Lajmet Ditore nga Shqiperia 08.07.2008

[GRUDJANE]

Pakti PD-PS, ndryshon rregullorja

08.07.2008

Rregullorja e Kuvendit ndryshon me konsensus te plote parlamentar. Ashtu sic u kaluan ndryshimet kushtetuese, bashkimi PD-PS miratoi dje ne seance plenare me 103 vota pro ndryshime ne rregulloren e Kuvendit, qe percaktojne se dekretet e Presidentit te Republikes do te studiohen e diskutohen me seanca te posacme degjimore ne komisione. “Me 103 vota pro, 9 kunder dhe 2 abstenime, Kuvendi miraton ndryshime ne rregulloren e punes se tij”, u shpreh Kryetarja Jozefina Topalli. Pro ndryshimeve, votoi dhe ish lideri socialist Fatos Nano, qe pas shume muajsh shkeli ne Kuvend. Duke mbeshtetur keshtu qendrimin e grupit socialist. Kunder votuan te gjithe deputetet e Levizjes Socialiste per Integrim. Ne emer te Grupit parlamentar, kryetari Pellumb Xhufi u shpreh se LSI nuk mund te pajtohet ne asnje menyre me nje nisme te tille qe i merr pushtetin Presidentit. “Ne jemi kunder. Ju po cenoni pavaresine e pushteteve kushtetuese. Jam i sigurt qe ne rastin me te pare te rrezimit te nje dekreti te Presidentit, ceshtja do te paditet ne Gjykaten Kushtetuese”, tha Xhufi. Sipas tij, kjo verteton dhe nje here tjeter tentativen e dy partive te medha per te marre nga pushtetet e tjera. Ndersa deputeti Spartak Braho akuzoi se ndryshime te tilla mund te ndodhin vetem ne republika islamike. “Nuk ndodhin ne demokraci ngjarje te tilla. Po vini nen kontroll Presidentin”, vijoi Braho. Kritika shprehu dhe deputeti i Partise Socialdemokrate, Engjell Bejtaj. Edhe ai, duke dale kunder se majtes theksoi se nisma te tilla nuk jane pozitive per vendin. Rebelimi i te vegjelve nuk sherbeu aspak si presion ndaj dy forcave te medha politike qe se bashku kaluan te gjitha ndryshimet ne rregullore. Me konsensus u ndryshua neni me i debatueshem, ai 111 i rregullores. Sipas paktit te bere ne keshill, te gjitha kandidaturat qe Presidenti i Republikes dorezon ne Kuvend kalojne per shqyrtim ne Komisionin parlamentar te Ligjeve. Aty anetaret do te marrin ne shqyrtim nje e nga nje dekretet, per te pare nese ligjerisht meritojne postin apo jo. Kuvendi percaktoi nje afat 30 dite kohe per shqyrtimin e votimit te kandidaturave qe vijne nga presidenti apo dhe nga Keshilli i Larte i Drejtesise. Komisioni do te zhvilloje seanca degjimore me kandidatet, per prezantimin e tyre, por jo hetimore sic u perfol kohet e fundit ne Kuvend. Kur komisioni konstaton qe kandidati nuk i ploteson kushtet ligjore kjo kompetence i kalon Kryetarit te Kuvendit per ta diskutuar me institucionet propozuese, para se te kaloje ne seance plenare. Me pak fjale nese Komisioni Parlamentar i Ligjeve do te kundershtoje ndonje emer qe presidenti Bamir Topi do te sjelle per anetare te institucioneve kushtetuese, atehere do te jete Kryetarja e Kuvendit, Jozefina Topalli ajo e cila do te negocioje me kreun e shtetit per te gjetur nje rrugezgjidhje tjeter. Qe ne kete rast do te ishte nje emer i ri, qe te plotesoje te gjitha kushtet. Me kete menyre, Keshilli u shpreh se i jep zgjidhje perplasjes institucionale te krijuar per dekretet e presidentit. Rozeta Rapushi

Nano ne Kuvend voton si socialistet

Kryeministri Sali Berisha dhe ish-lideri socialist Fatos Nano shkelin ne Kuvend pas shume kohesh mungese. Me shume ne sy gjate votimeve, ra prania e Nanos, i cili prej shume kohesh nuk ishte pare ne ambientet e seances plenare. Por jo vetem qe morri pjese, por Nano dhe votoi pro ndryshimeve te rregullores se Kuvendit. Duke mbeshtetur keshtu qendrimin politik te grupit parlamentar socialist per kete ceshtje. Fatos Nano duket ne Kuvend shume rralle dhe gjithnje kur behet fjale per votime te rendesishme.

kohajone

[GRUDJANE]

Kurthi i policise qe vuri ne pranga mjekun

08.07.2008

TIRANE - Te besh miliona duke bere operacione. Kete ka bere mjeku Kastriot Dautaj, 66 vjec, deri me dje, kur policia e ka vene ne pranga, ne momentin kur ka qene duke marre shumen e 50 mije lekeve, pasi kishte dale nga salla e operacionit. Kane qene oficere te seksionit te Krimit Ekonomik, qe e kane vene ne pranga profesorin e mjekesise. 66-vjecarit i jane bllokuar dhe dy llogari bankare prej 640 mije dollaresh amerikane. Ka qene pacientja Luljeta Hoxha, e cila ishte operuar nga veshkat, gje per te cilen kishte marre shumen e parave. Mjeku Dauti e kishte leket nga i ati i pacientes, Ibrahim Hoxha. Mjeku Kastriot Dautaj eshte arrestuar gjate operacionit te koduar “Veshka e Humbur”. “Arrestimi i prof. dr. Kastriot Dautajt, u be, pasi u kap ne flagrance per “veprat penale te korrupsionit pasiv nga persona qe ushtroje funksione publike”, “shperdorim detyre” dhe “pastrimit te produkteve”, thane burime zyrtare te Policise se Shtetit. Hetimet kishin tre muaj qe kishin filluar nga policia.

Operacioni per prangosjen e Kastriot Dautaj, nje nder mjeket e njohur te QSUT-se, ka nisur qe ne mengjes, kane bere te ditur burime nga Policia e Shtetit. Disa agjente te policise se kryeqytetit, te udhehequr nga specialistet e Krimit Ekonomik, ishin vene ne gatishmeri per prangosjen 66-vjecarit Dautaj. Oficeret e policise, pasi kishin instruktuar personin, i cili do jepte parate, kane pritur perfundimin e operacionit te veshkave te vajzes, e cila ishte shtruar prej disa ditesh ne kete repart. Pasi ka dale nga salla e operacionit, babai i pacientes, Ibrahim Hoxha, ka shkuar dhe i ka dhene parate e operacionit mjekut Dauti. Keto leke ishin shenjuar qe me pare nga uniformat blu, qe te dalloheshin. Sapo ky i fundit ka marre parate dhe ka shkuar ne zyren e tij, ia kane behur oficeret e Krimit Ekonomik, te Policise se Shtetit. Cdo levizje e mjekut eshte mbajtur nen vezhgim nga efektivat e policise, civile, qe ndodheshin dhe ne mes te te afermve te vajzes, e cila do te operohej. Pasi kane shkuar ne zyren e mjekut, policia i ka bere te ditur Dautit se ishte i arrestuar per mitmarrje dhe disa akuza te tjera. Menjehere i eshte bllokuar shuma e parave qe e kishte marre pak me pare. Me pas, mjeku, me nje makine civile i shoqeruar dhe nga patrullat e policise, eshte derguar per ne Drejtorine e Policise se Tiranes, ku eshte izoluar dhe marre ne pyetje.
Uniformat blu kane bere te ditur se hetimet e kryera me metoda speciale te hetimit kane nxjerre ne drite se Kastriot Dautaj, me profesion kirurg ka marre shumen e 50 mije lekeve kundrejt nje operacioni ne spitalin numer 2. “Ne momentin e arrestimi, Dautit iu sekuestruan 50 mije leke, si dhe nga nje llogari bankare ne emer te tij u sekuestruan 640 mije dollare ne nje bake te nivelit te dyte, te ardhura keto qe dyshohen se kane ardhur nga veprimet korruptive”, tha dje zedhenesi i Policise se Shtetit, Klodian Branko. Sipas policise, shume prej pacienteve qe paraqiteshin ne kete spital, pasi kontaktonin kete mjek, ai u sugjeronte te paraqiteshin ne dy klinika private, ne te cilat ishte i punesuar ne pune te dyte, kundrejt perfitimeve te paligjshme.

[GRUDJANE]

KLSH con ne prokurori Hipotekat

E Marte, 08 Korrik 2008

Tirane- Kontrolli i Larte i Shtetit kerkon ndjekje penale per ish-kreun e Zyres Qendrore te Regjistrimit te Pasurive te Paluajtshme, Alket Shpendi, pasi gjate kontrolleve te bera, jane zbuluar shkelje te renda ne dhenien e titujve te pronesise, si dhe ne mbivendosje te pronave. Padia eshte ngritur nga KLSH, pas disa dokumenteve false te bera per disa toka ne Dajt, Farke e Kashar, ne ish-uzinen Dinamo etj. Kjo gje eshte bere e ditur dje, gjate nje konference per shtyp te Edvin Moraves, zedhenesi i ketij institucioni. Por, pervec kontrolleve ne Hipoteka, ky institucion ka hetuar dhe Drejtorine e Tatim-Taksave, dega Tirane dhe Drejtorine e Sherbimeve Qeveritare, ku jane gjetur shkelje. Ne keto institucione mendohet te jene shkaktuar nje dem prej 630 milione lekesh ne vitet 2005-07

HIPOTEKA

Kontrolli i Larte i Shtetit ka bere te ditur se, nga Alket Shpendi, zevendesi i tij dhe dy punonjese te zyres, jane miratuar regjistrime per 32 ha toke ne Fier, brenda zones urbane. Por, me ligj kjo gje eshte e perjashtuar, pasi nuk mund te jepet ne pronesi toke bujqesore, qe ndodhet brenda vijave kufizuese te qyteteve. Gjithashtu ish-kreu i ZQRPP-se, ka miratuar regjistrime te vecanta dhe per 64 mije hektare toke, per ish-specialistet e Ndermarrjes Frutore ne Patos. Por, ne 11 raste ne aktet e marrjes ne pronesi te tokes, mungon vula e Seksionit te Administrimit te Tokes, ndersa ne 5 raste toka u eshte dhene ish-specialisteve te kesaj ndermarrjeje. Por abuzime te medha jane bere dhe ne Tirane. Keshtu ne komunen e Kasharit, ne fshatin Mezes, eshte regjistruar 1050 metra toke pa asnje dokument por vetem me nje vertetim juridik per ndertimin e nje ndertese. Gjithashtu po ne kete fshat, eshte regjistruar nje pike karburanti pa leje dhe jashte siperfaqes se ndertimit. Ne kete vend ka qene pasuri e tjeter personi, duke krijuar mbivendosje prone, por ka shkaktuar dhe nje dem shtetit prej 19.8 milione leke. Nderkaq ne Yzberisht, ne 31 raste, ne siperfaqen prej 159540 metra toke, jane kaluar nga prone shteti ne private, me dokumentacion te ardhur direkt nga Komuna Kashar, pa konfirmim te Keshillit te Qarkut. Gjithashtu ka pasur abuzime dhe ne Komunen e Dajtit, me 323.490 metra katror pyll. Po ne kete komune, jane dhene pa dokumente dhe 672.240 metra katror pyll, pa dokumente. Ne fshatrat e zones jane regjistruar dhe toka are, pa dokumente. Abuzime jane bere dhe ne Farke, me 416 metra katrore toke, duke pajisur personat me certifikate pa te drejte. Gjithashtu, dhe trualli i ish-shkolles “Kosova”, ne rrugen e “Elbasanit”, prej 2468 metra eshte regjistruar pa te drejte, pasi ky truall ishte blere nga Bashkia e Tiranes, ne vitin 1942. Abuzime jane verejtur dhe me ndertimet, ku pallatet kane shtuar shume kate mbi ato qe eshte dhene leja.

TATIMET

KLSH-ja, ka derguar ne prokurori dhe pese padi dhe per disa drejtues te tatimeve, te cilet mendohet te kene shkaktuar nje dem prej 630 milione lekesh ne vitet 2005-07. Sipas te dhenave, jane dhene 31 masa disiplinore, ku per 14 prej tyre eshte kerkuar “Largim nga sherbimi civil”, 4 masa administrative dhe 4 masa zhdemtimi per vleren rreth 630 milione leke, ku pergjegjes eshte bere Ilir Mandi, ish-kryekontrollor dhe kater vartes te tij. Padite jane bere ndaj dy prej punonjesve drejtues, si dhe ndaj tre punonjesve te deges qe kane shkaktuar deme. Shkelje jane gjetur per mos zbatim te ligjit per “Tatimin mbi te Ardhurat”, mos deklarim, ose deklarim me pak te te ardhurave nga eksportet. Abuzime jane bere dhe ne llogaritje te tatimit te burimit, si dhe mos dhenie te penaliteteve per ata subjekte qe kane vonuar apo nuk kane dorezuar bilancin financiar. Kontrolle jane ushtruar dhe ne Drejtorine e Sherbimeve Qeveritare, ku demi ekonomik i shkaktuar eshte prej 17.5 milione leke. Ketu jane rekomanduar 23 masa, ku duhet te zhdemtojne shumen prej 4.7 milione lekesh, si dhe 5 prej tyre per largim nga puna.

REAGIMI

Pak minuta pas deklarates se KLSH-se, ishte Zyra Qendrore e Regjistrimit te Pasurive te Paluajtshme qe reagoi. Sipas saj, raporti i KLSH-se eshte bazuar ne kontrollet qe ka ushtruar Sektori i Kontrollit Tekniko-Ligjor prane Zyres Qendrore. Sipas zyrtareve te Zyres Qendrore te Regjistrimit te Pasurive te Paluajtshme, prej kohesh jane marre masat perkatese, qe nga pezullimi i regjistrimeve te paligjshme, pushimi nga puna i punonjesve qe kane kryer keto shkelje, denoncimi i praktikave te paligjshme ne prokurori, si dhe marrja e nismave ligjore per te penguar ne te ardhmen regjistrimin dhe dhenien e titujve te pronesise, te cilet shfaqnin probleme ligjore.

Abuzime me tokat
Fier, eshte abuzuar me 32 hektare toke
Patos, eshte abuzuar me 64 mije metra toke
Kashar, 1.050 metra toke regjistruar pa dokumente
Farke, 416.140 metra toke, jane dhene pa te drejte
Ish-uzina Dinamo, 4.605 metra toke jane dhene padrejtesisht
Komuna Dajt, 672.240 metra pyll
Lanabregas, Linze etj, 323.490 metra pyll
Lanabregas, 45 mije metra katror pyll eshte mbivendosur



Te denoncuar

ZQRPP
Alket Shpendi, ish-kryeregjistrues

Jordan Bulku, zevendes i ZRPP-se, Tirane
Olimbi Arapi, punonjese
Nertila Bicolli, punonjese

Tatimet

Ilir Mandi, ish-kryekontrollor
Kater kontrollore te tatimeve

[GRUDJANE]

Berisha kërkon institut për studimin e krimeve të komunizmit

08.07.2008

Kryeministri i Shqipërisë, Sali Berisha, i kërkoi sot Parlamentit shqiptar miratimin e ngritjes së institutit studimor për krimet e kryera në periudhën e komunizmit.
Nisma vjen në kohën, kur politika shqiptare është përfshirë në debat për miratimin e një ligji për hapjen e dosjeve të ish bashkëpunëtorëve të sigurimit të shtetit, një nga strukturat me famëkeqe të diktaturës komuniste.
Qeveria vlerëson se zbardhja e dosjeve të persekutorëve të diktaturës do të shërbeje për krijimin e një klase më të përgjegjshme politike dhe pastërtisë së figurave zyrtare.
Ndërkohë opozita mendon së hapja e dosjeve cenon të drejtat e njeriut dhe Kushtetutën shqiptare. /REL/

[GRUDJANE]

Neser nënshkruhet protokolli i anëtarësimit të Shqipërisë në NATO

08.07.2008

Nesër, më 9 korrik, do të zhvillohet në Bruksel takimi i Këshillit të Atlantikut të Veriut (NAC), gjatë të cilit do të nënshkruhen protokollet e anëtarësimit të Shqipërisë dhe Kroacisë në Aleancën e Atlantikut të Veriut.
Pala shqiptare do të përfaqësohet në këtë ceremoni nga një delegacion i kryesuar nga ministri i Jashtëm, Lulzim Basha. Ceremonia e nënshkrimit të protokolleve të anëtarësimit shënon përfundimin me sukses të negociatave të anëtarësimit të Shqipërisë NATO, që erdhën pas ftesës në Samitin e Bukureshtit.
Nënshkrimi i protokolleve të anëtarësimit të Shqipërisë në NATO i hap rrugë ratifikimit të këtyre protokolleve nga vendet anëtare dhe anëtarësimit me të drejta të plota të Shqipërisë në Traktatin e Atlantikut të Veriut.
Ceremonia e nesërme do të fillojë paradite me një takim midis Sekretarit të Përgjithshëm Jap de Hop Skefer dhe ministrit të Jashtëm shqiptar Lulzim Basha dhe ministrit të Jashtëm kroat, Gordan Jandrakoviq.
Në orën 10:15 fillon mbledhja e Këshillit të Atlantikut të Veriut, ku pas fjalimeve nga Sekretari i Përgjithshëm Scheffer, dekani i Këshillit të Atlantikut të Veriut dhe ministrat e jashtëm të Shqipërisë dhe Kroacisë, do të zhvillohet ceremonia e nënshkrimit të protokolleve të antarsimit të Shqipërisë dhe Kroacisë në NATO.
Në orën 11:00 Sekretari i Përgjithshëm i NATO-s dhe ministrat e jashtëm të Shqipërise dhe Kroacisë do mbajnë një konferencë të përbashkët për shtyp.qik

[GRUDJANE]

Pritjet e gjata të emigrantëve në Kakavijë



08.07.2008

Pas pikës doganore të Kapshticës, shfaqen probleme edhe në doganën e Kakavijës. Problemet janë shkaktuar në anën greke të doganës gjatë orëve të vona të natës së djeshme.
Gjatë kësaj periudhe, siç raporton Top-Channel, ka punuar vetëm njëri nga sportelet, duke shkaktuar radhë të gjata pritjesh të emigrantëve shqiptarë, që pritej të hynin në Shqipëri. Situata u normalizua vetëm pas disa orës.
Në këtë pikë të kalimit kufitar vetëm gjatë mbrëmjes së djeshme hynë 1.700 emigrantë. Një situatë e ngjashme u përsërit në fundjavë edhe në Kapshticë, ku një defect në sistemin kompjuterik të palës greke, la në radhë rreth 1 mijë emigrantë dhe 300 automjete.

[GRUDJANE]

Delijorgji kundërsulm nga burgu ndaj nënkryetarit të KLD, Kreshnik Spahiu



08/07/08)

Pas deklaratës së nënkryetarit të KLD-së Kreshnik Spahiu për tre gjyqtarët e Apelit të Durrësit të cilët I dhanë pafajësi Mihal Delijorgjit, ka reaguar nga qelia e burgut një prej të akuzuarve kryesorë për tragjedinë e Gërdecit. Mihal Delijorigji në një letër të hapur drejtuar krerëve të shtetit ka sulmuar nënkryetarin e KLD-së Kreshnik Spahiun duke e akuzuar se po shkel procedurat.

TIRANË - I ndodhur nga qelia, Mihal Delijorgji i ka dërguar një letër të hapur drejtuesve të shtetit duke nisur nga presidenti Bamir Topi, kryeparlamentares Jozefina Topalli, ministrit të Drejtësisë Enkeled Alibehaj, kryeprokurores Ina Rama dhe Avokatit të Popullit Ermir Dobjani. Në këtë letër të hapur Delijorgji sulmon nënkryetarin e KLD-së Kreshnik Spahiun duke e akuzuar se po shkel procedurat dhe se ka uzurpuar institucionin e KLD-së. Duke pretenduar se po shkelet pavarësia e gjyqësorit, Mihal Delijorgji ka deklaruar se masat për gjyqtarët i merr KLD dhe se ai nuk ka faj për ngjarjen e Gërdecit.
Në vijim të kësaj deklarate në letrën e tij Delijorgji ka kërkuar që gjykimi i çështjes së tij të bëhet vetëm nga Gjykata e Lartë pasi sipas tij gjykatat e tjera janë të varura dhe cenojnë gjykimin e drejtë. Në lidhje me tragjedinë e Gërdecit Delijorgji ka thënë se është I pafajshëm por nga ana tjetër ka akuzuar median se ka mbajtur një qëndrim jo civil ndaj tij. Mihal Delijorgji vazhdon të deklarojë se nuk ka lidhje me politikanët dhe familjarët e tyre.
News24/Balkanweb)

[GRUDJANE]

Qyteti i Beratit pranohet në UNESCO. 21 anëtarë votuan pro qytetit të 1001 dritareve



08/07/08

Tashmë qyteti i beratit do të jetë pjesë e Organizatës për Ruajtjen dhe Mbrojtjen e Trashëgimisë Botërore. Plot 21 anëtarë të UNESCO-s kanë votuar pro hyrjes së Beratit në këtë organizatë çka ka sjellë edhe pranimin e qytetit të 1001 dritareve. Lajmi eshte konfirmuar edhe nga kryetari i Bashkise se Beratit Fadil Nasufaj.
BERAT - Konfirmohet pranimi I qytetit të Beratit në UNESCO. Me plot 21 vota pro nga anëtarët e UNESCO-s kanë bërë që qyteti I 1001 dritareve të jetë një trashëgimitë kulturore më të rëndësishme në botë, të cilat merren nën mbrojtje nga UNESCO. Lajmi I gëzuar për këtë qytet, si dhe për përpiluesin e dosjes së tij Emin Riza, konfirmohet nga kreu I Bashkisë së Beratit Fadil Nasufaj.
Përpilimi i dosjes dorëzuar Organizatës për Ruajtjen dhe Mbrojtjen e Trashëgimisë Botërore nisi që në vitin 2004. Pranimi i qytetit të Beratit në UNESKO vjen në seri me pranimin e qytetit të Gjirokastrës.
/Balkanweb)

[GRUDJANE]

Vlorë, qyteti bregdetar vetëm me 1 ambulancë



08/07/08

Qytetarët dhe pushuesit e shumtë në qytetin e Vlorës, për çdo emergjencë shëndetësore kanë në dispozicion vetëm një autoambulancë edhe pse problemet e këtyre muajve të nxehta janë të shumta.
VLORË - Për të përballuar shqetësimet që sjell vapa, aksidentet apo çdo shqetësim tjetër shëndetësor për të gjithë qytetin e Vlorës është vetëm një autoambulancë. Pjesa më e madhe e rasteve urgjente që prezantohen në qytetin e Vlorës, shoqërohen nëpërmjet makinave të rastit në një kohë që ky shërbim duhet të mbulohet prej shërbimit të ambulancave. Burime nga poliklinika e qytetit të Vlorës bëjnë të ditur se përgjatë 24 orëve të ditës në dispozicion të qytetarëve është vetëm një autoambulancë me 1 mjek me dy infermier ndërsa ditëve fundit është shtuar dhe një tjetër e gatshme në ujë të ftohtë. Sipas kreut të spitalit të Vlorës, Lorand Mërkuri janë 8 ambulanca nga të cilat 4 qëndrojnë në ambientet e spitalit dhe 4 të tjera në poliklinikë,por burimet nga spitali bëjnë të ditur se nga këto vetëm 1 është në dispozicion të qytetarëve dhe pjesa tjetër është në turnet vijuese.
Shpeshherë ka ndodhur që ndërhyrja e ambulancës ka qenë e vonuar siç është rasti I para dy muajve në një prej lokaleve të bregdetit ku një qytetar humbi ndjenjat gjatë kohës që ishte në një festë dhe duke parë këtë situatë u njoftua ambulanca për ngjarjen ,ndërkohë që I jepej ndihma e parë .Të afërmit duke parë vonesën e ambulancës e shoqëruan të afërmin e tyre për në spital ku sipas mjekëve kishte vdekur si pasoj e një infarkti ndërsa ambulanca mbërriti gati 20 minuta me vonesë pasi kishte qënë në një tjetër urgjencë më parë. Një tjetër problem që lidhet me urgjencën është dhe numri I telefonit 127 I cili nuk përgjigjet në thirrjet e celularit ku del shprehja “abonenti I kërkuar mund të ketë fikur telefonin” ndërsa përgjigjet vetëm nga telefonat fiks.
/News24/Balkanweb)

[GRUDJANE]

Ambasadori gjerman: Kritikat tona për Shqipërinë



Ndryshimet në Kushtetutë ishin demokratike, por u befasova sa shpejt dhe me sa pak debat kaluan disa prej tyre"
Bernd Borchardt, ambasadori i Republikës Federale të Gjermanisë në Tiranë mendon se çështja e pazgjidhur e pronave krijon pasiguri tek investitorët. Në një intervistë ekskluzive për "Shqip", ai komenton zhvillimet politike në Shqipëri dhe perspektivat zgjeruese të Bashkimit Evropian. Teksa u referohet ndryshimeve të fundit kushtetuese, Borchardt thotë se ato nuk bien në kundërshtim me asnjë parim të demokracisë ose shtetit ligjor. Por shton se është befasuar se sa shpejt dhe me sa pak debat u miratuan disa nga këto ndryshime. Në demokraci, vlerëson ai, është krejtësisht normale të lindin debate mes institucioneve kushtetuese për mënyrën se si duhet të kuptohen dhe interpretohen disa të drejta e mandate të caktuara. Borchardt shpreson që Parlamenti shqiptar të vendosë sa më shpejt lidhur me plotësimin e vendeve të lira për anëtarët e Gjykatës së Lartë. Duke insistuar se me shtatë vende vakante gjyqtarësh një gjykatë nuk mund të funksionojë plotësisht. Dështimi në zgjedhjet e vitit 2009, sipas tij, do të ishte hap prapa për Shqipërinë dhe NATO-n, e cila i ka bërë ftesën për anëtarësim. Qeveria gjermane thekson sakaq, qëndrimin e saj për perspektivën evropiane të të gjitha vendeve të Ballkanit Perëndimor. Teksa vlerëson arritjen në luftën ndaj trafikut të drogës dhe ekonomisë informale në Shqipëri, ambasadori hedh kritika për nivelin e trafikut të qenieve njerëzore dhe korrupsionit.

Gazeta "Shqip": Zoti Borchardt, prej muajsh Ju jeni caktuar ambasador i Republikës Federale të Gjermanisë në Shqipëri. Sa ndryshon realiteti shqiptar nga ajo çka prisnit para se të merrnit detyrën?

Ambasadori: Kur erdha në Shqipëri nga fundi i muajit korrik të vitit të shkuar, mbeta i impresionuar. Në vitet 1994 deri 1997 jam marrë me çështjet e Shqipërisë në Ministrinë e Jashtme dhe në vitin 1996 munda të vizitoj vendin tuaj. Hapat përpara të bëra që nga ajo kohë, janë mbresëlënëse.

Gazeta "Shqip": Gjatë presidencës gjermane të Bashkimit Evropian, në politikën shqiptare u imponuan marrëveshjet gjithëpërfshirëse. Kam parasysh këtu marrëveshjen e arritur sa i takon reformës zgjedhore. Me ardhjen e presidencës sllovene u përdor formula dyshe pra PD-PS që hapi një konflikt politik. Si e konsideroni këtë?

Ambasadori: Ne e shohim si shumë të rëndësishme, që tensioni midis dy kampeve të mëdha politike në Parlamentin shqiptar, i cili në të kaluarën ka karakterizuar për një kohë të gjatë jetën politike të vendit tuaj, është zbutur duke u kthyer në një atmosferë bashkëpunimi. Të gjithë partnerët e BE-së - dhe këtu nuk ka asnjë ndryshim ndërmjet Presidencës gjermane dhe asaj sllovene - ndajnë të njëjtin qëndrim, për t‘i sugjeruar politikës shqiptare, të synojë një bashkëpunim më të mirë dhe kapërcejnë klimën dominuese të konfrontimit.

Gazeta "Shqip": Pak muaj më parë, Parlamenti shqiptar kaloi me shumicë votash paketën e ndryshimeve në Kushtetutë. Ende, faktorë të veçantë kontestojnë këtë rezultat, duke e cilësuar deri puç ndaj demokracisë. Ju keni një qëndrim?

Ambasadori: Parlamenti shqiptar përcakton rregullat, sipas së cilave, bëhen ndryshimet në Kushtetutë. Këto rregulla janë marrë parasysh në rastin e paketës së ndryshimeve në Kushtetutë që ju përmendni. Veç kësaj, këto ndryshime në Kushtetutë nuk bien në kundërshtim me asnjë parim të demokracisë ose shtetit ligjor, të cilave Shqipëria është angazhuar t‘u përmbahet. Por sigurisht që u befasova, se sa shpejt dhe me sa pak debat u miratuan disa nga këto ndryshime.

Gazeta "Shqip": Mazhoranca prej ditësh është përfshirë në një konflikt mes institucionesh. A ishte veprim i drejtë rrëzimi në Kuvend nga shumica e drejtuar nga Partia Demokratike, i pesë dekreteve të kreut të shtetit, Bamir Topi, për anëtarë të Gjykatës së Lartë?

Ambasadori: Një nga kushtet themelore për funksionimin e një shteti demokratik, është që institucionet kushtetuese të respektojnë ligjet dhe mandatet që u janë caktuar. Në një demokraci është krejtësisht normale të lindin debate midis institucioneve kushtetuese për mënyrën se si duhet të kuptohen dhe interpretohen disa të drejta dhe mandate të caktuara. Nëse në këtë pikë nuk mund të arrihet një kompromis, atëherë kjo është një çështje për të cilën vendos një gjykatë kushtetuese. Por ne shpresojmë, që Parlamenti shqiptar të vendosë sa më shpejt lidhur me plotësimin e vendeve të lira për anëtarët e Gjykatës së Lartë. Me shtatë vende vakante gjyqtarësh një gjykatë nuk mund të funksionojë plotësisht.

Gazeta "Shqip": Vitin e ardhshëm shqiptarët do t‘u drejtohen kutive të votimit për të zgjedhur mazhorancën qeverisëse. A po bëhet aq sa duhet për reformën në Kodin Zgjedhor, kartat e identitetit dhe regjistrin e zgjedhësve?

Ambasadori: Nëpërmjet kontributit të saj në BE, Gjermania është bashkëfinancuese e një projekti të Komisionit të BE-së, i cili asiston në ndërtimin e një regjistri të zyrave të gjendjeve civile. Pas kapërcimit të disa vështirësive, ky projekt tashmë është në rrugë të mbarë. Ndërsa për reformën zgjedhore, Parlamenti shqiptar para pak ditësh miratoi ngritjen e një komisioni ad hoc. Edhe në këtë pikë kam përshtypjen, se debati do të ecë shpejt para. Veç kësaj, qeveria shqiptare na ka siguruar, se kartat e identitetit do t‘u shpërndahen në kohën e duhur zgjedhësve për zgjedhjet e ardhshme. Kjo është shumë e rëndësishme: Zgjedhje në vitin 2009, të cilat nuk përputhen me standardet tona të përbashkëta, do të ishin një hap mbrapa për Shqipërinë dhe NATO-n, e cila i ka bërë tashmë Shqipërisë ftesën për anëtarësim.

Gazeta "Shqip": Sa tërheqëse është Shqipëria për investuesit gjermanë. Në një moment të caktuar u pa një lloj rritje e interesit, por më pas duket sikur kjo u sfumua?

Ambasadori: Para se të vija në Shqipëri, qeveria gjermane kërkoi veçanërisht që ambasada gjermane në Tiranë të informonte biznesin gjerman më shumë mbi mundësitë që ofron Shqipëria si një partner ekonomik. Masa jonë e parë në këtë drejtim ishte një konferencë e përbashkët ekonomike gjermano-shqiptare e zhvilluar në tetor 2007, në Tiranë. Një shembull tjetër është vizita e disa përfaqësuesve të industrisë tekstile gjermane në ndërmarrje shqiptare në pranverë të këtij viti. Aktualisht, po planifikojmë organizimin e një tjetër konference të gjerë ekonomike në tetor. Në përgjithësi, unë jam i kënaqur, që interesi i biznesit gjerman për Shqipërinë është rritur dukshëm gjatë vitit të fundit. Këtë ne e vërejmë në interesimin dhe kërkesat për këshillim gjithmonë në rritje. Por edhe Shqipëria mund të bëjë më shumë për të rritur atraktivitetin e saj si një vend ku mund të investohet. Çështjet e pazgjidhura të pronave krijojnë pasiguri tek investuesit. Nëse rreth 2/3 e shqiptarëve shprehen se kanë pak ose aspak besim te gjyqtarët, edhe kjo është diçka që i bën të reflektojnë investuesit.

Gazeta "Shqip": Shumica e irlandezëve votuan kundër-traktatin e Lisbonës. Çfarë ndikimi do të ketë kjo për Shqipërinë?

Ambasadori: Rezultati negativ i referendumit në Irlandë ka shkaktuar edhe një debat mbi varësinë e marrëveshjes për reforma dhe zgjerimin. Dua të shpreh qartazi, se qeveria gjermane është për perspektivën evropiane të të gjitha vendeve të Ballkanit Perëndimor. Negociatat për anëtarësim dhe politika e përafrimit janë të suksesshme dhe duhet të çohen përpara. Por konsensusi i BE-së për vijimin e procesit të zgjerimit kërkon një rishikim të bazave kushtetutore të BE-së. Pikërisht për këtë arsye, Traktati i Lisbonës është i domosdoshëm. Si do të ecet më tej me Traktatin e Lisbonës? Është me siguri ende herët për të spekuluar mbi këtë pyetje. Por unë shpreh bindjen, se vendet e tjera të BE-së së bashku me Irlandën do të gjejnë një zgjidhje të qëndrueshme.

Gazeta "Shqip": Në vijimësi, raportet ndërkombëtare kanë dhënë si konkluzion faktin se vendi ynë ecën një hap para drejt standardeve ose një hap prapa. A ka një datë kur Shqipëria mund të shpresojë anëtarësimin e plotë në Bashkimin Evropian?

Ambasadori: Data për anëtarësimin e Shqipërisë në BE është në dorë të Shqipërisë. Ajo varet nga progresi i reformave në vendin tuaj. Reformat në vendin tuaj ndiqen me shumë kujdes në kryeqytetet e BE-së dhe Bruksel. Ne gëzohemi për hapat përpara. Po përmend disa shembuj: Lufta e qeverisë kundër trafikut të drogës ka sjellë rezultate pozitive, po kështu ne kemi mirëpritur edhe masat e ndërmarra për uljen e korrupsionit në provimet e pranimit në universitete. Nëse themi se marrëveshja Interim mes BE-së dhe Shqipërisë po zbatohet mirë, kjo nënkupton se edhe doganat po funksionojnë më mirë. Por edhe administrata e financave ka shënuar më shumë të ardhura: pra lufta kundër ekonomisë informale po shfaq rezultate. Por nga ana tjetër ne shohim edhe zhvillime problematike. Kështu p.sh., javët e fundit Këshilli i Evropës dhe Departamenti Amerikan i Shtetit konstatuan në mënyrë të pavarur nga njëri-tjetri, se trafiku i qenieve njerëzore brenda vendit, në Shqipëri, është rritur. Ky është një lajm shumë i keq. Dhe, pavarësisht nga sukseset e përmendura për sa i përket korrupsionit: Një anketë e kohëve të fundit tregoi, se më shumë se 2/3 e të gjithë të intervistuarve u është dashur të paguajnë ryshfete për trajtime mjekësore gjatë vitit të fundit. Më keq: Ky numër ishte më i lartë se ai i një ankete të zhvilluar më 2006.

Gazeta "Shqip": Duke qëndruar te procesi i integrimit sa të arritshme e shikoni liberalizimin e regjimit të vizave mes Shqipërisë dhe shteteve të tjera evropiane?

Ambasadori: Liberalizimi i regjimit të vizave është në dorën e Shqipërisë. BE-ja i ka dorëzuar qeverisë shqiptare, sikurse dhe qeverive të tjera të Ballkanit Perëndimor një listë me kushtet që duhet të plotësohen për arritjen e liberalizimit të vizave. Edhe në këtë aspekt, për sa u përket disa kushteve, Shqipëria është në rrugë të mbarë p.sh., në realizimin e pasaportave biometrike. Edhe lufta kundër trafikut të qenieve njerëzore dhe korrupsionit përbëjnë disa nga këto kushte. Anketat që përmenda pak më lart tregojnë, se në këtë fushë ka ende shumë për të bërë. Përndryshe miqtë e Shqipërisë do ta kenë të vështirë të bindin skeptikët e shumë prej ministrive të Brendshme në vendet e BE-së për një liberalizim të vizave.

CV
Karriera e ambasadorit Bern Borchardt

Bernd Borchardt ka lindur më 19 janar 1955 në Bottrop. Ai ka kryer studimet e larta për psikologji në Universitetin e Mynsterit. Nga viti 1981 deri në 1983 kreu një kurs përgatitor për Shërbimin e Jashtëm të nivelit të lartë pranë Ministrisë së Jashtme Federale. 1983 - 1986 ishte referent për vendet nordike pranë Ministrisë së Jashtme Federale dhe në 1986 - 1989 zëvendësambasador pranë Ambasadës në Conakry. Në vitin 1989 u emërua zëvendësambasador pranë Ambasadës në Mogadishu, ndërsa nga 1990 - 1992 ishte atashe për çështjet e politikës pranë Ambasadës në Pretoria. Në vitin 1992 u emërua zëvendësambasador pranë ambasadës në Tallinn ku qëndroi për dy vite. Pas kësaj kohe mbajti postin e zëvendësdrejtorit të referatit për çështje të Evropës Juglindore pranë Ministrisë së Jashtme Federale, ku qëndroi për katër vite rresht. Në vitin 1998-1999 ishte zëvendësdrejtor pranë Misionit të Verifikimit të OSBE-së në Kosovë. Nga viti 1999 deri në 2002 ishte zëvendësambasador pranë Ambasadës në Bukuresht dhe në vitet 2002-2003 drejtor Referati për marrëdhëniet me jashtë në BE pranë Ministrisë së Jashtme Federale. Më tutje për tre vite mbajti detyrën e drejtorit të referatit për Azinë Jugore pranë Ministrisë së Jashtme Federale. Në vitet 2006-2007 ishte zëvendësdrejtor i Drejtorisë për Azinë pranë Ministrisë së Jashtme Federale. Që prej gjysmës së vitit 2007 ai ushtron detyrën e ambasadorit të Republikës Federale Gjermane në Shqipëri.