Lajmet Ditore nga Rajoni 29.08.2008

[GRUDJANE]

Karaxhiqi refuzoi të deklarohet për fajësi
http://i46.photobucket.com/albums/f103/Grudjane/Krenaria%20Grudes/f_0829071254518_m.jpg

Ish-lideri serb i Bosnjës, Radovan Karaxhiq, të premten përsëri ka refuzuar të deklarohet për gjenocid dhe krime të luftës, për të cilat e akuzon Tribunali i Hagës.
Ky vendim i tij e ka detyruar Gjykatën që, sipas rregullave të saj, në emër të të akuzuarit në dokumentet e lëndës të thotë se i akuzuari nuk ndjehet fajtor lidhur me të 11 pikat e akuzës.
Radovan Karaxhiq është i akuzuar nga Tribunali i Hagës për disa nga mizoritë më të mëdha të Luftës në Bosnjë, përfshirë edhe bllokimin 43 mujor të Sarajevës dhe masakrën e 8 mijë myslimanëve në Srebrenicë në vitin 1995. /REL/

[GRUDJANE]

Rifillon procesi gjyqësor ndaj Karaxhiqit
http://i46.photobucket.com/albums/f103/Grudjane/Krenaria%20Grudes/f_0829020321460_m.jpg

Në Tribunalin e Hagës sot pritet të rifillojë procesi gjyqësor kundër të dyshuarit për krime lufte Radovan Karaxhiq.
Ai pritet të paraqitet në Gjykatë për t'u deklaruar fajtor ose i pafajshëm për 11 akuzat ndaj tij, përfshirë edhe ato për gjenocid dhe krime kundër njerëzimit.
Mbi të rëndojnë dy akuza për gjenocid: gjatë rrethimit 43 mujor të Sarajevës dhe për masakrën e Srebrenicës ku u vranë 8 mijë myslimanë.
Karaxhiq është ekstraduar në Hagë, pas 13 viteve në arrati.
Ai ka thënë se "demonizimi" i tij në media, përjashton mundësinë e një gjykimi korrekt. /rel/