Lajmet Ditore nga Bota 01.11.2008

[Mr_MAGNET]

Hartmann: Akuzat e Del Pontes të

http://i253.photobucket.com/albums/hh42/mafija_e_sukruqit/hartmanjpg.gif

Hagë- Ish-bashkëpunëtorja e kryeprokurores së Tribunalit të Hagës, zonja Florense Hartman, duke komentuar deklaratat e Karla del Pontes se gjoja luftëtarët e UÇK-së kanë trafikuar organet e serbëve të zënë rob gjatë luftës ka sqaruar se deklaratat e tilla të ish-kryeprokurores janë të papërgjegjshme dhe aspak dinjitoze.

Ajo më tutje i tha gazetës zvicerane Le Temps se Del Ponte kishte "prezentuar gjëra që ishte e pamundshme që me prova të krijoheshin faktet".

Zyra e Prokurorit dhe Misioni i Kombeve të Bashkuara në Kosovë kanë zhvilluar hetimet e duhura dhe kanë vizituar terrenin në veri të Shqipërisë, që ndërlidhet me akuzat, por nuk kanë gjetur asnjë provë për akuzat e tilla dhe nuk ka bazë për vazhdim të mëtejmë të hetimeve.

[Mr_MAGNET]

Falimentime të tjera bankash në SHBA

http://i253.photobucket.com/albums/hh42/mafija_e_sukruqit/freedomjpg.gif

Në SHBA falimentoi edhe një bankë tjetër si pasojë e krizës financiare. "Freedom Bank" me seli në Florida është institucioni i 17-të kreditues në SHBA që falimenton këtë vit. Paratë e klientëve nuk rrezikohen, komunikoi Insitucioni shtetëror i Sigurimit të depozitave.DW
N

[Mr_MAGNET]

Ngushtohet rezultati, por sërish kryeson Obama

http://i253.photobucket.com/albums/hh42/mafija_e_sukruqit/mccain_obama_0329jpg.gif

Uashington- Kur gjithçka është futur në “zonën” e nxehtë për garën presidenciale në Shtetet e Bashkuara të Amerikës, kandidati demokrat për president Barack Obama vazhdon të kryesojë sondazhet kundër rivalit të tij republikan John McCain. Diferenca vazhdon të ruhet me 5 pikë në sondazhin e organizuar nga Reuters/SPAN/Zogby. Obama kryeson ndaj McCainit me 49 për qind ndaj 44 mes votuesve në nivel kombëtar më pak se avantazhi i djeshëm prej 7 pikësh.

[Mr_MAGNET]

Sulmojnë amerikanët, të paktën 25 viktima

http://i253.photobucket.com/albums/hh42/mafija_e_sukruqit/ushtareizraelitjpg.gif

Kunar- Ushtria Amerikane ka lajmëruar se nën drejtimin e forcave të saj, forcat aleate kanë vrarë 25 militantë, përfshirë një luftëtare grua, në sulme të veçuara që synonin një komandant të dyshuar të "Al- Kaidës" dhe militantë talebanë në lindje të Afganistanit. Sulmi është ndërmarrë në provincën lindore të Kunarit dhe synohej asgjësimi i një lideri të Al Kaidës. Ende asgjë nuk është e qartë nëse i shumëkërkuari prej amerikanëve është pjesë e viktimave.

[Mr_MAGNET]

Fushata e Obamës, më e shtrenjta në historinë e Amerikës

http://i253.photobucket.com/albums/hh42/mafija_e_sukruqit/obamameteshoqenjpg.gif


Uashington- Edhe pse duket më modest se rivali i tij republican John McCain, kandidati demokrat për president në SHBA, Barack Obama ka shpenzuar tre here më shumë në fushatën elektorale të ditëve të fundit. Vetëm gjatë periudhës 21 - 28 tetor, Obama ka harxhuar 21.5 milionë dollarë kundrejt 7.5 milionë dollarëve që McCain ka harxhuar. Obama ka shpenzuar më shumë në videoklipe për reklama të transmetuara në televizion. Sipas AFP-së, këto të dhëna nuk përfshijnë harxhimet e xhirimit të filmit gjysmëorësh për Obamën, i cili u transmetua më 29 tetor në shtatë televizione. Ndërkohë, ekspertët flasin se Obama ka harxhuar të paktën 100 milion dollar nga fillimi i fushatës. Ata shprehen se fushata që Obama po zhvillon, është më e shtrenjta në historinë e zgjedhjeve presidenciale në SHBA.

[Mr_MAGNET]

Bagdat, arrestohen 220 persona të dyshuar si të al-Kaidës

http://i253.photobucket.com/albums/hh42/mafija_e_sukruqit/afganetjpg.jpg

Bagdat- Forcat irakiane arrestuan 220 persona të dyshuar si pjesëtarë të al-Kaidës në provincën perendimore Anbar, një ish-bastion i rrebelëve. Shefi i policisë së provincës, dhe ushtria amerikane, njoftuan se aksioni është ndërmarrë për kërkimin e anëtarëve të al-Kaidës.

Policia ka bastisur një shtëpi në fshatin Owesat, në jug të provincës Anbar, ku ata mendonin se fshiheshin rebelët e organizatës, deklaroi shefi i policisë së Anbarit për agjencinë Reuters.

"Këta persona të armatosur po kontrollonin këtë zonë dhe mendonin se mund të ishte një vend i sigurt për ata. Morëm iniciativën dhe kryem një bastisje të guximshme", deklaroi ai.

Ky vend ndodhet në një zonë përgjatë lumit Eufrat në kufi midis provincave Anbar dhe Babil, e quajtur nga forcat amerikane si "trekëndëshi i vdekjes" pas ndërhyrjes ushtarake të vitit 2003, për shkak të rebelimit aty. Tani zona nuk paraqet rrezik, duke u konsideruar e qetë.

[Mr_MAGNET]

Libia depoziton 1.5 miliardë dollarë për viktimat e terrorizmit

http://i253.photobucket.com/albums/hh42/mafija_e_sukruqit/afganistan.jpg

Uashington- Departamenti i Shtetit njofton se Libia ka depozituar 1.5 miliardë dollarë në një fond për viktimat e terrorizmit. Ky hap do të heqë një pengesë kryesore në përmirësimin e marrëdhënieve SHBA-Libi.

"Administrata Bush do të veprojë menjëherë për shpërndarjen e këtyre fondeve", theksoi në një komunikatë zëdhënësi i Departamentit të Shtetit, Sean McCormack.

Krijimi i fondit u pranua që në muajin gusht nga Shetet e Bashkuara dhe Libia, për t’i dhënë fund pretendimeve të të dyja palëve pët terrorizëm.
Viktimat amerikane që do të mbulohen nga fondi përfshijnë ata që humbën jetën në atentatin e vitit 1988 kundër avionit "Pan Am" mbi qiellin e Lockerbie, Skoci, ku vdiqën 270 persona, dhe sulmin e vitit 1986 në një disko në Berlinin Perëndimor, ku vdiqën tre persona, dhe u plagosën 229.

[Mr_MAGNET]

Rusët djegin të gjallë të riun armen


http://i253.photobucket.com/albums/hh42/mafija_e_sukruqit/greqia.jpg

Moskë- Tre policë rus, pasi e kanë rrahur rëndë, më pas i kanë vënë zjarrin të gjallë një shtetasi armen. Shkak për këtë ka qenë vjedhja që armeni kishte bërë në Moskë.

Ngjarja e rëndë natë e 28 tetorit kur tre policët rus e kanë kapur të riun armen dhe pasi e kanë qëlluar rëndë i kanë hedhur benzinë dhe i kanë vënë flakën. Akuza e Moskës ka bërë të ditur se ndaj tre policëve janë marrë masat e duhura. Ata kanë pranuar fajin dhe tashmë pritet që të dalin para trupit gjykues.