenelaj dhe Majlinda Andrea do të paraqiten sot përpara Komisionit të Ligjeve për t’iu përgjigjur interesimit të deputetëve lidhur me ekskeriencën e tyre personale dhe profesionale. Më pas emrat do të kalojnë për miratim në Kuvend i cili pritet ti votojë dekretet brenda këtij sesioni.

6 kandidatët për anëtarë të Gjykatës së Lartë u propozuan nga Presidenti i Republikës duke u përzgjedhur nga 105 emra të cilët kandiduan për këto poste në Gjykatën e Lartë.

Kandidatët janë Aleksandër Muskajt, ish-anëtar i KLD-së, aktualisht gjyqtar pranë Gjykatës së Apelit Tiranë. Arjana Fullani, gjyqtare për njëmbëdhjetë vjet, aktualisht Drejtore e Shkollës së Magjistraturës prej tetë vjetësh. Andi Çeliku, gjyqtar në Gjykatën e Rrethit Gjyqësor Tiranë për 6 vjet, aktualisht avokat prej dhjetë vjetësh. Evelina Qirjako, avokate prej nëntëmbëdhjetë vjetësh. Guxim Zenelaj, gjyqtar për katër vjet, ndihmës ligjor në Gjykatën e Lartë për trembëdhjetë vjet, ish-Avokat Përgjithshëm i Shtetit, aktualisht anëtar i KLD-së. Majlinda Andrea, gjyqtare prej gjashtëmbëdhjetë vjetësh Gjykatën e Rrethit Gjyqësor Durrës.

Dekretet e presidentit u publikuan më 8 korrik, një ditë pasi kuvendi miratoi me konsensus ndryshimet në rregulloren e kuvendit të cilat mes të tjerash legjitimojnë të drejtën e organit ligjvënës për të hetuar mbi propozimet e kreut të shtetit në Gjykatën e Lartë e për të zhvilluar seanca dëgjimore me kandidatët tashmë të dekretuar. Me 13 qershor vetëm pak ditë pasi kuvendi rrëzoi 5 emrat e parë të propozuar për në Gjykatën e Lartë presidenti Topi njoftoi ngritjen e grupit të jursitëve nëpërmjet të cilëve ai do të konsultohej për emrat e rinj por vetëm për kriteret që kandidatët duhet të plotësonin e në mënyrë kategorike jo për emrat e përveçëm.
(s.g/Balkanweb)

[Mr_MAGNET]

Ruli: Abuzimet me energjinë, vepër penale


http://i253.photobucket.com/albums/hh42/mafija_e_sukruqit/RuliAbuzimetmeenergjinveprpenale.jpg

25/07/08

Ministria e Energjetikës po përgatit ligjin përkatës nëpërmjet të cilit abuzimet me energjinë, nga kushdo subjekt, do të cilësohen vepër penale. Ruli takoi sot kompanite që interesohen për pritatizimin e OSSH.


TIRANE- Abuzimet me energjinë elektrike tani vepër penale. Ministria e Ekonomisë Tregtisë dhe Energjetikës po përgatit ligjin përkatës nëpërmjet të cilit abuzimet me energjinë, nga kushdo subjekt, qoftë privat apo shtetëror, qoftë biznes apo familjar, do të cilësohen vepër penale dhe do dënohet sipas ligjit. Ministri Ruli tha ky ligj “ka qëllim që të reduktohen umbjet në rrjetm të cilat janë problem jo vetëm për qeverinë por edhe për investitorët. Deklarata u bë sot paradite nga Ministri Ruli pas takimit me përfaqësuesit e kompanive që marrin pjesë në tenderin për pritatizimin e Operatorit të Sistemit të Shpërndarjes (OSSH). Në lidhje me privatizimin e këtij sektori ministry Ruli tha se qeveria po vlerëson ofertat dhe se rëndësi do të ketë plan biznesi dhe investimet që kompania fituese parashikon të bëjë para se të blejë OSSH.

(s.g/Balkanweb)

[Mr_MAGNET]

DEKLARATA E GJYQTAREVE AMERIKANE


25/07/08

DEKLARATE PËR PËRZGJEDHJEN E ANËTARËVE TË GJYKATËS SË LARTË

Në demokraci, pushteti gjyqësor mbron të drejtat dhe liritë themelore të njeriut siç janë, liria e fjalës, liria e ndërgjegjjes, procesi i rregullt, i ndershëm dhe i paanshëm gjyqësor, liria për të kontraktuar, dhe siguron që njerëzit do të mbrohen nga një sistem i drejtë dhe i ekuilibruar që do të zgjidhë mosmarrëveshjet e tyre, do të mbrojë të drejtat e tyre dhe do të dënojë kriminelët. Një pushtet gjyqësor i pavarur dhe profesional nuk është një privilegj për gjyqtarët, por një e drejtë themelore e njerëzve.

Të gjitha vendimet mbi emërimin e gjyqtarëve në Gjykatën e Lartë duhet të mbështeten në kritere dhe merita objektive duke i dhënë vlerësimin e duhur kualifikimeve, integritetit, dhe aftësisë. Duhet të ketë garanci, të cilat sigurojnë që procedurat për të emëruar gjyqtarët do të jenë transparente dhe të pavaruara në praktikë në mënyrë që vendimet të mos influencohen nga arsye të tjera, përveç atyre që janë të lidhura me kriteret e përmendura më sipër. Këto procedura duhet në mënyrë sistematike të kërkojnë kandidatët më të mire te mundshëm dhe të veprojnë me dinjitet për të inkurajuar kandidatët e aftë për të pranuar emërimin në gjykatë.

Këto janë parime të vendosura mirë në Bashkimin Evropian, të zhvilluara nga Këshilli i Evropës dhe demokracitë e tjera. Kur të tjerët të gjejne se sistemi gjyqësor i Shqipërisë po u përmbahet këtyre parimeve, do të ketë akoma edhe më shumë njerëz që do të duan të investojnë në Shqipëri. Bota tani po vëzhgon se si Parlamenti po bashkëvepron me gjyqësorin. Tani Parlamenti ka mundësinë që të mbrojë e të zhvillojë një sistem të pavarur gjyqësor në Shqipëri duke vlerësuar emërimet e Presidentit për në Gjykatën e Lartë me transparencë dhe me drejtësi.

Presidenti Topi tashmë i ka emëruar dy herë kandidatët për të shërbyer në Gjykatën e Lartë. Në të vërtetë, është në tagrin dhe detyrimin e Presidentit për të bërë një hetim në mënyrë që të gjejë kandidatë të kualifikuar për t’u emëruar në Gjykatën e Lartë. Sipas Kushtetutës dhe për të përmbushur parimet demokratike, kjo duhet të mbetet e drejta ekskluzive e Presidentit të Republikës. Parlamenti kohët e fundit ka vendosur një procedurë për të mundësuar transperencën e këtij procesi – seanca dëgjimore publike. Disa kanë shprehur shqetësimin se politika do te ndërhyjë mjaft ne procesin përzgjedhës të anëtarëve të Gjykatës së Lartë. Prandaj, është thelbësore që Parlamenti të kryejë seancat dëgjimore për secilin kandidat në një mënyrë të drejtë dhe të ekuilibruar për të siguruar që kandidatët më të kualifikuar do të pranohen për në Gjykatën e Lartë.
Seancat dëgjimore të Parlamentit për të emëruarit në Gjykatën e Lartë duhet të ngrihen mbi interesat partiake dhe taktikat akuzuese. Sulmet personale mbi të emëruarit dhe pandehmat e paprovuara nuk duhet të pengojnë kandidatët për të shërbyer në Gjykatën e Lartë. Nga ana tjetër, pandehmat shqetësuese, të cilat mbështeten mbi fakte specifike duhet të hetohen imtësisht dhe të vlerësohen duke patur parasysh një proces të ndershëm gjykimi. Bazuar mbi këtë funksion, Parlamenti vepron si një ruajtës i rëndësishëm dhe duhet të qëndrojë mbi politikën për të pranuar të emëruarit për në Gjykatën e Lartë, të cilët do t’u shërbejnë shqiptarëve me profesionalizëm dhe gjykime të pavarura.
Ky proces do t’i tregojë popullit shqiptar dhe botës se shqiptarët dëshirojnë të kenë një pushtet gjyqësor profesional dhe të pavarur, që do të garantojë të drejtat dhe liritë e qytetarëve të tij edhe për brezat e ardhshëm.


Me respekt,
Gjyqtar i Qarkut të Dytë, të Shteteve të Bashkuara, Xhon Uoker
Gjyqtar i distritktit te Minesotas, të Shteteve të Bashkuara, Pol A. Magnuson
Ish-Kryetari i Gjykatës së Lartë të Shtetit të Uashingtonit, Robert Atër
Doktori në Shkenca Juridike, Këshilltar Ligjor, Rozher D. Sherard

[Mr_MAGNET]

Eurodeputët japin alarmin: Zgjedhjet në Shqipëri rrezikohen

http://i253.photobucket.com/albums/hh42/mafija_e_sukruqit/EurodeputtjapinalarminZgjedhjetnShq.jpg

25/07/08

Eurodeputete te Parlamentit Europian nepermjet nje letre i kanë kërkuar Keshillit te BE-se që procesi zgjedhor ne Shqipëri të monitorohet pasi sipas tyre nuk garanton transparencë.
LETRA E PLOTE E GJASHTE EURODEPUTETEVE


Jehona e ndryshimeve kushtetuese të datës 21 Prill 2008 ka mbërritur më në fund edhe në Parlamentin Europian. Gjashtë europdeputetë i kanë dërguar sot një letër të hapur Presidentit të Këshillit të BE-së, Nikola Sarkozy dhe Presidentit të Komisionit Europian Manuel Barroso si edhe komisionerit të BE-së për zgjerimin, Oli Rehn duke iu kërkuar këtyre vendosjen e Shqipërisë nën monitorim. Sipas eurodeputetëve, reforma zgjedhore e propozuar nuk prodhon një përfaqësim proporcional të votuesve. Ajo më tepër krijon një sistem bipartizan që favorizon dy partitë e mëdha, të cilat me vështirësi përfaqësojnë 50 % të votuesve shqiptarë. Ata theksojnë se: sipas reformës së propozuar, KQZ-ja do të vendoset nën autoritetin e Ministrisë së Brendshme. Duke lejuar mazhorancën aktuale në qeverisje të kishte ekskluzivitetin e kontrollit të rezultatit të zgjedhjeve, kjo Reformë do të ngrinte dyshime serioze mbi administrimin e paanshëm të procesit zgjedhor.
Gjithashtu ata venë theksin kritik tek transparenca e procesit. “Amendamentet e propozuara nuk u diskutuan në kuadër të Komisionit Parlamentar Ad-Hoc të Reformës Zgjedhore. Procesi u krye me nxitim dhe Komisioni Parlamentar u anashkalua me qëllim. Eshtë e qartë se megjithë prezencën që nga 1997 të OSBE/ODIHR-it, Shqipëria ka dështuar të ketë një rekord të pastër në organizimin e zgjedhjeve të lira dhe të ndershme. Një monitorim më i afërt nga BE mbi çështjen e zgjedhjeve do të ishte i mirëpritur.”
Eurodeputetet theksojne se monitorimi i afërt nga BE është gjithashtu i domosdoshem për efektet e amendamenteve të tjera kushtetuese të Prillit 2008, të cilat janë kontestuar me forcë nga shumë faktorë politikë dhe të shoqërisë civile, për prishjen e mekanizmave të balancës dhe kontrollit dhe principit të ndarjes së pushteteve.
Anëtarët e Parlamentit Evropian, duke iu referuar zgjedhjeve të ardhshme parlamentare në Shqipëri, që duhet të zhvillohen në Qershor 2009, theksojne se këto çështje janë të një rëndësie kruciale dhe i bëjnë thirrje Këshillit të BE-së dhe Komisionit Evropian qe të jenë jashtëzakonisht të vëmendshëm në drejtim të demokracisë në Shqipëri si dhe tu behet e ditur udheqeheqsve politike shqiptare se BE po monitoron nga afër evoluimin e situatës në Shqipëri.
(d.b/Balkanweb)

[Mr_MAGNET]

Rinas, nisi zgjerimi i terminalit të pasagjerëve


http://i253.photobucket.com/albums/hh42/mafija_e_sukruqit/Rinasnisizgjerimiiterminalittpasagj.jpg

25/07/08
Kryeministri Berisha, ambasadori amerikan dhe ai gjerman ne Tirane moren pjese ne ceremonine e fillimit te punimeve per zgjerimin e terminalit të pasagjereve


TIRANE-Rreth 18 muaj pas fillimit te punes me nje terminal teresisht te ri, ne aeroportin e vetem nderkombetar ne Shqiperi, “Nene Tereza” ne Rinas nisen ndryshimet e tjera. Kryeministri Sali Berisha, ambasadori amerikan Xhon Uithers dhe ai gjerman ne Tirane si dhe drejtues te kompanise gjermano amerikane kane marre pjese ne ceremonine e fillimit te punimeve per zgjerimin e terminalit të pasagjereve pas te cilit ne vitin 2009 do te mundesohet qe te kalojne ne kete aeroport afro 1 milion e 500 mije pasagjere.
Kryeministrri Berisha e vleresoi aeroportin si koncensionin me te suksesshem deri me tani ndersa ka garantuar ne shume siguri per investitoret e huaj ne vendin tone

Drejtuesit e “Tirana International Aeroport” siguruan se në fazen B, ate te zgjerimit te aeroportit nuk do te perfundoje puna per zgjerimin e portes ajore hyrese per ne Shqiperi edhe ne ardhmen duke e cuar ne 20 milion vleren e investimeve ne kete projekt.
Ne mars te vitit 2005 konsorciumi gjermano-amerikane mori me koncension 20 vjet aeroportin nderkombetar “Nene Tereza”. Vetem nje vit me pare perfundoi ndertimi i terminalit te ri ku ne 18 muajt e fundit kane kaluar mbi 1 milion pasagjere e jane punesuar afro 950 punonjes. Zgjerimi i terminalit te pasagjereve me nje siperfaqe prej 3 mije e 900 meter katrore do te perfshije 14 sportele chek-in 3 sportele per kompanite ajrore, 3 dalje ne piste .
(d.b/BalkanWeb)

[Mr_MAGNET]

Dritëro Agolli: “Shprehjen e Berishës nuk e përdor as bariu me bagëtinë e vet


http://i253.photobucket.com/albums/hh42/mafija_e_sukruqit/DritroAgolliShprehjeneBerishsnukepr.jpg

25/07/08

KORCE- Dritëro Agolli, shkrimtari që shpiki në politikë fjalën “shkërdhatokraci” në mënyrë publike, reagoi dje nga Tushemishti për incidentin e ndodhur në seancën parlamentare tre netë më parë, kur kryeministri Berisha shau nga motra, deputetin e PS Taulant Balla.
“Kjo nuk është Shqipëria dhe parlamenti që dëshirojnë shqiptarët. Parlamentarët tanë, duhet të zgjedhin gjuhën që përdorin, duke kërkuar tek e shkuara jonë e hershme, tek ilirët dhe pellazgët, duke hulumtuar tek mijëra vjet për të zbuluar gjërat më të bukura dhe fisnike të një kombi dhe jo fyerjet dhe sharjet që kanë përdorur edhe aso kohe burrat e këtij vendi” rrëfen Agolli në një nga hotelet luksoze të Tushemishtit, në kafenë buzë liqenit duke folur për ngjarjen në parlament.
Dritëroit nuk ia “mban më goja” ta përmendë shprehjen e përdorur më parë nga vetë ai për politikën. Tregohet i kujdesshëm për t’i thënë kryeministrit shqiptar se kjo nuk është as gjuha që kanë përdorur të parët tanë në ambiente të tilla.
Zoti Agolli, a e dëgjuat seancën parlamentare kur Berisha shau Taulant Ballën?
Shprehjet e përdorura në atë seancë parlamentare, janë aq fjalë të poshtra, sa nuk i përdor as bariu me bagëtitë e tij.
Po ju mund të komentoni diçka më shumë apo jo?
Nuk më vjen aspak mirë të prononcohem për këtë ngjarje jo të pëlqyeshme, madje do të kisha dëshirë të mos ndodhte asnjëherë.
Megjithatë, ajo ndodhi, madje edhe në Parlament...
Parlamenti duhet të bëhet shkolla për çdo qytetar shqiptar e veçanërisht sot që ka mjete të shumta komunikimi dhe ngjarjet e mira, diskutimet, debatet e kulturuara, njerëzit i dëshirojnë më shumë sesa çdo gjë tjetër. Dhe nga këto debate, nëse janë të kulturuara, mësojnë edhe vetë qytetarët. Nga ana tjetër, zënkat, sherret e padobishme, ringjallin një pesimizëm tek njerëzit të cilët më pas e humbasin edhe besimin për të ardhmen. Madje ka edhe njerëz që thonë: ‘ky vend nuk bëhet me të tillë njerëz që shajnë dhe s’lënë gjë pa thënë për njëri tjetrin, duke sharë nga babai, gruaja, nëna, motra, bijtë e bijat’.
Edhe fqinjët tanë që mbajnë mërira të hershme me ne, duke u nisur nga këto ngjarje të papëlqyeshme fillojnë e na tallin nëpër gazetat, televizione, radiot e tyre dhe thonë: ‘ja çfarë parlamenti kanë shqiptarët’. Ne shkruajmë dhe themi që populli ynë është i lashtë, me një kulturë të madhe që vjen nga një qytetërim i hershëm që ia kalon dhe Evropës nga pellazgët, ilirët etj. Dhe pastaj nga ky qytetërim nuk zgjedhim atë që është e kulturuar dhe e bukur, por gërmojmë në fjalët më të këqija të hershme. Gërmojmë nëpër shpellat ilire dhe pellazge dhe mendojmë se me çfarë sharjesh i drejtoheshin njëri-tjetrit ilirët dhe pellazgët. Dhe duam të zbulojmë për çudi fjalorin më të keq dhe jo më të mirin, duke e veshur pastaj me elektronikën e sotme, me pub-et, filmat, internetin të sharjeve banale të rrugës “të bëfsha këtë, e të bëfsha atë” që i futëm dhe në parlament. Madje parlamentarët i kërkojnë këto fjalë nëpër internet, për të zbuluar sharjet më të këqija, në vend që të shohin mendimet më të mira, ata shohin fjalët më të poshtra për t’i sjellë në parlament. Dua t’ju tregoj një histori që mendoj se vlen shumë për ne. Një kryeministër anglez i viteve ’20-’30 në parlamentin anglez u akuzuar nga një lord, deputet sepse ati i tij kishte qënë karrocier. Në parlament, lordi që hiqej shumë i kulturuar e fyeu kryeministrin. “Ku e ke karrocierin?” i tha ai kryeministrit. Ky i fundit iu përgjigj: “Nuk e di ku është karrocieri, por gomerët janë në sallë”. Kështu duhet që parlamentarët tanë të përgjigjen në parlament dhe jo me gjuhën e fyerjeve dhe sharjeve nga më banalet. Kështu duhet të përgjigjemi në parlament dhe jo me fjalë të poshtra që si përdor as bariu me bagëtitë e tij.

(s.g/GazetaShqiptare/Balkanweb)

[Mr_MAGNET]

Sherri ne Kuvend, vazhdojne reagimet kundra Berishës

http://i253.photobucket.com/albums/hh42/mafija_e_sukruqit/SherrineKuvendvazhdojnereagimetkund.jpg

25/07/08

Forumi i Gruas Socialiste ne nje deklarate zyrtare denoi sjelljen e kryeministrit te seancen e te henes ne Kuvend. Po ashtu dhe kryetari i PSD Gjinushi reagoi ashper dhe kerkoi qe shqiptaret ta largojne me vote kryeministrin



TIRANE-Sherri ne sallen e kuvendit dhe fjalori i rende i kryeministrit Berisha ka vijuar te shkaktoje reagime te ashpra ne politike dhe opinionin publik. Forumi i Gruas Socialiste ne nje deklarate zyrtare denoi sjelljen e kryeministrit i cili sipas Forumit me shume se sa e nje drejtuesi te nje qeverie i ngjante nje bajraktari.
I ashper dhe kategorik per largimin e Berishes ka qene edhe kryetari i PSD Gjinushi. Sipas tij shqiptaret duhet te largojne me vote kryeministrin qe Gjinushi e cilesoi si,turpin e vendit

Kater dite me pare gjate debatit ne Kuvend, Kryeministri Berisha ofendoi me fjale fyese deputetin socialist Taulant Balla dhe familjen e tij. Kjo gje u denua rende nga PS dhe kryetari i saj Rama, por shkaktoi edhe reagimin e OSBE, vezhgues te se ciles ishin debuar sipas OSBE, nga salla e Kuvendit gjate debatit pas mesantes te se henes.
(d.b/News24/Balkanweb)

[Mr_MAGNET]

Presidenti dekreton emrat e rinj të kabinetit qeveritar

http://i253.photobucket.com/albums/hh42/mafija_e_sukruqit/Presidentidekretonemraterinjtkabine.jpg

25/07/08

Presidenti i Republikës Bamir Topi dekreton emrat e rinj të kabinetit qeveritar “Berisha 4”. Pollo dekretohet zv/kryeministër, Godo dekretohet Ministre e Shëndetësisë dhe Beja ministër i Arsimit


TIRANE- Presidenti i Republikës së Shqipërisë, Bamir Topi nuk vonoi për të dekretuar emrat e rinj të kabinetit qeveritar të kryeministrit Berisha. Vetëm dy ditë, pasi kreu i qeverisë dërgoi në Presidencë emrat e rinj të “kabinetit Berisha 4” , kreu i shteti pranon propozimet dhe firmos dekretimet për postin e zv kryeministrit, ministrit të Arsimit dhe Shkencës, si dhe të ministrit të Shëndetësisë.
Në mbështetje të neneve 93 dhe 98, pika 1, të Kushtetutës, me propozim të Kryeministrit Sali Berisha Presidenti i Republikës emëroi sot shkarkimin e ministrit të Arsimit Genc Pollo dhe emërimin e tij në postin e zv/ kryeministrit. Dekretohet shkarkimi i ministrit të Shëndetësisë, Nard Ndoka dhe emërohet në këtë post Anila Godo, vazja e Presidentit të nderit të Asamblesë së republikanëve Sabri Godo, si dhe emërimi i Fatos Bejës në postin e Ministrit të Arsimit dhe Shkencës. Javën tjetër pritet që emrat e rinj të kabinetit qeveritar të kalojnë për votim në Parlament, me qëllim që qeveria Berisha të riformatohet brenda këtij sesioni parlamentar.
Kryeministri shqiptar ka ndryshuar katër herë kabinet, por asnjëherë nuk ka bërë ndryshime rrënjësore. Largimi i parë ishte i Olldashit, i cili la mandatin për të kandiduar për kryetar bashkie në Tiranë. Pas zgjedhjeve lokale që nuk i fitoi Olldashi, largohen Trashani, Bumçi dhe Leskaj, për t’i bërë vend aleatit të tij Ndoka. Më pas krejt papritur largohet Mustafaj, i cili e shpjegoi këtë ikje si thjeshtë “lodhje” dhe në vend të tij ulet Lulzim Basha.
(s.g/Balkanweb)

[Mr_MAGNET]

Gjykatë, nis procesi i 8 të arrestuarve “Kredia e keqe

http://i253.photobucket.com/albums/hh42/mafija_e_sukruqit/Gjykatnisprocesii8tarrestuarveKredi.jpg

25/07/08

Të akuzuar për “vjedhje duke shpërdoruar detyrën”, “mashtrim më shumë se një herë” dhe “fallsifikim dokumentash” në bashkëpunim, 8 të arrestuarit sot kanë nisur procesin gjyqësor.


TIRANË - Në Gjykatën e Faktit në Tiranë u hap sot procesi gjyqësor për tetë të arrestuarit e operacionit “Kredia e keqe”. Arben Beqiri, Astrit Graceni, Blendi Sharra, Luan Gjika, Mahmut Barziu, Selman Mici, Taip Celaj dhe Shaqir Saliu, do të përballen me akuzën për veprat penale të “vjedhjes duke shpërdoruar detyrën”, “mashtrim më shumë se një herë” dhe “fallsifikim dokumentash” në bashkëpunim. Nga hetimet e kryera prej njësisë Task Force ka rezultuar se tetë të akuzuarit, në bashkëpunim me njëri-tjetrin kanë kryer veprime të kundraligjshme, duke iu dhënë personave të ndryshëm në disa qytete kredi bankare në shuma të konsiderueshme lekësh.
Shtatë nga të pandehurit kërkuan gjykim të shkurtuar, ndërsa i pandehuri Shaqir Saliu, i cili nuk ishte paraqitur në gjykatë, me anë të avokatit të tij, Enver Mema, kërkoi proçedim normal të çështjes. Trupi gjykues, i kryesuar nga Bujar Krasniqi, për shkak të kompleksitetit të çështjeve, nuk mori asnjë vendim lidhur me këto kërkesa, ndërkohë që vendosi ta shtyjë seancën për në shtator 2008.
(a.s/News24/Balkanweb)

[Mr_MAGNET]

Suedia do të asgjësojë raketat sovjetike në Shqipëri

http://i253.photobucket.com/albums/hh42/mafija_e_sukruqit/SuediadotasgjsojraketatsovjetikenSh.jpg

25/07/08

Suedia merr përsipër asgjësimin e stokut të përbërësve të karburantit të raketave “Melanzhi”. Ministria e Mbrojtjes dhe ambasadori I OSBE në Tiranë nënshkruan sot marrëveshjen.

TIRANË - Suedia merr përsipër asgjësimin e stokut të përbërësve të karburantit të raketave “Melanzhi”. Ministria e mbrojtjes dhe ambasadori I OSBE në Tiranë Robert Bosh nënshkruan sot marrëveshjen e cila parashikon asgjësimin e rreth 30 mijë litrave stoku toksik të cilat do të transportohen nga Shqipëria. Është kompania suedeze “SAKAB AB” e cila do të merret me zbatimin e këtij projekti që financohet nga disa vende si Greqia, Finlanda, Suedia.
Raketat “Melanzhi” që përdorin lëndë djegëse nitrogjenin kanë qenë në përdorim prej më shumë se 30 vjetësh dhe ishin armë të përdorura kryesisht nga vendet e ish-Bllokut Komunist të Lindjes. Nënshkrimi i kësaj marrëveshjeje vjen një javë pas prezantimit përpara trupit diplomatik të plan-veprimit mbi asgjësimin dhe shkatërrimin e municioneve të tepërta në Shqipëri, i cili parashikon që në vitin 2010 rreziku nga municionet për popullatën të jetë reduktuar në zero dhe brenda vitit 2015 e gjithë sasia e municioneve të tepërta të jetë eliminuar. Menjëherë pas këtij prezantimi mbështetja e parë është afruar nga OSBE. Projekti parashikohet të përfundojë në një periudhë gjashtë mujore.
(a.s/News24/Balkanweb)

[Mr_MAGNET]

Komisioni ligjeve diskuton dekretet per Gjykaten e Larte


http://i253.photobucket.com/albums/hh42/mafija_e_sukruqit/komisioni.jpg

25/07/08
Ndryshe nga maxhoranca opozita ka vleresuar publikisht pas nje seance degjimore dekretet e presidentit Topi per 6 anatare ne Gjykaten e Larte.


TIRANE - Ndryshe nga maxhoranca opozita ka vleresuar publikisht pas nje seance degjimore dekretet e presidentit per 6 anatare ne Gjykaten e Larte duke lene qarte te kuptohet se do ti jape votat e saj por emrave. Kandidatet u degjuan ne komisionin e ligjeve ne baze te rregullores se re te Kuvendit, dhe ku shumica e pati te veshtire te jepte nje qendirm te sajin perfundimtar.
I vetmi argument qe shkaktoi debat ne komision ishte procedura qe do ndiqej me 6 personat e dekretuar nga presidenti pra nese ata do te parashtronin CV-ne e tyre apo do te merreshin direkt ne pyetje nga komisioni. Emri i Aleksander Muskaj, Ariana Fullani, Andi celiku, Evelina Qirjako Lulzim Zenelaj dhe Majlinda Andrea do ti nenshtrohen keshtu procedures se votimit ne Kuvend gjate seances se dites se hene. Zera brenda maxhorances bejne te ditur se edhe pse mbizoteron nje fryme e pergjithshme per ti votuar dekretet per anetar te Gjykates se Larte, ndoshta ndonje prej kandidateve mund te mos e marre kete votebesim.
(a.s/News24/Balkanweb)

[Mr_MAGNET]

Dëshmon në gjykatë gruaja e Remzi Hoxhës



25/07/08

Në seancën e sotme të gjyqit për zhdukjen e biznesmenit shqiptaro-maqedonas, Remzi Hoxha, ka dëshmuar gruaja e tij Sefdie Hoxha. Ajo ka rrëfyer detaje të ditës së zdukjes së të shoqit.


TIRANË - Nuk duam të dënohet njeri apo të dëmshpërblehemi për vrasjen e njeriut tonë, duam të gjejmë trupin e tij në mënyrë që të kemi një varr ku mund ta qajmë e ti vendosim lule. Me këto fjalë ka nisur dëshminë e saj gruaja e biznesmenit shqiptaro-maqedonas Remzi Hoxha, e thirrur për të dëshmuar në seancën e rradhës gjyqësore në ngarkim të 4 ish-shikasve, Arben Segjini, Avni Koldashit, Budion Meçe dhe Ilir Kumbaro, i shpallur në kërkim ndërkombëtar.
Bashkëshortja e Remzi Hoxhës, Sefdie Hoxha ka rrëfyer në detaje për ditën e zhdukjes së të shoqit, si kishte marrë vesh lajmin dhe përpjekjet e saj në të gjitha institucionet e shtetit shqiptar për të zbardhur të vërtetën rreth tij. Sipas saj Bashkim Gazidede nuk ka pranuar asnjëherë ti takojë për çështjen, ndërsa Sali Berisha në atë kohë president i kishte drejtuar të gjenin përgjigjen në SHIK. Ndërkaq i biri, Ardian Hoxha hodhi akuzat se ndër personat që ata dyshojnë të jenë të përfshirë në zhdukjen e të atit është, ish-kreu i Shikut Tiranë Arben Sefgjini aktualisht në postin e Drejtorit të Përgjithshëm të Tatimeve. Seanca e radhës gjyqësore që do të mbahet në 9 shtator ku do të vijohet me dëgjimin e dëshmive të Ziso Kristopullit, gruas së tij Alma dhe 3 vëllezërve të Remzi Hoxhës.
(a.s/News24/Balkanweb)

[Mr_MAGNET]

Topalli: Italia premton ratifikimin e Protokollit të NATO-s

http://i253.photobucket.com/albums/hh42/mafija_e_sukruqit/TopalliItaliapremtonratifikiminePro.jpg

25/07/08

Në takimin që kryeparlamentarja Jozefina Topalli pati në Romë me presidentin e Dhomës së Deputetëve Gianfranco Fini, ky i fundit është shprehur se së shpejti Italia do të ratifikojë Protokollin e NATO-s.

ROMË - Italia do të ratifikojë së shpejti Protokollin e NATO-s. Në takimin që kryetarja e parlamentit Jozefina Topalli pati në Romë me presidentin e Dhomës së Deputetëve Gianfranco Fini, ky i fundit duke vlerësuar traditën e hershme në raportet e afrimitetit dhe miqësisë me Shqipërinë, është shprehur se ratifikimin Italia do ta kryejë me bindje dhe jo thjesht si një kërkesë.
“Duke parë progresin që Shqipëria ka bërë në vitet e fundit”, tha Fini “nevojitet që Komunitetit Ndërkombëtar t’i njohë këto hapa duke iu përgjigjur kështu meritës që ajo ka”. Me ftesë të presidentit të Dhomës së Deputetëve kryetarja Topalli mori pjesë në tryezën e rrumbullakët me temë “Parlamentet në procesin e Asocim Stabilizimit dhe Integrimit Europian dhe mesdhetar ku merrnin pjesë kryetarë të Parlamenteve dhe përfaqësues të legjislativit nga Bosnjë-Hercegovina, Serbia, Mali i Zi dhe Maqedonia.
(a.s/News24/Balkanweb)

[Mr_MAGNET]

Gjirokastër, arrestohet burri vrasës

http://i253.photobucket.com/albums/hh42/mafija_e_sukruqit/Gjirokastrarrestohetburrivrass.jpg

25/07/08

Pas disa orë kërkimesh policia e Gjirokastrës ka vendosur në pranga bashkëshortin vrasës. Ai ishte fshehur në tunelet e ish-repartit ushtarak ne fshatin Arshilengo i Gjirokastrës

GJIROKASTËR - Blutë e Gjirokastrës kanë vënë në pranga pas disa orë kërkimesh bashkëshortin vrasës. 54-vjecari Halil Roshi goditi me mjete të forta në mesnatë, bashkëshorten e tij Donika Roshi, duke i shkaktuar vdekjen e menjëhershme. Ngjarja e rëndë që tronditi në mëngjes herët qytetin e ngurtë, ndodhi në fshatin Topullaraj, ndërkohë autori I saj u largua nga vendngjarja dhe u kap nga policia rreth orës 16.00 të së premtes në tunelet e ish-repartit ushtarak ne fshatin Arshilengo i Gjirokastrës. Sipas policisë Halil Roshi 54 vjeç ka vrarë pas mesnate bashkëshorten e tij Donikën 45 vjec. Pasi e ka vrarë ai ka njoftuar nëpërmjet telefonit celular vëllanë e tij banor në Tiranë duke I treguar për krimin që kishte kryer ndaj bashkëshortes. Roshi pasi ka njoftuar te vëllanë është larguar me shpejtësi nga banesa për të mos rënë në duart e policisë. Në momentin e krimit kanë qenë edhe dy fëmije djali 20 vjeçar dhe vajza 17 vjeçare të cilët nuk kanë dëgjuar asnjë zhurmë.
Lajmin për vrasjen tragjike të nënës së tyre Donikës ua ka dhënë xhaxhai nga Tirana sapo ai u njoftua nga I vëllai I tij autor I ngjarjes së rëndë. Fëmijët kanë shkuar në dhomën e prindërve dhe kanë parë nënën e tyre te mbuluar nga gjaku dhe pa asnjë shenjë jete. Ka qene telefonata e një komshiu te familjes Halili, I cili ka dëgjuar zhurmë dhe ka pikasur se po kryhej një krim ndaj ka njoftuar forcat e policisë së Gjirokastrës. Forcat blu kane shkuar menjëherë ne vendngjarje dhe kane bere rrethimin e vendit për te arrestuar bashkëshortin vrasës, por ka qene e pamundur. Sipas policisë nga deponimet e para te fëmijëve mendohet se shkak I kësaj vrasjeje mund të jetë bere xhelozia, pasi çifti kishte disa muaj qe nuk shkonte mire dhe në qendër të konfliktit midis tyre ishte xhelozia e bashkëshortit.
(a.s/News24/Balkanweb)

[Mr_MAGNET]

http://i253.photobucket.com/albums/hh42/mafija_e_sukruqit/Juristtkrkojnmonitorimtreformsndrej.jpg

25/07/08

Në një letër publike drejtuar sot autoriteteve më të larta të vendit juristët si dhe Komiteti Shqiptar i Helsinkit kanë kërkuar që ndërkombëtarët të monitorojnë nga afër reformën në drejtësi.


TIRANË - Shoqata prokurorësh, gjyqtarësh e Komiteti Shqiptar i Helsinkit kanë kërkuar sot që ndërkombëtarët të monitorojnë nga afër reformën në drejtësi. Kërkesa e ekspertëve në një letër publike drejtuar sot autoriteteve më të larta të vendit, pas shqetësimit se reforma në drejtësi po përdoret për interesa konjukuturale dhe po lihen jashtë aktorët kryesore në vend. “Miratimi i copëzuar i reformës në drejtësi”, theksohet në deklaratë, “do të shoqërohej me pasoja të dëmshme dhe të pariparueshme”.
(a.s/News24/Balkanweb)

[Mr_MAGNET]

Revokimi i mases, gjykata lë në “burg pa afat” Ben Qimen

http://i253.photobucket.com/albums/hh42/mafija_e_sukruqit/RevokimiimasesgjykatalnburgpaafatBe.jpg

25/07/08

Gjykata e Tiranës ka vendosur sërisht masën e sogurisë “burg pa afat” për 37-vjeçarin fierak, i njohur ndryshe si “Ben Qimja”. Ai akuzohet për një vrasje të ndodhur në vitin 2002.

TIRANË - Gjykata e Tiranës ka vendosur sërish masën e sigurisë “burg pa afat” ndaj Arben Isufaj i njohur ndryshe me pseudonimin “Ben Qimja”. 37 vjeçari fierak i ishte drejtuar Gjykatës së Faktit për të rrëzuar vendimin e apelit për rrëzimin e kësaj mase sigurie, por kjo kërkesë jo vetëm që nuk u morr parasysh por u la e njëjtë si vendimi i apelit. Pak më parë Gjykata e Tiranës kishte dhënë për Arben Isufaj masën e sigurisë 45 ditë burg vendim i cili u rrëzua me ardhjen nga Anglia të analizave të ADN sipas të cilave vërtetonin gjurmë në armën e krimit ndaj Pirro Koçiut. Për ngjarjen e rëndë që ndodhi në 12 gusht në vitin 2002 akuzohet 37 vjeçari Isufaj.
(a.s/News24/Balkanweb)