Clinton mbështet anëtarësimin e Malit të Zi në NATO

[Mr_MAGNET]

Clinton mbështet anëtarësimin e Malit të Zi në NATO

Kryeministri i Malit të Zi, Milo Gjukanoviq thotë se vendi i tij do të punojë shumë për të ndjekur rrugën drejt një anëtarësimi të mundshëm në aleancën e NATO-s.
Gjukanoviq i bëri komentet pas takimit të mërkurën në Washington me sekretaren amerikane të Shtetit Hillary Clinton në kuadrin e një vizite tre ditore në Shtetet e Bashkuara.

Kryeministri tha se Mali i Zi po kërkon zbatimit e Planit të Veprimit për Anëtarësim në NATO, përmes së cilit aleanca përgatit vendin për një anëtarësim të mundshëm.

Ai tha se Mali i Zi do të punojë që të përmbush të gjitha detyrimet për tu anëtarësuar në NATO duke përfshirë këtu forcimin e sundimit të ligjit.

Sekretarja Clinton u zotua për përkrahjen e Shteteve të Bashkuara që Mali i Zi të bëhet pjesë e pandarë e bashkësisë euroatlantike.

Clinton po ashtu vlerësoi përpjekjet e Malit të Zi për të siguruar stabilitetin në Ballkan dhe për dërgimin e trupave të tyre në Afganistan. /VoA/