Lajmet Ditore nga Rajoni 13.10.2008

[GRUDJANE]

Jeremiq: Mali i Zi nuk është shtet sovran
http://i46.photobucket.com/albums/f103/Grudjane/jeremiq-2.jpg

Me vendimin për njohjen e Kosovës, një ditë pasi që Asambleja e Përgjithshme e dërgoi këtë çështje para Gjykatës Ndërkombëtare të Drejtësisë, Mali i Zi tregoi se nuk udhëheq politikë të jashtme të pavarur dhe se nuk është në kuptim të plotë shtet sovran, ka thënë ministri i Jashtëm serb, Vuk Jeremiq.
Ai i ka thënë të përditshmes beogradase Press se regjimi në Podgoricë e ka ndërmarrë këtë hap nën diktat direkt të atyre, idetë e të cilëve ranë pas votimit në Asamble.

[GRUDJANE]

Londra e brengosur me veprimet e Beogradit
http://i46.photobucket.com/albums/f103/Grudjane/f_1012222546249_m.jpg

Ambasadori i Britanisë së Madhe në Serbi, Stephen Wordsworth ka deklaruar se Londra është e brengosur me veprimin e Beogradit, që nga ky vend të dëbojë ambasadorët e dy shteteve fqinje - që kanë njohur Kosovën.
Wordworth për mediat serbe ka vlerësuar se, “ky është një zhvillim fatkeq i ngjarjeve, sidomos për shkak se marrëdhëniet e mira fqinjësore janë kusht për integrimet evropiane nëpërmjet procesit të stabilizim-asociimit”.
I pyetur nëse Beogradi ka rrezikuar integrimet evropiane, ambasadori britanik ka thënë se, “përkeqësimi i marrëdhënieve me fqinjët është sinjal i keq”, mirëpo ka shtuar se “nuk dëshiron të nxjerrë konkluza”.
Ditë më parë, Serbia ka dëburar ambasadorët e Malit të Zi dhe Maqedonisë nga Beogradi, pasi këto dy shtete kishin njohur pavarësinë e Kosovës. /Telegrafi/

[GRUDJANE]

Shefi i FMN-së, optimist për stabilizimin e tregjeve financiare
http://i46.photobucket.com/albums/f103/Grudjane/AP_IMF_Strauss_Kahn_09oct08_eng_175.jpg
Zëri i Amerikës
13-10-2008

Ndërsa udhëheqësit e vendeve të Eurozonës bënë publike masat për të mbrojtur institucionet financiare dhe për të garantuar dhënien e huave ndërbankare, shefi i Fondit Monetar Ndërkombëtar Dominik Shtraus-Kahn tha të dielën në Uashington se tanimë ka nisur një program i bashkërenduar dhe efektiv për t'i bërë ballë krizës financiare.


Zoti Shtraus Kahn foli në mbyllje të takimit të ministrave të financave të vendeve të zhvilluara dhe atyre në zhvillim. Ai tha se masat urgjente të bëra publike nga udhëheqësit evropianë në Paris janë shumë pozitive.

"Unë kam besim sepse besoj se çfarë është bërë këto ditë duke filluar që nga deklarata e përbashkët e shtatë vendeve më të industrializuara, duke vazhduar më pas me takimin vjetor të Fondit Monetar Ndërkombëtar dhe Bankës Botërore apo takimi i udhëheqësve të vendeve të eurozonës është pikërsht veprimi i duhur."

Franca, Gjermania, Italia and vende të tjera të eurozonës do të garantojnë dhënien e huave ndërbankare dhe do t'u japin para kesh bankave në nevojë. Këto masa kanë për qëllim të rikthejnë besimin e investitorëve dhe të bëjnë që tregjet të funksionojnë siç duhet. Të shtunën zoti Shtraus-Kahn paralajmëroi se sistemi financiar global po shkonte drejt shkatërrimit.

Sipas presidentit të Bankës Botërorë, Robert Zëllik, kriza financiare së bashku me rritjen e çmimeve të ushqimit dhe karburantit që i parapriu krizës, kanë varfëruar sivjet rreth 100 milionë vetë në botë. Dje zoti Zëllik u tha gazetarëve se problemet e papara ndonjëherë në tregjet financiare përbëjnë një kërcënim të madh për vendet në zhvillim.

"Kjo ishte një katastrofë që u shkaktua nga vetë njerëzit. Edhe veprimet dhe përgjigjet ndaj krizës varen nga ne. Duhet gjithashtu të sigurohemi që, ndërsa qeveritë dhe taksapaguesit e përqendrojnë vëmendjen në problemet financiare vendore, ato nuk do të tërhiqen nga zotimet e tyre për të shtuar ndihmën për vendet në zhvillim."

Kriza ekonomike, gjatë së cilës shumë tregje botërore humbën rreth 20 përqind të vlerave të tyre vetëm gjatë javës së fundit, tërhoqën vëmendjen e zyrtarëve financiarë gjatë takimeve vjetore të FMN-së dhe Bankës Botërore në Uashington. Ata e përshëndetën një plan veprimi për masa urgjente të bashkërenduara, i cili u prezantua të premten nga ministrat e financave të Shteteve të Bashkuara, Evropës dhe Japonisë. //ad//

[GRUDJANE]

Medvedev: Sistemi rus i mbrojtjes së raketave është i fortë
http://i46.photobucket.com/albums/f103/Grudjane/afp_russia_Medvedev_12Aaug08_eng_0.jpg

Presidenti rus Dmitri Medvedev, ishte i pranishëm në provat e raketave me rreze të gjatë veprimi të ushtrisë ruse, dhe tha se sistemi i mbrojtjes me rekate i vendit të tij është i fortë.
Rusia lëshoi dy raketa të dielën, nga nëndetëset në Oqeanin Paqësor në Detin Barens, dhe një nga Kosmodromi Plestesk në Rusinë veriore.
Pas lëshimit të raketës në Plestesk, zoti Medvedev tha se Rusia do të vazhdojë të zhvillojë armë të llojeve të reja. Por ai lavdëroi efektivitetin e sistemit ekzistues, duke thënë se mbrojtja me raketa e Rusisë është mjaft e mirë.
Moska ka kundërshtuar planet amerikane për instalimin në Poloni dhe Republikën Çeke të një sistemi mbrojtës nga raketat.
Zyrtarët amerikanë thonë se sistemi mbrojtës është projektuar për t’u mbrojtur kundër kërcënimeve të shteteve që ata i quajnë shtete të papërgjegjshme, si Irani. Por Rusia thotë se dislokimi i sistemit mbrojtës në Europë, do të minojë kapacitetin e raketave të saj dhe do të kërcënojë sigurinë e vendit. //mm//